Mupala'a 7:15 - Ata New Testament

¹⁵ Laso maixene ane'i itulu no laxunu sia kingi noxou Mosinge. La aso mo olovoxo ane'i ixolu i'oxonu xaixai noxou no anu tasou. Mo Mosinge uxolu no anu sia kingi noxou alai noxi'a axone so usaxila'a.

Mupala'a 7:15 ပူးပေါင်းရင်းမြစ်များ

Tioni 1:14

Anu Vaikala ne muxolu itema no anu vasimolu, mo mune'e muxolu no tainexi. La temaisou xoluxolu noxou lailaixe mo xaviou misevile la mupala'a lexe anu Olu e vilesisi anu molu noxou Mami­nge. Anu mosou iaiama ilou vaikala anu temanu manina.

1 Kolini 3:16

Xo axova, ngalamana no anu mi anene uao? Ngalavu laixe, tasou Mosinge a ngingi ne. Xo Ulenu Mosinge a uxoxolu noxinge.

2 Kolini 6:16

Mo axovala, nenge ta'unanu momosi'a kalavoi no anu tasou Mosinge? Uasi to! Xo nenge a tasou Mosinge e umamauli. Mi ne Mosinge mulemolu tatei aloxo 'o, “Eni axolu nonano noxi'a mo amuamua'i no taine'i. La eni axolu a Mosi'a xe ane'i ixolu tami­temaxeli.”

Ipilu 12:2

Tasaxi noxou Iesuasi xo anusi tava'u lopala na'a nenge mo anusi uxalixu nene'axu mi e talopalanu taxomaiou. Anu ne mutavulenu maila ia uxavutalanu uasi xe no ovu valautu la mu'italonu so musoli no anu xo oponu mu'oxoxu osa ane uxalisou ili'i 'o. Laso maixene anu a utalupexa no anu sia kingi noxou Mosinge no avolu tema.

Ipilu 8:1

Ioxe, tava'u vaikalamenge mukalusi 'o aloxo 'o. Nenge pilisiti tatila axone a uxoxolu. Anu ane mutalupexa no avolu tema no anu sia noxou Kingi Tatila e no tualasou.

Mupala'a 11:19

Ioxe, tatiatila mivikala axone mukalu laso aitengaxu tasou Mosinge no tualasou mukisi. Mukisi laso emaisou kesi so konitalaki muai ne. Emaisou la lele'e mulamilami mo mupaupau. Xe uni'uni mukunikuni mo uali loxo aisi mululu'e.

Mupala'a 13:6

La vaikala so pupui mula no anaxu mo muvikala masuaou vaikalaou Mosinge xe tasou xe tamitemaou ane ixolu no tualasou lailaixe.

Mupala'a 20:10

Ioxe, Uluaou u'oxo loloxa'a tamitema axone laso Mosinge usu'anu no anu taxa toxoxu ane navu ilou lavo'o axexaxu u'ani'ani no anu. Taxa e mi vova ilou polopeti kalavoi a ixolu no anu kalumo. La ane'i tatalu ne itavulenu navunavu no aso xe olovoxo ulai ulai xo mole kalu­xusou uasisi.

Mupala'a 21:22

Xe no taoni ne la amaisou tasou Mosinge vile uasi xo Tatananenge anu Mosinge U'uli'uli ilou Sipisipi Ilie ne ane'i me'a a ixolu no taine'i tatemanusi.

Mupala'a 22:3

La tu'utu'umaxu ane mukasi'a tami­tema no lialia tatei ne uxolula uasi. Xe sia kingi noxou Mosinge ilou Sipisipi Ilie uxolu ne. Mo ane'i tamitema so xaixai noxou ixolu i'itinu ualasou.

Mupala'a 22:5

La olovoxola uasi. Mo tava'u so ilexexu lalamo xe tava'u so aso uiieila uasi xo Tatananenge anu Mosinge molu uxolu so ulosi'a lamanaxu. Ixolu axone no anu tanixu kingi ulai ulai xo mole kaluxu uasisi.

Mupala'a 4:4

La sia 24 muxixaosou sia kingi ne. Mo emaisi'a tatiatila 24 a mitaluta­lupexa no anu. Ane'i mitalupexa la lavulutii'a kea veveni xe no kisi'a la ati koli a loxo takingi ilavusou itanu.

Mupala'a 4:8

La tamimi tami'a ne vivivisi'a 6 mukalusi. Ie'i ie'i musu'asou vasi­me'a mo muxolu no laxu vivisi'a kalumo. Mo kakau olovoxo ivikala lexe, “Tatananenge anu Mosinge anusisi U'uli'uli. Anu malema­lenga. Anu malemalenga. Anu malemalenga. Anu muxolu tei tei manina mo a uxoxolu vaimomo 'o mo anu une'e uxolu ili'i avile.” Ane'i ixolu ivikala axone mo italo uasi.

Mupala'a 4:9

Laso tamimi ne i'itinu ualasou mo itoxu mo imaxa'u osa'ilasou anu ane utalupexa no anu sia kingi ne. Anu ane uxolu kaluxu uasi.

Mupala'a 7:9

Ioxe, mukalu xe emaleila la emaisi'a tamitema tavu'alo e tavu'alo, ta'itisi'a uasisi. Tamitema ne so xale tuatuala mukalusi xe no anu lailaili latala xe vaikalai'a vilevilesi xe vasime'a iouiou. Ane'i mukalusi mitulu no laxunu sia kingi mo no laxunu Sipisipi Ilie. Xe no vasime'a la lavuluti kea veveni mukalusi. Xe no avo'a la mitetelisou mi loxo xolou voloxu 'o.