Mupala'a 8:10 - Ata New Testament

¹⁰ Ioxe, angelo tatalusi'a mutaunu piuka noxou la taoto vile toxoxu mulapau no loxotolo mulu'e la anu mu'ani loxo telu 'osi. Mulapau la loxo takalipalanu lexalexa mo luxuluxu uxali pa'usou tatalu la taoto ne muatasou pa'usou vile no anu mukalusi.

Mupala'a 8:10 ပူးပေါင်းရင်းမြစ်များ

Matiu 25:1

Ioxe, Iesua musolonu vaikalaou lexe, “No anu voxo olele so Mosinge molu u'uli laxune'i tami­temaou no tualasou la latilovosou aloxo 'o. Tavuanga 10 milai no vote'i so ialaxu itema vile mutaula'i alavua. La mino'u lalamo xo masi olovoxoie'i.

Luku 10:18

La Iesua muvi­kalane'i lexe, “Eni emaisou Uluaou mulapau no tualasou Mosinge mupisikei mulu'e loxo lele'e mupau.

Iuti 1:13

Ane'i loxo xasi ane uxolaxola upaxelelesi. La ilixone'i ane laixe so imailamulinu ne upala'a no tani keakeasi aloxo livilivi upala'a no luaki. Ane'i loxo tataoto imulinu vote'isi'a u'isalili uasi, ixixao vitanisi. Laso maixene Mosinge mulalaxinu tanixa'a no anu isivoxo e tamokikisi so ixolu no anu kaluxu uasi.

Mupala'a 1:20

Xo nemaisou tataoto 7 no avolo tema xe lalamo koli 7 a ututulu. Anu so latilovo mo laxu mutalume ia apala'anixu noxine aloxo 'o. Tataoto 7 ne anu soso­vosi'a ta'angelo 7 no anu pita 7 vilevilesi. Xe lalamo 7 ne anu usosovosou pita 7 ne.

Mupala'a 12:4

Xe mumua'inu xela'u la musilapanu tataoto tavu'alo e tavu'alo mipei no lialia mukalusi. La loxo takalipalane'i tataoto pa'usi'a tatalu la pa'usou vile ane mipei milu'e. La mi loxo sineke toxoxu ne mutulu no laxune sema mo so loxo ilie ulapau la uloxu so u'ou.

Mupala'a 14:7

Ioxe, xolinu tatila so mulanu vaikalaou aloxo 'o, “Voxosou Mosinge utilovosi'a tamitema no lakoti a muxali 'oe. Laso ngamama'u noxou Mosinge mo nga'itinu ualasou. Xe ngavi­kalasou ili'ilixou laixe xo anu mukoinu loxotolo ilou lialia mo luaki mo lexa luxuluxu.”

Mupala'a 16:4

La angelo tatalusi'a munixi'u lisi noxou mulu'elai no lexalexa xe no anu luxuluxu mukalusi la muxali sialusi.

Mupala'a 6:13

Xe tataoto no loxotolo kalumo milapalapau mulu'e no lialia. La a loxo ovu viki ngiangiaxu ununu ulapau mi ne sivo tatila uilisou.

Mupala'a 8:7

Xe angelo vile mutaunu piuka noxou la uali loxo aisi ilou navu mupita no anu sialu mulapau no lialia. Mulapau la loxo takalipalanu lialia uxali pa'usou tatalu la vile mu'ela avile. La anu axone no anu ovu ovu xe mimi mulemeleme kalumo.

Mupala'a 9:1

Ioxe, angelo ta'uvesi'a mutaunu piuka noxou. La emaisou taoto ane mulapau no tualasou Mosinge mulu'e no lialia. La ane'i milosou lakisou taxa tatila ane mulu'elai avile mo taxalisou tava'u uasi.

Mupala'a 9:15

Ane'i ta'angelo tami'a ne a milalaxine'i so aso iou xe voxo xe so'io xe tau ie ne u'isalili. Mixolu milalaxi axone so loxo takali­palane'i tamitema ixali laili tatalu la no anu laili vile la ive'ave'a isoisoli avile. Laso ane, milulusi'a so i'oxonu xaixai anene.

Mupala'a 9:18

Laso mimi tatalu masua e mula no anaxa'a ta'osi ne la muxalixu mamulosi'a tamitema. Mo so loxo takalipalane'i tamitema no lialia mukalusi ixali laili tatalu, la laili vile ne misoisoli mukalusi.