Mupala'a 5:9 - Ata New Testament

⁹ Mitangatuluou la milexenu lexe alavua aloxo 'o, “Nini nalaixe umomomo so nano'u lavuku mo nalokenu sosovo e mutei no anu. Xo ane'i mivene nesoli so sialuxene mulotone'i tamitema milivulivu noxou Mosinge. Tamitema no anu lailaili latala xe vaikalai'a vilevilesi xe vasime'a iouiou xe no xale tuatuala mukalusi.

Mupala'a 5:9 ပူးပေါင်းရင်းမြစ်များ

Matiu 20:28

Mo musolonu aloxo 'ola, “Itema ane molu noxou Mosinge anu kalumo une'e so tamitema i'oxonu xaixai­sou uasi. Anu une'e so u'oxonu xaixaisi'a tamitema. Mo une'e so ulotonu tina'uxa'a so susu no anu mauli noxou.”

Matiu 26:28

Xo ano'o sialuxo. Anu usosovosou konitalaki alavua. Eni asoli la sialuxo unixi so ulotonu tina'u so susu noxi'a tamitema tavu'alo.

Ta'aposeli 20:28

Ia ngingi ngalaxa'i laixe mo ngautululune'i Mosinge ta'olu laixe xo Ulenu Laixe molu musoso­vosinge so ngasaxila'a. Tami­temaou ne anu molu mulotone'i no anu sialuxu. Tatemanu pita noxou Mosinge ne ane'i loxo tasipisipiou, mo ngingi loxo tamitema so ngasaxila'a.

1 Kolini 6:20

Xo anu mulotongengi no anu lape mutia­tila e mutiatila musuku. Laso no anu vasimenge xe ulengengi ne la nga'oxonu mi ane so u'itinu ualasousi, xo anu noxoumo.

1 Kolini 7:23

Xo ngingi mukalusi ne Kalaisiti muloto­ngengi. Laso ngingi tami­tema so xaixai noxou evile vitanisi uasi, ngingi tamite­maou mu'isa­lilisi.

Epesusi 1:7

Iaiama noxou Mosinge ne mulo­lutu e mulolutu manina, laso maixene muiasou susu noxinge. Muiasou xo taxolu noxou Kalaisiti mo sialuxu mulotonu tina'unenge so susu.

Epesusi 5:19

Laso loxo ngaxolu ngapita la ngalexenu lexe no anu Lavuku so Lexelexe mo lexe ane so u'itinu Mosinge ualasou mo lexe so ngamamato­langengi ngato'o no anu. Ngalexe axone so ngapala'anixu osa no opongengi noxou Tatananenge.

Kolosi 1:14

Laso noxou Olu la taxolu lalavulusi a, xo anu mupilixinu lapesinge e mukalusou tina'unenge so susu.

Kolosi 1:23

Laso ngingi la ngatulu pumungenge no anu lopala so ngasasalo uasi. Xo ngelomusou vaikala laixe mo mupela'ingexu mi e so ngalopalanu ngaxomaiou, laso ngaxexesou mamu. No anu vaikala laixe nesi eni Polu 'o exali amitema so axaixaisou. Mo votovotosou a mulala muxali no anu xale tuautala mukalusi.

Taitusi 2:14

Anu mu'italonu maulixu so mulotonu lakolisou ili'ilixo noxinge mukalusi ane muxolaxola'u lo noxou Mosinge. Xe mu'ulosinge so texali tamitemaou malemalenga mu'isa­lili. Laso maixene oponenge utata­ma so ta'oxonu ili'ilixo ane laixesi.

Ipilu 11:14

Xe loxo ilemolu vaikala axone la anu so upela'inge lexe ane'i tane'i u'oxoxu xale lia vile noxi'a u'isalili so ixalisou.

2 Pita 2:1

Tatei la tapolopeti kalavoi se'i mi'avuti no taine'i Ta'isilaeli. La anu axonesi, xo tatisa kalavoi se'i masi ixali no taingengi ka ipakisinoxu votovoto kalavoi u'una so umamulonu lopala noxinge. Tamitema anene Tatananenge mupilixinu lapesi'a kalumo ia ane'i ixililiousi mole me'a ixalixu mamulosi'a paleasi.

1 Tioni 1:7

Anu a uxoxolu no anu lamanasi, laso loxo nenge tamua­mua'i no anu lamana anenesi la nenge nenge'a taxolu oponenge vilesisi, xe sialuxu Olu Iesua u'uinenge no anu susu mukalusi.

