Mupala'a 4:11 - Ata New Testament

¹¹ “Nini Tatananexi mo nini Mosixe. Ninisisi nalaixe so tami­tema i'itinu ualasine mo ia'aloxu ilixo noxine laixe mo itoxu xavi noxine. Xo nini nekoinu mimi mukalusi, mo muxali no anu masaxa noxinemo.”

Mupala'a 4:11 ပူးပေါင်းရင်းမြစ်များ

Ta'aposeli 14:15

“Ai tami­temao, loxova so nga'oxonu mi ane xo ne? Nexi 'o nexi tami­temasi, nenge nenge'a ienge vilesisi. Nexi noxou tene'e so taa'alomengixu vaikala laixesi mo so ngapilixinu ili'ilixo vuluvulusi aloxo nga'oxonu 'o. Ngapilixinu mo ngaxiungengi noxou Mosinge ane anusisi a uxoxolusi. Anu Mosinge ane mu'oxonu loxotolo ilou lialia xe luaki oli'a tatemanu.

Ta'aposeli 17:24

Mosinge anu ane mukoikoinu lialia ilou temanu ne anu anusisi Tatananu loxotolo ilou lialia. Anu a uxoxolu no tatani ane tamitema mi'oxonu uasi.

Lomu 11:36

Anu anusisi tava'u mimi mukalusi. Mo xo anu uxoxolu laso maixene mimi uxoxolu 'o. Manina misevile, mimi mukalusi ne uxoxolu so u'oxonu ualasou utilasi. Laso nenge kalumo taxolu ta'itinu ualasou ulai ulai utalo uasi.

Epesusi 3:9

Xo tatei Mosinge e mukoinu mimi mukalusi ne, mulalaxinu oponu so lexe u'oxonu mi vile ili'io. Mulalaxinu oponu axone ia mutalumeusi. Mutalumeu ia vaimomo 'o mulosilo xaixai so apala'anixu mi ne avile.

Ipilu 1:10

Xe no anu vaikalaou la muvi­kalasou aloxo 'ola, “Tatana­nexi. Tei tei manina nini ne'isalilinoxu mimi tavatava'u no lialia mukalusi. Xe mimi teitexi no anu loxotolo ne anu nene'axu xaixai noxinesi.

Ipilu 1:2

Ia vaimomo 'o no anu kaluxusou voxovoxo 'o, la Mosinge mupolonu vaikalaou noxou Olusi mo so uxali noxinge nenge'a. Olu ne musoso­vosou so upilixinu mimi mukalusi noxou. Mo noxou, la Mosinge muxalixu lialia mukalusi.

Mupala'a 1:6

Xe anu kingi na'a nenge mo taxolu noxou, laso nenge tapilisiti noxou Mosinge anu Maminge. Ioxe manina, laso ta'itinu ualasou Iesua Kalaisiti teitexi manina so anu u'uli laxu­nenge ulai ulai kaluxu uasi.

Mupala'a 10:6

La anu muvi­kala aloxo 'o, “Eni avavalima no anu ualasou anu ane uxoxolu kaluxu uasi. Anu e mukoinu loxotolo xe lialia xe luaki oli'a tatemanu mukalusi. Avavalima lexe voxo voxo a mukalu 'oe. Mosinge ulosi'a tamitema voxola uasi.

Mupala'a 14:7

Ioxe, xolinu tatila so mulanu vaikalaou aloxo 'o, “Voxosou Mosinge utilovosi'a tamitema no lakoti a muxali 'oe. Laso ngamama'u noxou Mosinge mo nga'itinu ualasou. Xe ngavi­kalasou ili'ilixou laixe xo anu mukoinu loxotolo ilou lialia mo luaki mo lexa luxuluxu.”

Mupala'a 19:1

Ioxe mukalu la elomusou xoline'i tamitema tavu'alo no tualasou Mosinge la mivikala tatila lexe, “Ta'itinu ualasou Mosinge. Xo anu Mosinge anusisi mosou pamauli xe iaxu xe xavinu.

Mupala'a 5:12

Sila ane'i mukalusi mipatanu anaxa'a mo mivikala tatila lexe, “Sipisipi Ilie e mivau musoli a. Anu anusisi laixe umomomo so tavika­lasou laixe. Anu u'uli laxunu mimi mukalusi mo mimiou mulolutusi mo lavulavu noxou mutoxoxa'a mo anu mosou xavi. Laso nenge tavikalasou ili'ilixo noxou laixe mo ta'itinu ualasou mo ta'osa'ilasou misevile.”

Mupala'a 5:2

La emaisou angelo vile xavinu mu'ava xoli tatila lexe, “Ena'ei laixe umomomo so ulokenu sosovo e uteinoxu lavuku 'o so uvula?”

Mupala'a 5:9

Mitangatuluou la milexenu lexe alavua aloxo 'o, “Nini nalaixe umomomo so nano'u lavuku mo nalokenu sosovo e mutei no anu. Xo ane'i mivene nesoli so sialuxene mulotone'i tamitema milivulivu noxou Mosinge. Tamitema no anu lailaili latala xe vaikalai'a vilevilesi xe vasime'a iouiou xe no xale tuatuala mukalusi.