Mupala'a 5:5 - Ata New Testament

⁵ Etatama ia vile noxi'a tatiatila ne muvikalaleli lexe, “Natama uasi, natalo. Xo nalomu. Laioni vile muxali no anu laili noxou Iuta. Anu ilusunu Teviti. Anu muua'uli laso anu umomomo so ulokesou sosovo 7 no anu lavuku mo uxavulalanu.”

Mupala'a 5:5 ပူးပေါင်းရင်းမြစ်များ

Luku 23:28

Ia Iesua muxiu mo muvikalane'i lexe, “Ngingi tasema so Ielusalemo ngatatamasilo uasi. Laixe loxo ngingi menge ngatamasinge ngoli'a ta'ilinge.

Luku 7:13

Tatananenge mumaisie sema ne la tanuxe misevile la muvikalane lexe, “Natama uasi.”

Luku 8:52

La tamitema tavu'alo mixoxolu ne mielieli no anu tama toxoxu. Ia anu muvikalane'i lexe, “Ngatalo, ngatama uasi. Xo ane isoli uasi, miaisi.”

Tioni 20:13

La ane'i ilou mivikalane lexe, “Semao, natata­masou mi ma'ia ne?” La ane mikoline'i lexe, “Ata­tama xo ane'i mixexenu Tata­naleli vasimolu mo alavu lexe mimulaxu a ne'ei uasi.”

Lomu 1:3

Vaikala laixe ne, so upala'anixu Olu. Anu Olu ne, anu itema manina xo anu ilusunu Teviti.

Lomu 15:12

Xe Aisaia kalumo mukaukavunu no anu Mosinge vaikalaou lexe, “Kingi alavua no anu laili noxou Iesi uxali. Anu uxali la u'uli laxune'i tamitema noale'ale. Mo lopala noxi'a utulu noxousi.”

Ipilu 7:14

Xo loxo telavu, Tatananenge anu muxali no anu laili noxou Iuta. Xe no anu tanixu pilisiti no anu laili anene, la Mosisi vaikala vile no anu uasi.

Mupala'a 1:1

Ioxe, tatei vaikalasou mimi ane so uxali la mutalumesi. Ia Mosinge mupilixinu noxou Iesua Kalaisiti so upala'anixu lamana noxi'a tami­tema so xaixai noxou. Laso Kalaisiti mupalusou angelou so uvulunu noxilo. Xo eni Tioni 'o, eni amitema so xaixai noxou.

Mupala'a 22:16

Eni Iesua a. Eni ane epalusou angeloxeli une'e noxinge. Mune'e la pelototosi'a tatemanu pitapita la muvulunu noxinge. Eni e vuvulu'u kingi Teviti mo eni a ilusunu a. Eni taoto ane uiei tatila no maxasesela.”

Mupala'a 3:21

Noxi'a tamitema ane iua'uli la alaixi'a so noxi'a tatalupexa no sia kingi noxilo. Iou vilesisi aloxo eni eua'uli mo a noxou Mamilo tatalupexa no anu sia kingi noxou.

Mupala'a 4:10

Tamimi i'oxo axone laso tatiatila 24 itangatulu mo ixolasou tava'a no laxunu anu ane utalupexa no sia kingi ne. Mo i'itinu ualasou xo anu ane uxolu kaluxu uasi ane. Mo ati koli no kisi'a ne ino'u so ipilixinu no tava'u. La ivikala aloxo 'o,

Mupala'a 4:4

La sia 24 muxixaosou sia kingi ne. Mo emaisi'a tatiatila 24 a mitaluta­lupexa no anu. Ane'i mitalupexa la lavulutii'a kea veveni xe no kisi'a la ati koli a loxo takingi ilavusou itanu.

Mupala'a 5:4

Emalei lexe itema vile laixe umomomo so ulokenu mo u'itisou uasi la etama tatilasi.

Mupala'a 6:1

Ioxe, emaleila la Sipisipi Ilie mulokenu sosovo vile e muteinoxu lavuku ane mutetelisou ne. La elomusou vile noxi'a tamimi tami'a muvikala lexe, “Nane'e 'o.” La xolinu loxo lele'e upau 'o.

Mupala'a 7:13

Ioxe, laso vile noxi'a tatiatila ne mitali'isilo lexe, “Ane'i ane lavuluti kea no vasime'a 'o ne ane'i ta'ei? Ane'i so tuala ne'ei?”