Mupala'a 4:2 - Ata New Testament

² Xe alaxu vilesisi Ulenu mupa­muxaleli sila exolu no tualasou Mosinge. La emaisou sia kingi muai la Vile mutalupexa no anu.

Mupala'a 4:2 ပူးပေါင်းရင်းမြစ်များ

Matiu 22:43

La Iesua mutali'isi'ala lexe, “Laso axova so Ulenu Laixe mupamuxanu Teviti so umoxo'u itema ne lexe anu Tatananu. Xo muvikala lexe,

Ipilu 8:1

Ioxe, tava'u vaikalamenge mukalusi 'o aloxo 'o. Nenge pilisiti tatila axone a uxoxolu. Anu ane mutalupexa no avolu tema no anu sia noxou Kingi Tatila e no tualasou.

Mupala'a 1:10

Ioxe, exoxolu xo xe voxo so ta'itinu Tatananenge ualasou la Ulenu Laixe mupamu­pamuxaleli sila elomusou xoli tatila loxo piuka no talilo.

Mupala'a 12:5

La sema mivo'o la ilie mulu. Ilie ne Mosinge musosovosou so u'uli laxune'i tatemanu tuatuala muka­lusi. La utetelisou aini so usoso­vosou xavi noxou. Mivo'o sila Mosinge mu'umenu ilie mulaixu teitexi no siasou kingi noxou no tualasou.

Mupala'a 17:3

Angelo muvikalaleli mukalu laso Ulenu Laixe mupamuxaleli mo mulaixilo no xale lia esi'esi. Sila emaisie sema vile mitalupexa noxou mi vova e lauoinu. Xe no vasimolu mukalusi la ualauala tavu'alo masua so ulu'enu Mosinge ualasou mo uxililiou no anu. La mi vova ne kisou 7 xe komonu 10.

Mupala'a 19:4

La ane'i tatiatila 24 oli'a tamimi tami'a milalusi so mitanga­tuluou Mosinge e utalupexa no anu sia kingi noxou. Mo mivikala lexe, “Ai, manina misevile. Ta'itinu ualasou Mosingesi.”

Mupala'a 20:11

Ioxe, ieli muka loxo 'o la emaisou sia vile noxou kingi. Anu kea mo toxoxu e toxoxu. La emaisou evile muxolu no anu sila lialia ilou loxotolo mi'umolu mo tasiauxu avilesi.

Mupala'a 21:10

La Ulenu Laixe mupamuxaleli xe angelo mulaixilo no anu la'olu vile teitexi manina. Laso anu mulo­soielixu taoni noxou Mosinge mu'isalili e Ielusalemo a molu no tualasou mululu'e.

Mupala'a 21:5

La anu ane mutalupexa no anu sia kingi muvikala aloxo 'o, “Ngama­lei, eni a axalixu mimi mukalusi alavuala.” La mu'oxo lexe, “Nakau­kavunu vaikala ano'o xo anu uxalixu nene'axu mo anu mani­nasi.”

Mupala'a 3:21

Noxi'a tamitema ane iua'uli la alaixi'a so noxi'a tatalupexa no sia kingi noxilo. Iou vilesisi aloxo eni eua'uli mo a noxou Mamilo tatalupexa no anu sia kingi noxou.

Mupala'a 4:10

Tamimi i'oxo axone laso tatiatila 24 itangatulu mo ixolasou tava'a no laxunu anu ane utalupexa no sia kingi ne. Mo i'itinu ualasou xo anu ane uxolu kaluxu uasi ane. Mo ati koli no kisi'a ne ino'u so ipilixinu no tava'u. La ivikala aloxo 'o,

Mupala'a 4:5

Xe no anu sia kingi la emaisou lele'e mulamilami mo elomusou mupaupau. Mo no laxunu sia ne la telu 7 a muka. Telu 7 ne so usosovosou Mosinge Ulenu ane noxou 7.

Mupala'a 4:9

Laso tamimi ne i'itinu ualasou mo itoxu mo imaxa'u osa'ilasou anu ane utalupexa no anu sia kingi ne. Anu ane uxolu kaluxu uasi.

Mupala'a 5:1

Ioxe, anu ane mutalupexa no sia kingi mutetelisou lavuku vile no avolu tema. Lavuku ne lapepa veveni ia mupipisi. Anu kaukavu no anu xalevile xe xalevile. Lapepa veveni mupipi ne utei no anu tanixu 7 so uvula uasi. Mutei, la no anu keniteli lexaxu ane sosovo muxolu no anu.

Mupala'a 5:13

Mo kalumo elomusi'a tamimi mukalusi ane Mosinge mukoinu mipitanu anaxa'a. Tamimi e no tualasou Mosinge xe no lialia xe no laxu lialia xe no luaki. Mipitanu anaxa'a la mivikala aloxo 'o, “Anu ane utalupexa no anu sia kingi ilou Sipisipi Ilie a. Ta'osa'ilasi'a misevile mo tavika­lasou ili'ilixo noxi'a laixe mo ta'itinu ualasi'a xo ane'i ixolu i'uli laxunenge ulai ulai kaluxu uasi.”

Mupala'a 6:16

Mi'u­me'ume la mi'ava no anu la'ola'olu xe lavolavo'o lexe, “Auo, ngane'e ngasu'asixe mo ngatalumeixe noxou anu ane utalupexa no anu sia kingi. Mo ngautululunexi no anu la'ia noxou Sipisipi Ilie.