Mupala'a 8:3 - Ata New Testament

³ Xe mukalu la angelo vilela mune'e mutulu alai no anu tanixu navu. Anu mutetelisou lisi koli so mi tuma'u lailaixe. La ane'i milosou mi tuma'u lailaixe tavu'alo mo so upitanu no anu vaikalai'a tamitemaou Mosinge u'isalili e ilemolu noxou. La mumulaxu no anu tanixu navu e mutulu no laxunu sia kingi. Mumulaxu ne so lexe noxou Mosinge.

Mupala'a 8:3 ပူးပေါင်းရင်းမြစ်များ

Luku 1:10

La anu a u'elaxu mi tuma'u lailaixe nonano la ane'i tamitema latala mipita noale so ixolu ivikala noxou Mosinge.

Lomu 8:34

Laso ena'ei uto'omenge lexe tina'unenge so susu uxolusio? Uasi manina. Xo Kalaisiti Iesua musoli mo mutulu ne. Mo vaimomo 'o a utalupexa no anu Mosinge avolu tema so uvalanenge noxou lexe mukolinu tina'u so susu noxinge mukalu.

Ipilu 7:25

Anu uxolu axone laso ta'ei ipolo noxou so ilai noxou Mosinge la anu upamauline'i. Upamauline'i la mi ne utalo uasi xo anu a uxoxolu uvalaxa'a noxou Mosinge kaluxu­sou uasi.

Ipilu 9:4

Nonano ne mimi aloxo 'o. Mi loxo latevolo se mi'oxonu no anu koli so tanixu mi e i'elaxu so tuma'u lailaixe. Xe kesi so konitalaki ane misu'asou pa'upa'umolu no anu koli. Nonano no anu kesi la lisi koli so mana xe vilaxo noxou Aloni ane malusou muleme no anu xe lavo'o alelaxu e konitalaki mukaukavu no anu.

Mupala'a 10:1

Ioxe, emalei loxo 'o sila emaisou angelo vile ane xavinu misevile molu no tualasou Mosinge mulu'e. Mulu'e la loxo lavulutiou no anu saumasi. Xe sosovo so vavalima muxolu no kisou. La no alaiou lamanaxu a loxo aso. Xe no tava'u la kaxu loxo navu.

Mupala'a 14:18

La angelo vilela ane usaxila'u navu molu no tanixu navu mune'e. Mune'e la mu'ava tatila noxou angelo ane mutetelisou laviso uku ne aloxo 'o, “Nano'u laviso anaxu noxine ne so na'elesou uaini ngiaxu no anu lamolamota no lialia xo momoxo mukalu. Na'elesou mukalu laso nasu'anu la'oluxu.”

Mupala'a 5:8

Mulai muno'u mukalu la tamimi tami'a oli'a tatiatila 24 ne mixolasou tava'a mo mitangatulu no tava'u. La ane'i vilevilesi mitetelisou mi loxo kita 'o xe lisi koli ane mi umuxu tuma'u lailaixe u'ela no anu. Anene usosovosou vaikalai'a tamitemaou Mosinge u'isalili ilemolu noxou.

Mupala'a 6:9

Mukalu la Sipisipi Ilie mulokenu sosovo ta'uvesou e muteinoxu lavuku ne. Xe emalei loxo 'o sila no tava'u tanixu navu emaisou ulene'i ane'i ane tamitema mive'a­ve'axu vaikalaou Mosinge. Xo ane'i ne pakia'a so mitetelisou mo milanu vaikalou laso taxilili mive'axu.

Mupala'a 7:2

Xe emaleila sila angelo vile molu loxo no aso uxali mune'e. Anu mutetelisou sosovo vile. Sosovo ne anu noxou Mosinge e umamauli. Mune'e la mu'ava tatila noxi'a ta'angelo tami'a e Mosinge mulosi'a xavi so imamulonu lialia ilou luaki.

Mupala'a 8:4

Xe mi tuma'u lailaixe mupita ilou vaika­lai'a tamitemaou Mosinge mu'isa­lili. Mupita la umuxu molu no avolu angelo mutetelai no laxunu Mosinge.

Mupala'a 8:5

Ioxe, angelo muno'u navu no anu tanixu navu ka mumulaxu no anu lisi so mi tuma'u lailaixe. Mukalu la musu'anu no lialia sila lele'e mupaupau mo mulamilami mo uni'uni mukuno­kunoxu lialia.

Mupala'a 9:13

Ioxe, angelo 6-si'a mutaunu piuka noxou. Xe no anu tanixu navu koli e mutulu no laxunu Mosinge la elomusou xoli vile. Anu molu no tainu mi loxo kau komonu tami'a e mutulu no mailu'axu tami'a.