Mupala'a 6:11 - Ata New Testament

¹¹ Mivikala axone ia milosi'a lavuluti kea veveni noxi'a vilevilesi mo mivi­kalane'i aloxo 'o, “Ngaxolu mo ngama'ila sevile 'o. Ngaxolu xo taxilili a ive'ave'a tavivinge tami­tema so xaixaisio. Xo xe navasi'a umomomo no anu sosovosoui laso ane, Mosinge u'oxonu loxo ngekatu no anu.”

Mupala'a 6:11 ပူးပေါင်းရင်းမြစ်များ

Matiu 10:21

Xe no voxo anene la tamitema ipilixine'i tavimovimo'a so ikotixa'a mo ive'a isoisoli. Xe tamitema i'oxo axone noxi'a ta'ili'a kalumo. Mo ane'i se'i la ixililii'a tamami'a taneni'a mo ipilixine'i so tamitema ive'a isoli.

Luku 15:22

Ia momu mu'avuti la muavali'a tami­tema so xaixai noxou mine'e la mupalusi'a lexe, 'Ngingi ngapalea ngano'u lavuluti lailaixe noxilo mo ngasakinu noxou 'o. Mo ngamu­laxu lingi vile no anu avolu xe ngatanu lasu no tava'u.

Tioni 16:2

Xo Taiuta ikusainge so nga'una no anu tatasou lavuloto noxi'ala uasi. Mo voxo vile uxali ili'i la tamitema ivenge ngasoisoli xo ikalavoi lexe no anu anene la ane'i a i'oxonu xaixai noxou Mosingemo.

Ta'aposeli 20:24

Ia eni opoleli lexe maulixo anu utiatila uasi, xo loxo tamitema ivelo la anu mi vitanisi. Eni a'oxonu latilovo aloxo 'o. Eni loxo alesisi, mo opoleli ututulu lexe axali avile no anu lamakisi. Lesisi ne, anu latilovosou xaixai noxou Mosinge. Mo eni opoleli ututulu lexe asivitanoxu xaixai ane Tatana­nenge mupilixinu noxilo e so alanu vaikala laixe so iaiama noxou Mosinge.

2 Tesalonaika 1:7

Xe ngingi ane ngatavulenu navunavu vaimomo 'o la anu uxexenu so papaxesinge nenge'a. Mi anene uxali no voxo loxo Tatananenge Iesua oli'a ta'angelou xavine'i ilu'e no tualasou so ipala'a no anu navu lamixu.

2 Timoti 4:7

Eni eiave xavileli no anu lesisi so mauli 'o mo exali avile no anu sosovo no telexu. Xe no anu lopala na'a nenge la elaxa'inu laixe.

Ipilu 11:40

Xo mi ane Mosinge mulalaxinu lexe u'oxonu singe la uua'ulixu anene, laso uxalixu nene'axu noxi'a kolokolo uasi. U'oxonu aloxo 'o. Mi ane muvavalimasou so si'a xe ane so singe la upitanu vilesisi mo so uxali laixe loloni.

Ipilu 12:23

Mo ngexali no anu pita tatila noxi'a talaposalaxa'a ane ualaualasi'a muxolu mukau­kavu no tualasou Mosinge. Mo noxou Mosinge anu Tiasi noxi'a tamitema mukalusi. Mo noxi'a ta'ulene'i tamitema talapusi ane muxalixi'a tamalemalenga.

Ipilu 4:10

Xo loxo itema u'unalai no anu ma'ila noxou Mosinge la uma'ila no anu xaixai noxou ane. Anu iou vilesisi loxo Mosinge mukalusou xaixai noxou mo muma'ila.

Mupala'a 10:6

La anu muvi­kala aloxo 'o, “Eni avavalima no anu ualasou anu ane uxoxolu kaluxu uasi. Anu e mukoinu loxotolo xe lialia xe luaki oli'a tatemanu mukalusi. Avavalima lexe voxo voxo a mukalu 'oe. Mosinge ulosi'a tamitema voxola uasi.

Mupala'a 13:15

La Mosinge mu'italonu mi vova tameisou 'o so utausou mauli u'una no anu mi e tamitema mi'oxonu musaxi loxo mi vova ane tei. Mutausou mauli mu'una sila mi ne muvivikala. Xe tamitema loxo ilotu no anu mi e musaxi loxo mi vova uasi la anu xavinu so uve'ave'a isoisoli.

Mupala'a 14:13

La elomusou xoli molu no tualasou Mosinge muvikala aloxo 'o, “Nini nakaukavunu vaikala ano'o. Usoko'u vaimomo 'o xe ulai ili'i la ane'i ta'ei loxo ilopala noxou Tatananenge ka isoisoli, ane'i ixalisou osa'ila tatila.” Mukalu la Ulenu muvikala lexe, “Manina. Ane'i i'osa'ilasi xo tei la sasaie'i no anu xaixai noxi'a ia ane'i a ima'ilasi. Mo xaixai loxo mi'oxonu la nene'axu laixe a uxolusi.”

Mupala'a 17:6

La emaisie sema ne miiexu sialuxa'a tamitemaou Mosinge u'isalili xe sialuxa'a tamitema ane mia'aloxu Iesua. Emaisie lexe miie no anu la loxo misipaki. La talelilili manina.

Mupala'a 7:14

La eni ekolinu lexe, “Tatila, nini nelavusi'a ane.” Sila anu muvikala aloxo 'o, “Ane'i tamitema ano'o me'a no anu voxo so ulua. Ane'i mi'uinu lavu­lutii'a no anu sialuxu Sipisipi Ilie laso muxali muvalukeasi.

Mupala'a 7:9

Ioxe, mukalu xe emaleila la emaisi'a tamitema tavu'alo e tavu'alo, ta'itisi'a uasisi. Tamitema ne so xale tuatuala mukalusi xe no anu lailaili latala xe vaikalai'a vilevilesi xe vasime'a iouiou. Ane'i mukalusi mitulu no laxunu sia kingi mo no laxunu Sipisipi Ilie. Xe no vasime'a la lavuluti kea veveni mukalusi. Xe no avo'a la mitetelisou mi loxo xolou voloxu 'o.