Mupala'a 7:17 - Ata New Testament

¹⁷ Xo Sipisipi Ilie uxolu nonixi manina no anu sia kingi. La anu usaxila'a a loxo itema usaxila'a tasipsipi. Mo upamuxane'i so ilai iie no anu lexa so mauli no luxu. Xe ie'i lexaxu la Mosinge uiasou mo so itamala uasi.

Mupala'a 7:17 ပူးပေါင်းရင်းမြစ်များ

Matiu 2:6

'Ia nini Peteliemuo no xale lia ne Iuta, nini ualasine kitua no taine'i tuatuala uasi. Xo ane'i tamite­masou tuatuala se'i itulutulu tatiatila, ia Itema vile so usaxila'a tamite­maxeli Ta'isilaeli molu noxinesi.'”

Matiu 5:4

Laixe noxi'a ane'i ane itatama vaimomo 'o xo ili'i la ixalisou mamatola ane.

Tioni 10:11

Itema so usaxila'a tasipisipi laixe a enisisi 'osi. La itema so usaxila'a tasipisipi laixe u'oxonu aloxo 'o, anu upilixinu maulixu so si'a tasipisipi.

Tioni 10:14

Enisisi amitema ane so asaxila'a tasipisipi laixe. Eni alavusi'a tanoxilo mo tanoxilo ne ilavusilo.

Tioni 4:10

La Iesua muvikalane lexe, “Loxo nelavusou mi lailaixe ane Mosinge mipilixinu 'o, mo loxo nelavu lexe eni ena'ei a elingau lexa noxine ne, la nini masi nelinga noxilo kaio elosine lexa so mauli. La ua.”

Tioni 4:11

La sema ne mikolinu lexe, “Ia Tilao, nini lapaxete so natau no anu uasi mo taxa ano'o mulu'elai no liamo, laso lexa so mauli e nelemolu ne naxalisou a ne'eio?

Tioni 4:14

Ia itema ena'ei uie no anu lexa ane eni aitixu la usolioula uasi. Xo lexa aitixu ne uxolu nonano noxou loxo lexa luxu mo u'opu'opu so ulosou mauli kaluxu uasi.”

Ta'aposeli 20:28

Ia ngingi ngalaxa'i laixe mo ngautululune'i Mosinge ta'olu laixe xo Ulenu Laixe molu musoso­vosinge so ngasaxila'a. Tami­temaou ne anu molu mulotone'i no anu sialuxu. Tatemanu pita noxou Mosinge ne ane'i loxo tasipisipiou, mo ngingi loxo tamitema so ngasaxila'a.

1 Pita 5:2

Ngingi ngalaxa'ine'i tamite­maou Mosinge laixe xo ane'i loxo tasipisipiou ane mupilixine'i no avonge ne. Laso loxo ngaxaxai so ngasaxila'a la nga'oxonu loxo evile usoungengi no anu uasi. Nga'oxonu xo ngingi menge ngamasaxau xaixai anene mo ngalavu lexe anene masaxa noxou Mosinge. Mo tava'u nga'oxonu so ngano'u lapesou uasi, nga'oxonu no anu osa maninasou no opongengisi.

Mupala'a 14:4

Ane'i ne ilai noxi'a tasema so i'oxonu ilixo nuni'u uasi, mi'apixa'a laixe no anu. Xe loxo Sipisipi Ilie ulai ne'ei la ane'i imulinusi. Ane'i laili tei ane Mosinge ilou Sipisipi Ilie milo­tone'i milivu noxi'a.

Mupala'a 21:22

Xe no taoni ne la amaisou tasou Mosinge vile uasi xo Tatananenge anu Mosinge U'uli'uli ilou Sipisipi Ilie ne ane'i me'a a ixolu no taine'i tatemanusi.

Mupala'a 21:23

Xe kalumo no taoni ne la tava'u so aso ilou so'io iiesou uasisi. Xo iaxu Mosinge a ulusou lamanaxu mo Sipisipi Ilie anu uxolu loxo lalamosou kalumo.

Mupala'a 21:4

Anu uxolu noxi'a laso ie'i lexaxu so mi vilela uasi. Mo soli uxalila uasi. Mo tamitema opone'i tu'umaxusou mi vile xe itama xe ixamulinu navunavula uasi. Mi anene so tateimo, umomomo so uxalila uasi.”

Mupala'a 21:6

Xe muvikalaleli aloxo 'ola, “Anu ane, mukalu. Eni ane tei xe eni kaluxu uasi a. Eni tava'u mimi mukalusi xe mi ma'ia la asivitanoxu avilesi. Loxo itema vile usoliou lexa la eni a'itixu no anu lexa so mauli luxu. A'itixu mo uiesi, ulotonu uasisi.

Mupala'a 22:1

Ioxe, emaisou mimi ne mukalu la angelo mulosoielixu lexa vile. Anu lexa so mauli ane. Anu lamana e lamana loxo laxalasi 'o. Lexa ne molu no anu sia kingi noxou Mosinge ilou Sipisipi Ilie.

Mupala'a 4:11

“Nini Tatananexi mo nini Mosixe. Ninisisi nalaixe so tami­tema i'itinu ualasine mo ia'aloxu ilixo noxine laixe mo itoxu xavi noxine. Xo nini nekoinu mimi mukalusi, mo muxali no anu masaxa noxinemo.”

Mupala'a 5:6

Ioxe, emalei loxo 'o la Sipisipi Ilie vile a ututulu nonixi manina no anu sia kingi e muxolu no taine'i tamimi tami'a oli'a tatiatila. Ututulu la musaxi loxo sipisipi ilie ane tamitema mivau ka musoli. Anu komonu 7 xe iou lavo'onu 7 kalumo. Anene usosovosou Mosinge Ulenu ane noxou 7 e Mosinge mupalusou so uxolu no lialia mukalusi.