Mupala'a 3:19 - Ata New Testament

¹⁹ Loxo eni asexe­laxa'a ta'ei la alosi'a tu'umaxu so alovonixi'a. Laso xavingengi so ngaxiunu opongengi so susu noxinge mo nga'isalilinoxu.

Mupala'a 3:19 ပူးပေါင်းရင်းမြစ်များ

Matiu 25:7

Ioxe, ane'i tavuanga ne mitulu la milalaxinu lalamoi'a.

Tioni 2:17

Xe tatisaipeliou mimaisou mi e mu'oxonu ne la mixavutalanu vaikala vile muxolu mukaukavu no anu Mosinge vaikalaou lexe, “Opoleli u'oxoxu tasine so uxolu laixesi mo masaxa anene ukasi­losi.”

Lomu 12:11

Mo ngapauxe no anu xaixai noxou Tatananenge uasi. Ngapilixingengi noxou Ulenu Laixe so u'avutini­xinge so xavingengiou xaixai anene.

1 Kolini 11:32

Ia loxo tasusu xe Tatananenge ulosinge tu'umaxu so ulovonixinge axone, la anu laixe xo nenge tamamulo avile loxo tatemanu lialia mukalusi uasi.

2 Kolini 6:9

La nexi loxo tami vitanisi ia tamotu no tuatuala ilavusou ualasixe. Anu loxo soli uxaxalisixe utotomu ia ngamalei, nexi a taxolu tamaulisi. Mimi tavu'alo muxali so ulovoninexe ia ukalusixe avile uasi.

2 Kolini 7:11

Laso manina, Mosinge mu'oxonu opongengi mutu'umaxu axone ia ngingi menge ngamaisou nene'axu laixe a muxali no anu xoluxolu noxinge ne. Xo no anu vote'i anene la mupalusinge so ngetilovosou mo nge'isalilinoxu susu no taingengi. Xe noxou anu ane mupolo va'axu la ngepalea so ngelovonixu xo ngingi a ngamama'ui ne. Xe opongengi mutatamasi lexe nexi tane'e so nenge'a talovonixu mi ne. La no anu mimi mukalusi e nge'oxonu ne la ngemaxa'u opongengi lexe anu ulapusi.

Xalesia 4:18

Loxo oponenge ututulu manina so ta'oxo laixe noxi'a leviani, la anu mi vile uasi. Ngingi utotomu nga'oxo axone, anu mi so eni axolu no taingengisi uasi.

Taitusi 2:14

Anu mu'italonu maulixu so mulotonu lakolisou ili'ilixo noxinge mukalusi ane muxolaxola'u lo noxou Mosinge. Xe mu'ulosinge so texali tamitemaou malemalenga mu'isa­lili. Laso maixene oponenge utata­ma so ta'oxonu ili'ilixo ane laixesi.

Tiemisi 1:12

Laso anu laixe noxou itema ane utulu pumuxu no anu tu'umaxu loxo utovonu lopala noxou. Xo uxolu uua'uli no anu xo xe ukalu la Mosinge ulosou palaisisou. Palaisi ne anu mi so mauli kaluxu uasi ane muvavalimasou noxi'a ane'i ane isexelaxu.

Mupala'a 2:5

Xo ngaxa­vutalanu vote'i laixe ngemulinu tei a ngapolo no anula uasi. Laso ngaxiunu opongengi mo nga'isa­lilinoxu no anu ilixo laixe noxinge tei. Ia loxo nga'oxonu axone uasi la eni ane'e noxinge so axexenu lalamo noxinge no anu tanixu ne.