Mupala'a 4:8 - Ata New Testament

⁸ La tamimi tami'a ne vivivisi'a 6 mukalusi. Ie'i ie'i musu'asou vasi­me'a mo muxolu no laxu vivisi'a kalumo. Mo kakau olovoxo ivikala lexe, “Tatananenge anu Mosinge anusisi U'uli'uli. Anu malema­lenga. Anu malemalenga. Anu malemalenga. Anu muxolu tei tei manina mo a uxoxolu vaimomo 'o mo anu une'e uxolu ili'i avile.” Ane'i ixolu ivikala axone mo italo uasi.

Mupala'a 4:8 ပူးပေါင်းရင်းမြစ်များ

Ta'aposeli 20:31

Laso ngalaxa'i laixe, tangengi­vulusiou pelototo noxilo uasi. Xo exolu no taingengi tau ie tatalu mo kakau olovoxo atalo so avikala lamana noxinge vilevilesi uasi. La ieli lexaxu munixi so emolo lolomumengi.

2 Kolini 6:18

Xe eni axolu a maminge mo ngingi ngaxolu ta'alixeli.” Vaikalaou Tatananenge U'uli'uli axone.

1 Tesalonaika 2:9

Mo tavivixe, nexi texolu no taingengi so talanu vaikala laixe noxou Mosinge ne la sasaiexi mo ialuxu manina noxixe. Xo texaxai no aso xe olovoxo kalumo mo so talosinge tu'umaxu so ngasaxila'ixe no anu mimi so vasimexe uasi.

1 Timoti 4:16

Nini nalaxa'i laixe no anu muamua'ixene mo votovoto noxine. Xo loxo natalo uasi la naxalisou nene'axu laixe no anu xoluxolu noxine xe noxi'a ane'i ane ilomuxu vaikalameni.

2 Timoti 4:2

Xavineni so navotovo­tosou Mosinge vaikalaou. Mamu so nakalipalanu voxo se'i lexe taimusou u'isalili xe voxo se'i lexe taimusou uasi. Naxolu nalalaxi so nalanu no anu voxovoxo mukalusi. La nale­molu vaikala ane so uto'o­molu opone'i tamitema so susu noxi'a mo ane so uxiunu opone'i. Naxolu oponeni se'isisi manina noxi'a so napelototosi'a mo na'isali­linoxu Mosinge vaikalaou noxi'a.

Ipilu 13:8

Ilixo noxou Iesua Kalaisiti anu iou vilesisi tatei xe vaimomo 'o, la anu uxolu axonesi kaluxusou uasi.

Mupala'a 1:4

Eni Tioni a. Vaikala ano'o ulai noxinge ngingi tatemanu pita 7 ne Esia polovinisi. Mosinge uiaiamangenge mo ulosinge xoluxolu lalavulusi xo anu muxolu tei tei manina mo a uxoxolu vaimomo 'o mo anu a une'e uxolu ili'i kalumo. Xe su'uli anene kalumo ngaxalisou noxou Ulenu ane noxou 7 e uxoxolu no laxunu sia kingi noxou Mosinge.

Mupala'a 1:8

La Tatananenge anu Mosinge uvikala aloxo 'o, “Eni ane tei a xe eni kaluxu uasi a. Evile uua'ulixo uasi, xo tatei eni exoxolu xe vaimomo axoxolu mo ulai ili'i la eni ane'e axolusi.”

Mupala'a 11:17

La mivi­kala aloxo 'o, “Tatananexi, nini Mosixe, nini ninisisi Na'uli'uli avile. Xo tei tei manina nini nexoxolu mo vaimomo 'o naxo­xolu. Xavineni tatila a mupala'a xo naxolu no anu tanixene so na'uli laxunu mimi mukalusi. Laso nexi tavikala laixe noxine.

Mupala'a 14:11

Ane'i ane i'itinu mi vova ilou mi e usaxi loxo anu xe mino'u sosovo so ualasou ne ixolu itavulenu navunavu axonesi. La navu ane ixolu no anu ne umuxu utelai utelai xo mole ukalu uasisi.”

Mupala'a 14:3

La ane'i latala ne mitulu no laxunu sia kingi noxou Mosinge xe no laxune'i tamimi tami'a oli'a tatiatila 24 olele. Mitulu la milexenu lexe vile alavua. Tamitema 144,000 e Mosinge molu mulotone'i so mu'umene'i no lialia ne, ane'isi imomomo so ilavusou lexe ne, evilela uasi.

Mupala'a 15:3

Mitulu la milexenu lexe noxou itema so xaixai noxou Mosinge e Mosisi. Mo milexenu lexe noxou Sipisipi Ilie kalumo. Lexe ne aloxo 'o, “Tatananexi nini Mosixesi. Nini Na'ulu'ulisi. Mi ma'ia na'oxonu la xavinu mo lailaixesi. Ili'ilixo noxine malemalenga mo maninasi. Nini Kingi so tuatuala mukalusi.

Mupala'a 15:7

La vile noxi'a tamimi tami'a muno'u lisi koli 7 ka mulosi'a ta'angelo 7 vilevilesi. Lisi ne muana'ana no anu la'ia noxou Mosinge. Mosinge e uxoxolu kaluxu uasi.

