Mupala'a 7:3 - Ata New Testament

³ Mu'ava lexe, “Ngingi ngamamulonu lialia ilou luaki xe ovu ovu kolokolo uasi. Ngaxolu xo nexi tamulaxu sosovo noxou Mosinge no alaie'i tamitema so xaixaiou teio.”

Mupala'a 7:3 ပူးပေါင်းရင်းမြစ်များ

Matiu 24:22

Xe loxo Tatana­nenge uxotonu voxosou tu'utu'u­maxu anene uasi la itema vile umauli uasi. Ia anu uxavutalane'i tamitema ane musososvosi'a luma­mo lexe tanoxou. Uxavutalane'i laso uxotonu voxo anene.

Matiu 24:31

Mo piuka utama tatila so upalusi'a ta'angelo­xeli ilailai. Ilailai no anu noti xe sauti xe uesiti xe isiti no loxotolo teletelexu. La ipitane'i tamitema ane Mosinge musosovosi'a lexe tanoxou.”

Tioni 12:26

Loxo itema ena'ei so u'oxonu xaixai noxilo la anu masi umulilelisi, mo so loxo eni axolu ne'ei la itema so xaixai noxilo ne uxolu kalumo. Mo loxo itema so u'oxonu xaixai noxilo la Maminge u'itinu itema ne ualasouxu.”

Tioni 3:33

Ia itema ane u'osa so ulomuxu la umaxa'u lexe oponu ututuluou vaikala ano'osi, “Mosinge anu maninasi.”

Lomu 6:22

Ia vaimomo 'o Mosinge mu'umengengi no anu xavinu susu mo muxalixinge tamitemaou. Vaimomo 'o anu molu upamuxangengi so nga'oxonu ili'i­lixo ane no anu masaxa noxou mu'isalili. Laso nene'axu axova? Aloxo 'o. Anu molu ulosinge mauli kaluxu uasi.

Mupala'a 13:16

Ioxe, mi vova tameisou muvi­kala lexe ane'i imulaxu sosovo no anu avo'avo'a tema xe no ala'alaie'i tamitema mukalusi. Tamitema loxo vitavitanisi o ane'i loxo ualaualasi'a xe ane'i loxo lamolii'a o ane'i loxo uasi xe ane'i ixolu lalavulusi o tasilevi, ane'i mukalusi mixalisou sosovo ne.

Mupala'a 13:17

Laso loxo sosovo ne uxolu noxou itema vile uasi la umomomo so ulotonu mi vile o usalimunu mi vile uasi. Sosovo ne anu ualasou mi vova xe navasou ualasou.

Mupala'a 14:1

Ioxe, emaleila la emaisou Sipisipi Ilie a mututulu no anu la'olu Saioni. La oli'a tamitemaou 144,000. La noxi'a tamitemaou ne ualasou Sipisipi Ilie xe ualasou Momu a muxolu no alaie'i.

Mupala'a 14:9

Mukalu la angelo vilela mumu­line'i tatamei teila. La angelo tatalusi'a 'o muvikala aloxo 'o, “Ane'i ta'ei i'itinu ualasou mi vova ilou mi e musaxi loxo anu mo ino'u sosovosou no anu alaie'i xe no avo'a la ixalisou tu'umaxu aloxo 'o.

Mupala'a 19:2

Xe loxo Mosinge utilovosou xe ukolinu ili'ilixo la manina mo ulapusi. Xo anu mukoline tilasi'a tasema so vote'i e mimasuane'i tatemanu lialia no anu ilixo nuni'u noxie. Xe ane mive'ave'a tamitema so xaixai noxou Mosinge ia anu mukolinu sialuxa'a noxie mukalu.”

Mupala'a 20:4

Xe emaleila la emaisou siasia tavu'alo a loxo sia kingi a muta'olu. La ane'i ane mitalupexa no anu la Mosinge mulosi'a xavi so itilo­vosi'a tamitema no lakoti. Xe tamitema ane taxilili mixotosou xolane'i xo no anu vaikala laixe so Iesua ilou Mosinge vaikalaou, la emaisou ule'ulene'i a uxolu ne. Mo tamitema ane i'itinu mi vova olele ilou mi ane musaxi loxo anu uasi mo ino'u sosovo noxou no alaie'i xe no avo'a uasi la mixolu ne kalumo. Ioxe, ane'i mukalusi ne, mixalisou mauli la mitulu mivei­sa'inu Kalaisiti no anu tanixu kingi mumomomo no anu tau ie 1000.

Mupala'a 22:4

Ixolu i'itinu ualasou la ane'i imaisou iou mo no anu alaiie'i la ualasou uxolu no anu.

Mupala'a 6:6

Xe elomusou xoli vile molu no taine'i tamimi tami'a muvikala aloxo 'o, “Nini nalai na'oxonu xaixai noxine so vitolo. Laso loxo itema uxaxai aso loloni xe uxalisou lapesou la ulotonu uiti malaxo uasi. Umo­momo no anu lasopeni se kitua sesi. Xe loxo vali ngiaxu la lasopeni tatalu kitukitusi. Ia no anu ovu olivi xe lamota uaini la namamulonu mamu mo so tami­tema ino'u lexaxusio.”

Mupala'a 7:1

Ioxe, mukalu la emaisi'a ta'angelo tami'a mitulu no anu lialia telete­lexu tami'a. Ane'i mitanutanuxu sivo molu no anu lialia teletelexu tami'a ne. Mitanuxu mo so sivo uilisou lialia xe luaki xe ovu ovu uasi.

Mupala'a 7:2

Xe emaleila sila angelo vile molu loxo no aso uxali mune'e. Anu mutetelisou sosovo vile. Sosovo ne anu noxou Mosinge e umamauli. Mune'e la mu'ava tatila noxi'a ta'angelo tami'a e Mosinge mulosi'a xavi so imamulonu lialia ilou luaki.

Mupala'a 9:4

Ia mi'apixa'a lexe mamu so imamulonu laxalasi o mimi uleme­leme o ovuovu. Mi'oxo lexe tami­temasi ane sosovo noxou Mosinge uxolu no alaie'i uasi, la ilosi'a navunavu.