Mupala'a 3:7 - Ata New Testament

⁷ La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Vilatelevia. Eni ane a malemale­ngasi mo eni tava'u vaikala maninasi. Eni a atetelisou laki noxou Teviti laso aitenga ane akisinu la evile umomomo so utatusou uasi. Xe aitenga ane atatu­sou la evile umomomo so ukisinu uasi. Akalanu vaikala ano'o ulai noxinge.

Mupala'a 3:7 ပူးပေါင်းရင်းမြစ်များ

Matiu 16:19

Laso vote'i so tamitema i'una ixolu no voxo so Mosinge molu u'uli laxune'i tamitemaou no tualasou, la eni alosine lakisou. Xe mi ma'ia nini nasakinu no lialia la Mosinge usakinu no tualasou kalumo. Xe mi ma'ia nalulusou no lialia la Mosinge ululusou no tualasou kalumo.”

Matiu 24:35

Mo ili'i la loxotolo ilou lialia tasiauxu ia vaikalaxelisi umomomo so tasiau­xu uasi.”

Maki 1:24

“Iesua, nini so tuala Nasaleti. Nene'e noxixe so mi ma'ia? Mane nene'e so namamulonexi. Eni alavu­sine lexe nini Itema Malema­lenga noxou Mosinge.”

Luku 1:32

Anu ualasou uxali utiatila mo imoxo'u lexe Anusisi U'uli'uli Olu. La Mosinge Anu Tatananenge utulu­sou no anu tanixu kingi noxou ilusunu e Teviti.

Luku 4:34

“Ai Iesua, nini so tuala Nasaleti. Nene'e noxixe so mi ma'ia? Mane nene'e so namamulonexi. Eni alavusine lexe nini Itema Male­malenga noxou Mosinge.”

Tioni 14:6

La Iesua mukolinu lexe, “Eni enisisi vote'i mo tava'u vaikala manina mo tava'u mauli. Eni enisisi vote'i so tamitema ilai noxou Mosinge anu Maminge. Vote'i vilela so ipolo no anu uasi.

Ta'aposeli 3:14

Ngingi ngexiunu tumalinge noxou itema ne anu malemalenga mo ulapu. Ngexiunu tumalinge noxou ia itema ane so uve'a tamitema isoisoli ne nge'ava noxou Pailati lexe ulanu no lakalavusu.

1 Tioni 5:20

Mo telavu aloxo 'ola. Mosinge Olu mune'e mukalu kaio mulama­naninenge so talavusou Mosinge maninasou. La nenge a taxolu nonano noxou Mosinge xe noxou Olu Iesua Kalaisiti. Anu ne Mosinge maninasou xe tava'u mauli kaluxu uasi.

Mupala'a 1:11

La muvika­laleli aloxo 'o, “Mimi ane so nasaxisou la nakaukavunu no lavuku vile ka nakalanu ulai no anu pita 7 no tuatuala ano'o. Ne Epesusi xe ne Semelena xe ne Pelexamumi xe ne Taiataila xe ne Salitisi xe ne Vilatelevia xe ne Laotisea.”

Mupala'a 1:18

Eni ane axoxolu amauli 'o. Eni esoli ia namaisou, eni axoxolu kaluxu uasi a. Xavi no anu soli mo tanixu soli a uxoxolu noxilo mo atetelisou lakisou.

Mupala'a 1:5

Xe noxou Iesua Kalaisiti kalumo. Anu ua'aloxu vaikalaou Mosinge maninasi mo anu u'uli'uli noxi'a tamitema so itulu no anu soli mo anu tilasi'a takingi no lialia mukalusi. Mo kalumo anu musexelanenge mise­vile laso mulotonenge no anu sialuxu so mu'umenenge no anu susu noxinge.

Mupala'a 15:3

Mitulu la milexenu lexe noxou itema so xaixai noxou Mosinge e Mosisi. Mo milexenu lexe noxou Sipisipi Ilie kalumo. Lexe ne aloxo 'o, “Tatananexi nini Mosixesi. Nini Na'ulu'ulisi. Mi ma'ia na'oxonu la xavinu mo lailaixesi. Ili'ilixo noxine malemalenga mo maninasi. Nini Kingi so tuatuala mukalusi.

Mupala'a 16:7

La elomusou xoli molu no tanixu navu muvikala aloxo 'ola, “Ani, manina. Tatana­nexi nini Mosixe. Nini na'uli'uli avile, mo loxo nini natilovosou ili'ilixo so nakolinu la manina mo ulapusi.”

Mupala'a 19:11

Ioxe, mukalu la emaisou loxo­tolo mukisi sila osi kea vile. La anu ane mutalupexa no anu osi la ilemolu ualasou vile lexe Vaika­laou Uxalixu Nene'axu, xe no anu vile lexe Vaikalaou Maninasi. Mo loxo anu utilovosou ili'ilixo so ukolinu xe loxo ulai no anu oto la mi ma'ia u'oxonu ne ulapusi.

Mupala'a 19:2

Xe loxo Mosinge utilovosou xe ukolinu ili'ilixo la manina mo ulapusi. Xo anu mukoline tilasi'a tasema so vote'i e mimasuane'i tatemanu lialia no anu ilixo nuni'u noxie. Xe ane mive'ave'a tamitema so xaixai noxou Mosinge ia anu mukolinu sialuxa'a noxie mukalu.”

Mupala'a 2:1

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Epesusi. Eni ane atetelisou tataoto 7 no avolo tema, mo axixao no tainu lalamo koli 7. Akalanu vaikala ano'o ulai noxinge.

Mupala'a 21:5

La anu ane mutalupexa no anu sia kingi muvikala aloxo 'o, “Ngama­lei, eni a axalixu mimi mukalusi alavuala.” La mu'oxo lexe, “Nakau­kavunu vaikala ano'o xo anu uxalixu nene'axu mo anu mani­nasi.”

Mupala'a 3:14

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Laotisea. Eni amosou vaikala manina. Mi ma'ia Mosinge muxa­lixu la aa'aloxu u'isalilisi. Eni tava'u mimi mukalusi e Mosinge mukoinu a. Akalanu vaikala ano'o ulai noxinge.

Mupala'a 4:8

La tamimi tami'a ne vivivisi'a 6 mukalusi. Ie'i ie'i musu'asou vasi­me'a mo muxolu no laxu vivisi'a kalumo. Mo kakau olovoxo ivikala lexe, “Tatananenge anu Mosinge anusisi U'uli'uli. Anu malema­lenga. Anu malemalenga. Anu malemalenga. Anu muxolu tei tei manina mo a uxoxolu vaimomo 'o mo anu une'e uxolu ili'i avile.” Ane'i ixolu ivikala axone mo italo uasi.

Mupala'a 5:9

Mitangatuluou la milexenu lexe alavua aloxo 'o, “Nini nalaixe umomomo so nano'u lavuku mo nalokenu sosovo e mutei no anu. Xo ane'i mivene nesoli so sialuxene mulotone'i tamitema milivulivu noxou Mosinge. Tamitema no anu lailaili latala xe vaikalai'a vilevilesi xe vasime'a iouiou xe no xale tuatuala mukalusi.

Mupala'a 6:10

Mixolu la mikatu tatila aloxo 'o, “Tatananexi. Nini na'uli'uli no anu mimi mukalusi. Mo ilixomeni malemalenga mo maninasi. Xe nexi 'o tatemanu lialia mivexe mo sialunexe munixi. Laso nakolinu sialunexe a talu?”