Mupala'a 16:14

Ta'ulenu ne ane'i ta'angelo tamasua ane ilavusou i'oxonu sosovo so xavi iouiou. Ane'i milailai mipitane'i takingi so xale tuatuala mo so ilalaxi no anu uo. Uo anene so voxo tatila noxou Mosinge e u'uli'uli avile.

Mupala'a 16:7

La elomusou xoli molu no tanixu navu muvikala aloxo 'ola, “Ani, manina. Tatana­nexi nini Mosixe. Nini na'uli'uli avile, mo loxo nini natilovosou ili'ilixo so nakolinu la manina mo ulapusi.”

Mupala'a 19:15

Xe noxou anu ane mu'uli laxune'i la laviso so oto anaxu misevile muxolu mula no anaxu. Laviso ne so uu'aulixa'a tatemanu tuatuala mukalusi no anu. Uua'ulixa'a ukalu la anu u'uli laxune'i mo a utetelisou aini so umaxa'u lexe evile umomomo so uxililioula uasi. Mo anu umalo­maloxo'a tauluaou a loxo tamitema imalomaloxo'u uaini ngiaxu no anu tanixu. Ia loxo anu, la umalo­maloxo'a no anu la'ia toxoxu noxou Mosinge e U'uli'uli.

Mupala'a 19:4

La ane'i tatiatila 24 oli'a tamimi tami'a milalusi so mitanga­tuluou Mosinge e utalupexa no anu sia kingi noxou. Mo mivikala lexe, “Ai, manina misevile. Ta'itinu ualasou Mosingesi.”

Mupala'a 21:22

Xe no taoni ne la amaisou tasou Mosinge vile uasi xo Tatananenge anu Mosinge U'uli'uli ilou Sipisipi Ilie ne ane'i me'a a ixolu no taine'i tatemanusi.

Mupala'a 3:7

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Vilatelevia. Eni ane a malemale­ngasi mo eni tava'u vaikala maninasi. Eni a atetelisou laki noxou Teviti laso aitenga ane akisinu la evile umomomo so utatusou uasi. Xe aitenga ane atatu­sou la evile umomomo so ukisinu uasi. Akalanu vaikala ano'o ulai noxinge.

Mupala'a 4:4

La sia 24 muxixaosou sia kingi ne. Mo emaisi'a tatiatila 24 a mitaluta­lupexa no anu. Ane'i mitalupexa la lavulutii'a kea veveni xe no kisi'a la ati koli a loxo takingi ilavusou itanu.

Mupala'a 4:6

Mo kalumo no laxunu sia la mi loxo luaki a loxo titilo toxoxu muxolu. Xe no anu pa'upa'umolu sia la emaisi'a tamimi tami'a a mixolu kalumo. Tamimi tami'a ne ie'i ie'i tavu'alo muxolu no vasime'a mukalusi, no talaxa'a xe no tumali'a kalumo.

Mupala'a 4:9

Laso tamimi ne i'itinu ualasou mo itoxu mo imaxa'u osa'ilasou anu ane utalupexa no anu sia kingi ne. Anu ane uxolu kaluxu uasi.

Mupala'a 5:6

Ioxe, emalei loxo 'o la Sipisipi Ilie vile a ututulu nonixi manina no anu sia kingi e muxolu no taine'i tamimi tami'a oli'a tatiatila. Ututulu la musaxi loxo sipisipi ilie ane tamitema mivau ka musoli. Anu komonu 7 xe iou lavo'onu 7 kalumo. Anene usosovosou Mosinge Ulenu ane noxou 7 e Mosinge mupalusou so uxolu no lialia mukalusi.

Mupala'a 6:1

Ioxe, emaleila la Sipisipi Ilie mulokenu sosovo vile e muteinoxu lavuku ane mutetelisou ne. La elomusou vile noxi'a tamimi tami'a muvikala lexe, “Nane'e 'o.” La xolinu loxo lele'e upau 'o.

Mupala'a 6:6

Xe elomusou xoli vile molu no taine'i tamimi tami'a muvikala aloxo 'o, “Nini nalai na'oxonu xaixai noxine so vitolo. Laso loxo itema uxaxai aso loloni xe uxalisou lapesou la ulotonu uiti malaxo uasi. Umo­momo no anu lasopeni se kitua sesi. Xe loxo vali ngiaxu la lasopeni tatalu kitukitusi. Ia no anu ovu olivi xe lamota uaini la namamulonu mamu mo so tami­tema ino'u lexaxusio.”

Mupala'a 7:11

Xe ta'angelo mukalusi mixolu mixixaosou sia kingi mo mixolu mixixaosi'a tatiatila xe tamimi tami'a. La ta'angelo mukalusi milalusi so mitangatulu no laxunu sia kingi mo mi'itinu ualasou Mosinge.

Mupala'a 7:15

Laso maixene ane'i itulu no laxunu sia kingi noxou Mosinge. La aso mo olovoxo ane'i ixolu i'oxonu xaixai noxou no anu tasou. Mo Mosinge uxolu no anu sia kingi noxou alai noxi'a axone so usaxila'a.