Mupala'a 4:1 - Ata New Testament

¹ Ioxe, mune'e xe esaxila, sila emaisou aitenga mukisi no loxo­tolo. La xoli utama loxo piuka e elomusou tei muvikalaleli mulu'e aloxo 'o. “Nini natelo 'o mo so apela'inexu mimi so uxali ili'i.”

Mupala'a 4:1 ပူးပေါင်းရင်းမြစ်များ

Matiu 3:16

Ioxe, mukelenixu mukalu xe Iesua mulivu muxali no lexa pa'umolu sila loxotolo mua'a la mumaisou Ulenu Laixe noxou Mosinge mulu'e. Anu mulu'e la loxo ngiala e utu la muai noxou.

Maki 1:10

Mukelenixu xe Iesua a utelo no lexa sila alaxu vilesisi mumaisou loxotolo mukisi mo Ulenu mulu'e noxou. La loxo ngiala e utu.

Luku 3:21

La no voxo loxo tamitema latala a mi'oxonu ilixo so kelele la Iesua mune'e so Tioni u'oxonu noxou kalumo. Tioni mukelenixu mukalu xe Iesua muxolu muvikala noxou Mosingesio sila loxotolo mua'a.

Tioni 16:13

Ia loxo anu Ulenu so Vaikala Manina une'e la anu upamuxanu xavutala noxinge mo so ngalavusou vaikala anu temanu manina mukalusi. Anu ulemolu vaikala ane molu u'avutinoxu uasi, ulemolu mi ma'ia ulomusou noxou Mamingesi. Mo anu upela'ingexu mimi ane so uxali ili'i.

Ta'aposeli 10:11

Mumalei aloxo 'o. Loxotolo mukisi la mi vile mulu'e loxo lavalava toxoxu. Lavalava ne mi vile mutetelisou no anu susunu tami'a so mulilixu mulu'e.

Ta'aposeli 7:56

La Sitiveni muvikala aloxo 'o, “Ai, ngamalei. Eni amaisou loxotolo mukisi. Mo Itema ane molu noxou Mosinge a ututulu no anu Mosinge avolu tema.”

Mupala'a 1:10

Ioxe, exoxolu xo xe voxo so ta'itinu Tatananenge ualasou la Ulenu Laixe mupamu­pamuxaleli sila elomusou xoli tatila loxo piuka no talilo.

Mupala'a 1:12

Elomu xe ieli muxiu so amaisou mosou xolinu ne sila emaisou lalamo koli 7.

Mupala'a 1:19

Laso nini nakaukavunu mimi e nesaxisou 'o. Mimi e so vaimomo 'o xe so ili'i kalumo.

Mupala'a 11:12

Ilou imauli, laso ilomusou xoli tatila molu no tualasou Mosinge aloxo 'o, “Ngilou ngatelo 'o.” Laso tauluai'a a isaxisi'a itelai i'una no sauma so ilai no tualasou Mosinge.

Mupala'a 11:19

Ioxe, tatiatila mivikala axone mukalu laso aitengaxu tasou Mosinge no tualasou mukisi. Mukisi laso emaisou kesi so konitalaki muai ne. Emaisou la lele'e mulamilami mo mupaupau. Xe uni'uni mukunikuni mo uali loxo aisi mululu'e.

Mupala'a 16:17

La angelo 7-si'a munixi'u lisi noxou mulu'elai no loxotolosi. Munixi'u sila xoli tatila nonano no tasou Mosinge molu no sia kingi muvikala lexe, “Anu ane, mukalu.”

Mupala'a 19:11

Ioxe, mukalu la emaisou loxo­tolo mukisi sila osi kea vile. La anu ane mutalupexa no anu osi la ilemolu ualasou vile lexe Vaika­laou Uxalixu Nene'axu, xe no anu vile lexe Vaikalaou Maninasi. Mo loxo anu utilovosou ili'ilixo so ukolinu xe loxo ulai no anu oto la mi ma'ia u'oxonu ne ulapusi.

Mupala'a 22:6

La angelo muvikalaleli aloxo 'ola, “Vaikala ano'o uxalixu nene'axu mo anu maninasi. Tatananenge anu Mosinge ulavusou u'avutinoxu ulene'i tapolopeti so ilanu vaika­laou. Anusi a mupalusou angelou so upela'a tamitema so xaixai noxou no anu mimi ane a so uxali.