Mupala'a 6:10 - Ata New Testament

¹⁰ Mixolu la mikatu tatila aloxo 'o, “Tatananexi. Nini na'uli'uli no anu mimi mukalusi. Mo ilixomeni malemalenga mo maninasi. Xe nexi 'o tatemanu lialia mivexe mo sialunexe munixi. Laso nakolinu sialunexe a talu?”

Mupala'a 6:10 ပူးပေါင်းရင်းမြစ်များ

Luku 2:29

“Tatananexi, anu umomomo so napilixileli amitema so xaixai noxine 'o alaisi, xo opoleli uai lalavulusi a. Anu muxali aloxo nini nelemolu.

Luku 21:22

Xo no voxo anene Mosinge ukolinu susu laso vaikala ane uxolu ukaukavu no lavukuou la uxalixu nene'axu mukalusi.

Lomu 12:19

Ai tamaula, loxo tami­tema ilosinge tu'umaxu la ngingi ngatovonu so ngakolinu ilixo noxi'a uasi. Ngapilixinu noxou Mosinge so loxo anu molu la'iaxui'a la molu ukolinu. Xo tatei mikaukavunu Tatananenge vaika­laou aloxo 'o, “Lakolisou ilixo masumasua ne anu mi na'a xelisi, ne eni melo akolinu.”

Ipilu 12:24

Mo ngexali noxou Iesua e itema so utulu nonixi so uvalaxu konitalaki alavua. Mo no sialuxu e mupeinu singe. Sialuxu ne muxalixu vaikala lailaixe manina no anu vaikala so sialu e Aveli mupeinu.

2 Pita 2:1

Tatei la tapolopeti kalavoi se'i mi'avuti no taine'i Ta'isilaeli. La anu axonesi, xo tatisa kalavoi se'i masi ixali no taingengi ka ipakisinoxu votovoto kalavoi u'una so umamulonu lopala noxinge. Tamitema anene Tatananenge mupilixinu lapesi'a kalumo ia ane'i ixililiousi mole me'a ixalixu mamulosi'a paleasi.

Mupala'a 11:18

Tami­tema so isivoxo no tuatuala la'iaxa'a ia vaimomo 'o la'ia noxine u'oki mo upala'asi. Xo tamitema loxo misoi­soli la voxosi'a so natilo­vosi'a no anu lakoti a muxali 'oe. Ia loxo tamitema so xaixai noxine e tapolopeti xe tamite­mameni u'isalili xe ane'i ta'ei imama'u mo ilu'ene'i noxine, loxo tamitema vitanisi o tatiatila, la voxo so nalosi'a lakolisou lailaixe a muxali kalumo. Ia noxi'a tami­tema so mamulo la nini namamu­lone'isi.”

Mupala'a 18:20

Ane'i tamitema mitamasou Vaviloni axone ia loxo ngingi no tualasou Mosinge xe tamitemaou u'isalili xe ta'aposeli xe tapolopeti, ngingi nga'osa'ilasi. Xo Mosinge mutilovosou mi ma'ia mi'oxonu noxinge la a mukolinu 'oe.”

Mupala'a 18:24

Xe Mosinge mukolinu susu no anu taoni ne xo anu mumaisou sialuxa'a tapolopeti xe sialuxa'a tamitemaou mu'isalili xe sialuxa'a tamitema ta'ei tauluai'a mive'a misosoli no lialia a muxolu ne Vaviloni ne.

Mupala'a 19:2

Xe loxo Mosinge utilovosou xe ukolinu ili'ilixo la manina mo ulapusi. Xo anu mukoline tilasi'a tasema so vote'i e mimasuane'i tatemanu lialia no anu ilixo nuni'u noxie. Xe ane mive'ave'a tamitema so xaixai noxou Mosinge ia anu mukolinu sialuxa'a noxie mukalu.”

Mupala'a 3:10

Ia loxo ngingi la vaikalaxeli muxolu no alaiengi laso tu'utu'u­maxu muxalisinge ia pakia'ingesi. Laso eni a'oxonu latolosinge no anu voxo so tovotovo ane so uxali. Eni apilixinu tu'umaxu no lialia muka­lusi so atovone'i tatemanu, ia ngingi la uxalisinge uasi.

Mupala'a 3:7

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Vilatelevia. Eni ane a malemale­ngasi mo eni tava'u vaikala maninasi. Eni a atetelisou laki noxou Teviti laso aitenga ane akisinu la evile umomomo so utatusou uasi. Xe aitenga ane atatu­sou la evile umomomo so ukisinu uasi. Akalanu vaikala ano'o ulai noxinge.