1 Tioni 2:2

Xo anusi a vote'isou tina'unenge so susu mukalu. Ia anu vote'isingesi uasi, anu vote'isi'a tatemanu lialia mukalusi so tina'uxa'a so susu ukalu.

Mupala'a 10:11

La xoli muvikalaleli aloxo 'ola, “Avikalaneni lamana aloxo 'o. Nini nalanu vaikala so pela'a noxi'a lailaili latala xe noxi'a tatemanu tuatuala xe noxi'a tamitema so vaikala vilevilesi xe noxi'a takingii'a kalumo.”

Mupala'a 11:9

Vasime'a uta'olu vitanisi axone umomomo no anu aso tatalu xe pa'usou ia tamitema opone'i mamalaxu so i'asixa'a uasi. Uta'olu ne la tami­tema vasime'a iouiou xe so xale tuatuala xe vaikalai'a vilevilesi xe no anu lailaili mukalusi isaxisou vasime'a ilou ne.

Mupala'a 13:7

Xe Mosinge mu'italonu kalumo so u'otoxa'a tamitemaou Mosinge mu'isalili no lialia la muua'ulixa'a. La anu muno'u xavi so mu'uli laxune'i lailaili mukalusi xe vasime'a iouiou xe vaikalai'a vilevilesi xe tatemanu tuatuala mukalusi.

Mupala'a 13:8

La tatemanu lialia i'itinu ualasou mi vova ne. Ane'i e i'itinu ne, ane'i ualasi'a uxolu no anu lavuku so mauli noxou Sipisipi Ilie uasi. Anu ane mivau mo musoli tatei. Ualauala e no anu lavuku so mauli ne Mosinge mukaukavunu mi ne ukoinu lialia uao.

Mupala'a 14:6

Ioxe, mukalu la emaisou angelo vilela muvava no tainu loxotolo. La anu muvotovotosou vaikala laixe ane uxolu avile. Muvotovoto mulai noxi'a tatemanu lialia xe noxi'a tamitema so xale tuatuala mukalusi xe noxi'a lailaili muka­lusi xe vaikalai'a vilevilesi xe vasime'a iouiou.

Mupala'a 15:3

Mitulu la milexenu lexe noxou itema so xaixai noxou Mosinge e Mosisi. Mo milexenu lexe noxou Sipisipi Ilie kalumo. Lexe ne aloxo 'o, “Tatananexi nini Mosixesi. Nini Na'ulu'ulisi. Mi ma'ia na'oxonu la xavinu mo lailaixesi. Ili'ilixo noxine malemalenga mo maninasi. Nini Kingi so tuatuala mukalusi.

Mupala'a 17:15

La muvikalaleli aloxo 'ola, “Lexalexa e nemaisie sema so vote'i italupexa no anu ne usoso­vosi'a lailaili mukalusi xe tatemanu tuatuala xe vasime'a iouiou xe vaikalai'a vilevilesi.

Mupala'a 4:11

“Nini Tatananexi mo nini Mosixe. Ninisisi nalaixe so tami­tema i'itinu ualasine mo ia'aloxu ilixo noxine laixe mo itoxu xavi noxine. Xo nini nekoinu mimi mukalusi, mo muxali no anu masaxa noxinemo.”

Mupala'a 5:12

Sila ane'i mukalusi mipatanu anaxa'a mo mivikala tatila lexe, “Sipisipi Ilie e mivau musoli a. Anu anusisi laixe umomomo so tavika­lasou laixe. Anu u'uli laxunu mimi mukalusi mo mimiou mulolutusi mo lavulavu noxou mutoxoxa'a mo anu mosou xavi. Laso nenge tavikalasou ili'ilixo noxou laixe mo ta'itinu ualasou mo ta'osa'ilasou misevile.”

Mupala'a 5:6

Ioxe, emalei loxo 'o la Sipisipi Ilie vile a ututulu nonixi manina no anu sia kingi e muxolu no taine'i tamimi tami'a oli'a tatiatila. Ututulu la musaxi loxo sipisipi ilie ane tamitema mivau ka musoli. Anu komonu 7 xe iou lavo'onu 7 kalumo. Anene usosovosou Mosinge Ulenu ane noxou 7 e Mosinge mupalusou so uxolu no lialia mukalusi.