Mupala'a 6:12 - Ata New Testament

¹² Mukalu la Sipisipi Ilie mulo­kenu sosovo 6-sou e muteinoxu lavuku ne. Xe emalei loxo 'o sila uni'uni toxoxu e toxoxu muxali no lialia. La aso muxiu muxali su'inu loxo tiva teinu 'o. Xe so'io kalumo muxiu muxali lauoinu loxo sialu.

Mupala'a 6:12 ပူးပေါင်းရင်းမြစ်များ

Matiu 11:21

La muvikala lexe, “Auo, anu uxali masua manina noxinge ne Kolasini, mo uxali masua manina noxinge ne Vetisaita to. Xo loxo sosovo so xavi muxali no taoni ne Taili mo Saitoni a loxo muxali no taingengi ne la ane'i masi mixiunu mo mi'isalilinoxu opone'i tateimo. Xe axone la masi a isakinu lavalava so tama mo ipeipenu lomulo no kisi'a so imaxa'u mama'u so susu noxi'a.

Matiu 24:29

Muvikala axone mukalu la musolonu aloxo 'ola, “Tu'utu'u­maxu anene uxali ukalui la aso uxali isivoxosi mo so'io ukala uasi. Mo mimi xavixavinu no loxotolo ukunikuni la tataoto ilapalapau ulu'e.

Matiu 24:7

Xe tamitema no anu laili se'i i'alivulane'i laili se'i. Xe takingi so xale lia se'i ilai i'alivulane'i takingi so xale lia se'i. Mo no xalexale lia se'i la uni'uni tatila mo anene voxo so vitolo kalumo.

Matiu 27:45

Iesua mulili ne xo xe no veloe la isivoxo toxoxu musu'asou lialia mukalusi. Isivoxo ne muxoxolu xo mo aso iou 3 no olo'olovoxo.

Matiu 27:54

Ioxe, tilasi'a ta'ami oli'a ta'ami ane mixolu milosou Iesua ne mimalei lexe uni'uni toxoxu xe mimi e muxali ne la ume mukasi'a. La mivikala lexe, “Ai manina misevile, itema ano'o Mosinge Olu ane!”

Matiu 28:2

Milai mixali sila mimalei lexe uni'uni toxoxu muxali. Xo angelou Tatananenge vile mulu'e no tuala­sou Mosinge mo mupi­palo'u lavo'o muxexesou lulu anaxu ka mutalu­pexa no latanu.

Maki 15:33

Iesua mulili ne xo xe no veloe la isivoxo toxoxu musu'asou lialia mukalusi. Isivoxo ne muxoxolu xo mo aso iou 3 no olo'olovoxo.

Mupala'a 11:13

La no voxo anene kalumo uni'uni tatila uxali no taoni ne. Laso loxo takalipalanu uxali pa'usou 10, la pa'usou vile uma­mulo avile. Xe no anu uni'uni ne tamitema isoisoli navasi'a umo­momo no anu 7000. La ane'i loxo ixoxolusio imama'u laso i'itinu ualasou Mosinge e uxoxolu no tualasou lailaixe.

Mupala'a 16:18

La lele'e mulamilami mo mupaupau xe uni'uni tatila e tatila. No voxo loxo tamitema mixali no lialia mo mune'e avile la ixamulinu uni'uni axone uasi.

Mupala'a 16:8

Mukalu la angelo tami'asi'a munixi'u lisi noxou mulu'elai no anu aso. Munixi'u laso aso ialuxu misevile la muxutu lala'a tami­tema.

Mupala'a 8:12

Ioxe, angelo tami'asi'a mutaunu piuka noxou la aso xe so'io xe tataoto ika loxo teila uasi. Xo loxo takalipalane'i pa'usou tatalu la pa'usou vile musitasi. Laso no aso xe olovoxo la pa'usou vile axone isivoxosi.

Mupala'a 8:5

Ioxe, angelo muno'u navu no anu tanixu navu ka mumulaxu no anu lisi so mi tuma'u lailaixe. Mukalu la musu'anu no lialia sila lele'e mupaupau mo mulamilami mo uni'uni mukuno­kunoxu lialia.