Mupala'a 6:9 - Ata New Testament

⁹ Mukalu la Sipisipi Ilie mulokenu sosovo ta'uvesou e muteinoxu lavuku ne. Xe emalei loxo 'o sila no tava'u tanixu navu emaisou ulene'i ane'i ane tamitema mive'a­ve'axu vaikalaou Mosinge. Xo ane'i ne pakia'a so mitetelisou mo milanu vaikalou laso taxilili mive'axu.

Mupala'a 6:9 ပူးပေါင်းရင်းမြစ်များ

Tioni 16:2

Xo Taiuta ikusainge so nga'una no anu tatasou lavuloto noxi'ala uasi. Mo voxo vile uxali ili'i la tamitema ivenge ngasoisoli xo ikalavoi lexe no anu anene la ane'i a i'oxonu xaixai noxou Mosingemo.

2 Kolini 5:8

Ia loxo elemolu, oponenge utulu pakia'usi mo masaxa noxinge lexe taxolu no anu tani e vasimenge 'o uasi. Tamasaxau xoluxolu so ta'unalai tatalupexa no nunisinge noxou Tatananenge avile.

Pilipai 1:23

Xo mi tamei ulapunu opoleli. Masaxa noxilo lexe axexe mo noxou Kalaisiti tapita taxolui xo axone la lailaixe lapilai uasisi.

Pilipai 2:17

Laso loxo tava'u maulixo 'o so unixi ula la anu loxo usiali upita ilou mi e ngepilixinu no anu lopala noxinge lexe noxou Mosinge. Eni a'osa so uxali axone mo amasaxau lexe ngingi kalumo ngaxamulinu osa noxilo 'o.

2 Timoti 1:8

Ioxe, laso namaila so nalanu vaikalasou Tatananenge mamu. Xe eni amitema so lakalavusu xo noxou a, ia mamu so namaila­mulileli. Nini nano'u xavi noxou Mosinge so napita noxilo mo natavulenu tu'umaxusou vaikala laixe kalumo.

2 Timoti 4:6

Ioxe, voxo mune'e alai mukalu so sialuxo unixi ula aloxo uaini e inixi'u so lexe noxou Mosinge. Voxo so alutu a so uxali 'oe.

Ipilu 12:23

Mo ngexali no anu pita tatila noxi'a talaposalaxa'a ane ualaualasi'a muxolu mukau­kavu no tualasou Mosinge. Mo noxou Mosinge anu Tiasi noxi'a tamitema mukalusi. Mo noxi'a ta'ulene'i tamitema talapusi ane muxalixi'a tamalemalenga.

Mupala'a 1:2

Mo so vaikalaou Mosinge aneva elomusou xe mi ma'ia emaisou Iesua Kalaisiti mu'oxonu o mulemolu la aa'aloxu u'isalili.

Mupala'a 1:9

Ioxe, eni avivinge Tioni a xo nenge nenge'a taxolu noxou Iesua. Taxolu noxou laso nenge so taxolu no voxo loxo Mosinge molu u'uli laxune'i tamitemaou. Laso maixene nenge tatavulenu tu'utu'umaxusou ia taxolu se'isisi so taxomaiou. Xo eni elanu vaikalaou Mosinge mo ea'aloxu Iesua laso ane'i mikusailo xe mipalusilo so axoxolu no anu ailani Patimosi 'o.

Mupala'a 14:18

La angelo vilela ane usaxila'u navu molu no tanixu navu mune'e. Mune'e la mu'ava tatila noxou angelo ane mutetelisou laviso uku ne aloxo 'o, “Nano'u laviso anaxu noxine ne so na'elesou uaini ngiaxu no anu lamolamota no lialia xo momoxo mukalu. Na'elesou mukalu laso nasu'anu la'oluxu.”

Mupala'a 16:7

La elomusou xoli molu no tanixu navu muvikala aloxo 'ola, “Ani, manina. Tatana­nexi nini Mosixe. Nini na'uli'uli avile, mo loxo nini natilovosou ili'ilixo so nakolinu la manina mo ulapusi.”

Mupala'a 19:10

Muvikalaleli mukalu sila eni elalusi no tava'u so atangatuluou. Ia anu muvikala lexe, “Ai, na'oxo axone mamu. Eni kalumo amitema so xaixai aloxo ngingi ngoli'a tavivine ane ngekamakulunu vaikala laixe so Iesua. Na'itileli uasi, na'itinu Mosingesi. Xo loxo telavu, vaikala laixe so Iesua ne anu u'avutinoxu ulene'i tamitema so ilanu vaikala so pela'a.”

Mupala'a 2:13

Eni elavu no anu tuala ane ngaxoxolu no anu lexe xavi noxou Uluaxeli u'okisi. La mala'o se'o tamitema mivau Anitipasi xo mulanu vaikalaxeli mo mulopala­­lelisi. Anu vile noxinge ia ngingi ngapilixinu ualasilo uasi, ngeka­makulunusi. Mo ngaxiunu tuma­lingeou lopala noxinge uasi, ngexolu pumungenge no anu tuala ane Uluaxeli ukasou ne.

Mupala'a 20:4

Xe emaleila la emaisou siasia tavu'alo a loxo sia kingi a muta'olu. La ane'i ane mitalupexa no anu la Mosinge mulosi'a xavi so itilo­vosi'a tamitema no lakoti. Xe tamitema ane taxilili mixotosou xolane'i xo no anu vaikala laixe so Iesua ilou Mosinge vaikalaou, la emaisou ule'ulene'i a uxolu ne. Mo tamitema ane i'itinu mi vova olele ilou mi ane musaxi loxo anu uasi mo ino'u sosovo noxou no alaie'i xe no avo'a uasi la mixolu ne kalumo. Ioxe, ane'i mukalusi ne, mixalisou mauli la mitulu mivei­sa'inu Kalaisiti no anu tanixu kingi mumomomo no anu tau ie 1000.

Mupala'a 8:3

Xe mukalu la angelo vilela mune'e mutulu alai no anu tanixu navu. Anu mutetelisou lisi koli so mi tuma'u lailaixe. La ane'i milosou mi tuma'u lailaixe tavu'alo mo so upitanu no anu vaikalai'a tamitemaou Mosinge u'isalili e ilemolu noxou. La mumulaxu no anu tanixu navu e mutulu no laxunu sia kingi. Mumulaxu ne so lexe noxou Mosinge.

Mupala'a 9:13

Ioxe, angelo 6-si'a mutaunu piuka noxou. Xe no anu tanixu navu koli e mutulu no laxunu Mosinge la elomusou xoli vile. Anu molu no tainu mi loxo kau komonu tami'a e mutulu no mailu'axu tami'a.