Mupala'a 7:14 - Ata New Testament

¹⁴ La eni ekolinu lexe, “Tatila, nini nelavusi'a ane.” Sila anu muvikala aloxo 'o, “Ane'i tamitema ano'o me'a no anu voxo so ulua. Ane'i mi'uinu lavu­lutii'a no anu sialuxu Sipisipi Ilie laso muxali muvalukeasi.

Mupala'a 7:14 ပူးပေါင်းရင်းမြစ်များ

Matiu 24:21

Voxo anene tu'umaxu e tu'umaxu manina. Musoko'u no voxo loxo lialia muxali xe mune'e muxali avile vaimomo 'o la tu'umaxu axone uxali uasi. Mo uxali ili'i kalumo axone uasi.

Maki 13:19

Mo no voxo anene tu'umaxu e tu'umaxu manina. Musoko'u no voxo loxo Mosinge mukokoinu mimi mune'e muxali avile vaimomo 'o la tu'umaxu axone uxali uasi. Mo uxali ili'i kalumo axone uasi.

Tioni 16:33

Eni elemolu vaivai­kala ano'o mo so noxilo la ngaxalisou xoluxolu lalavulusi. Xo no anu xoluxolungenge so lialia 'o la ngaxalisou tu'utu'umaxu, ia laixe so opongengi uxolu pumuxusi, xo xavi so lialia a eua'ulixu 'oe.”

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

Lomu 5:3

Ia ta'osasou voxo anenesi uasi, ta'osasou tu'utu'umaxu ane tatavulenu 'o. Ta'osasou xo ma'ia? Ta'osasou xo tu'utu'umaxu anene so u'oxonu pakia'inge.

1 Kolini 6:11

Ai, tatei ngingi mose'i xoluxolungenge axone kalumo. Ia Mosinge molu mu'ulosinge mo mukalipalangengi lexe ngingi tamitemaou mu'isalili. Ulenu Mosinge muxaxaisinge mo ngingi a ngatavulenu ualasou Tata­nanenge Iesua. Laso maixene Mosinge umoxo'inge lexe ngingi tamalemalenga no iou.

2 Tesalonaika 1:4

Mo kalumo loxo nexi taxixao no anu pitapita noxou Mosinge no tuatuala la talavusou taa'alongenge so ta'itinu ili'ilixo noxinge. Taa'al­ongenge lexe ngatavulenu navuna­vusou tu'u­tu'umaxu ia ngasasalo uasi, ngetetelisou lopala noxinge pumuxusi.

Ipilu 13:12

Xe noxou Iesua la mupilixinu vasimolu so sialuxu ula mo so uxalixa'a tamitema malemalenga. Mutavu­lenu navunavu axone, la noale no anu aitengaxu taoni kalumo.

Ipilu 9:14

Ioxe, anene vote'i so malemalenga tei. Ia loxo sialuxu Kalaisiti la lailaixe mo uua'ulixu anene laso xaixai no anu uua'ulixu ane tei avile kalumo. Xo Ulenu ane kaluxusou uasi mupa­muxanu so mupilixinu maulixu malemalenga noxou Mosinge. Laso sialuxu uxaxaisou vasime­ngesi uasi, ulai avile no tanenge so u'uinu mo u'oxonu uai laixe. Mo so tatalo no anu xaixai ane mauli no anu uasi mo ta'oxonu xaixai noxou Mosinge e umamauli.

1 Pita 1:19

Anu mulotonenge no anu mi lailaixe e uua'ulixu lamoli mukalusi, mi e sialuxu Kalaisitisi. Kalaisiti ne anu loxo sipisipi ilie ane vasimolu xale­xalevinu o nuni vile no anu uasi.

1 Tioni 1:7

Anu a uxoxolu no anu lamanasi, laso loxo nenge tamua­mua'i no anu lamana anenesi la nenge nenge'a taxolu oponenge vilesisi, xe sialuxu Olu Iesua u'uinenge no anu susu mukalusi.

Mupala'a 1:5

Xe noxou Iesua Kalaisiti kalumo. Anu ua'aloxu vaikalaou Mosinge maninasi mo anu u'uli'uli noxi'a tamitema so itulu no anu soli mo anu tilasi'a takingi no lialia mukalusi. Mo kalumo anu musexelanenge mise­vile laso mulotonenge no anu sialuxu so mu'umenenge no anu susu noxinge.

Mupala'a 12:11

Mukusukusu'a tavivinge axone ia loxo manina la ane'i miua'ulixu lumamo no anu xavinu sialuxu Sipisipi Ilie. Xe miua'ulixu kalumo no anu vaikala laixe milanu. Milanu laso maulixa'a ne ixavu­talanu uasi, mi'italone'i umomomo no anu solisi.

Mupala'a 15:2

Mo kalumo emaisou mi vile loxo luaki ia titilosi. La navu mu'ani'ani no anu. Xe emaisi'a tamitema latala a itutulu no pa'umolu luaki titilo ne mo itetelisou mi loxo kitakita noxou Mosinge. Ane'i tamitema anene miua'ulixu mi vova ilou mi e tamitema mixalixu so usaxi loxo anu xe navasou ualasou kalumo.

Mupala'a 17:6

La emaisie sema ne miiexu sialuxa'a tamitemaou Mosinge u'isalili xe sialuxa'a tamitema ane mia'aloxu Iesua. Emaisie lexe miie no anu la loxo misipaki. La talelilili manina.

Mupala'a 2:9

Eni elavu no anu tu'utu'umaxu ngatata­vulenu mo ngingi nga'oloxola no anu mimi so vasimenge. Ia ngepa­lava no anu mimi so ulengengi. Mo elavusou vaikalai'a tamitema ane ipupuienge. Ane'i ikalavoi lexe ane'i Taiuta, ia uasi, ane'i tatemanu pita noxou Uluaou ane.

Mupala'a 22:14

Ioxe, ane'i ane mi'uinu lavu­lutii'a la i'osa'ilasi xo ane'i imomomo so i'ani no anu ovu so mauli. Mo ane'i imomomo so i'unalai no anu aitengaxu taoni, evile u'apixa'a uasi.

Mupala'a 5:9

Mitangatuluou la milexenu lexe alavua aloxo 'o, “Nini nalaixe umomomo so nano'u lavuku mo nalokenu sosovo e mutei no anu. Xo ane'i mivene nesoli so sialuxene mulotone'i tamitema milivulivu noxou Mosinge. Tamitema no anu lailaili latala xe vaikalai'a vilevilesi xe vasime'a iouiou xe no xale tuatuala mukalusi.

Mupala'a 7:9

Ioxe, mukalu xe emaleila la emaisi'a tamitema tavu'alo e tavu'alo, ta'itisi'a uasisi. Tamitema ne so xale tuatuala mukalusi xe no anu lailaili latala xe vaikalai'a vilevilesi xe vasime'a iouiou. Ane'i mukalusi mitulu no laxunu sia kingi mo no laxunu Sipisipi Ilie. Xe no vasime'a la lavuluti kea veveni mukalusi. Xe no avo'a la mitetelisou mi loxo xolou voloxu 'o.