Mupala'a 3:18 - Ata New Testament

¹⁸ Laso apelototosinge aloxo 'o. Ngane'e noxilo so ngaxalisou koli e navu mu'elaxu so uxexenu mimi masua no anu. Ngaxalisou laso ane, ngaxolu no latanu mimi lailaixe ne. Xe ngaxalisou lavuluti kea so ngasu'asinge no anu mo so ngamailamulinu vasimenge vita­nisi ne uasi. Xe ngaxalisou lamalasini mo ngamulaxu no iengi so ngasaxisaxi.

Mupala'a 3:18 ပူးပေါင်းရင်းမြစ်များ

Matiu 13:44

Xe muvikalala lexe, “Voxo so Mosinge molu u'uli laxune'i tamitemaou no tualasou la aloxo kesi so lamoli e mi'asixu so mitalumeu no xai vile. Xe itema vilela loxo uxalisou la utalumeula. Mukalu la anu u'osasou misevile mo ulai usalimunu mimiou mukalusi so lamolisou la ulotonu xai ne.”

Matiu 25:9

Ia ane'i ane lone'imatana mikoline'i lexe, 'Uasi. Ueli ano'o umomomosinge nenge'a uasi to! Laixe loxo ngalai no lasitua so ngalotonu mengimo.'

Luku 12:21

Xe Iesua muvikalala lexe, “Mi anene uxali noxi'a tamitema ane ilolutuxu mimi so vasime'a ia no anu mimi noxou Mosinge la ixolu loxo ta'oloxolamo.”

2 Kolini 5:3

Mo so loxo takelele ta'una no anu la nenge taxolu vitanisi uasi.

2 Kolini 8:9

Xo ngingi ngelavu mukalu no anu iaiama noxou Tatananenge Iesua Kalaisiti. Anu muxolu no latanu mimi avile ia anu muxali loxo oloxola vitanisi so usu'ulingengi. Mo so no anu vote'i so mu'oloxola axone la anu mumulangenge no anu latanu mimi avile.

1 Timoti 6:18

Mo napelototosi'a lexe i'oxonu ili'ilixo laixe so isu'uline'i tamenexi'a. Mo voxo­voxo utotomu ipilipilixinu avo'a noxi'a ane'i ane mimi uasi. Mo loxo ivelevelunui'a la itukala uasi, avo'a temanusi so ilosi'a.

Tiemisi 2:5

Tavivilo, ngalomu. Mosinge musosovosi'a mose'i so ipalava no anu lopala xe muvavalima lexe ane'i ta'ei isexelaxu la ixalisou mimiou no voxo loxo u'uli laxune'i tamitemaou. La ane'i latala noxi'a ne a tamitema ane tatemanu lialia i'oxo lexe ta'oloxolasi, ne?

1 Pita 1:7

Mi axone uxali so utilovosou lopala noxinge. No anu lavo'o koli la ivaxanu no navu so ikilolou lexe manina axova, xo navu u'elaxu mosomoso no anu uxexesi. Ia koli anu mi so uxolu avile to uasi, lopala noxinge anu mi lailaixe muua'ulixu koli. La Mosinge utilovosou lopala noxinge axone kalumo mo so anu ane maninasou no anusi uxolu. Uxolu avile umomomo no anu voxo so Iesua Kalaisiti upala'a laso anu uvika­lasou lopala noxinge laixe mo u'itinu ualasingexu.

Mupala'a 16:15

La Tatananenge vaikalaou aloxo 'o, “Ai ngalomu. Ane'e la tamitema ikulukemelo aloxo ikulukemolu itema so pakali. Laso ngingi la ngaai uasi, ngasakinu lavalava so ngaxolu ngalalaxi. Mo so axone la ngaxalisou osa. Xo loxo uasi la ngingi loxo itema ane ukuluke xe ula mo uxalisou maila no ie'i tamitema xo pangapanga'usi.”

Mupala'a 19:8

Xo Mosinge mulosie lavuluti kea lailaixe ane muvalukea mo male­malengasi.” Lavuluti kea lailaixe ne anu usosovosou ili'ilixo male­malenga noxi'a tamitemaou mu'isa­lili.

Mupala'a 2:9

Eni elavu no anu tu'utu'umaxu ngatata­vulenu mo ngingi nga'oloxola no anu mimi so vasimenge. Ia ngepa­lava no anu mimi so ulengengi. Mo elavusou vaikalai'a tamitema ane ipupuienge. Ane'i ikalavoi lexe ane'i Taiuta, ia uasi, ane'i tatemanu pita noxou Uluaou ane.

Mupala'a 3:17

Xo ngingi nga'oxo lexe ngingi ngaxolu no latanu lamoli xe lavuluti mo ngakamulinu mi vilela uasi. Ia uasi, ngingi ngalavu uasi ia loxo manina la xoluxolungenge masuasi. Ngingi loxo ta'oloxola so ngasolingenge xe ienge selevenu xe pangapanga'ingesi.

Mupala'a 4:4

La sia 24 muxixaosou sia kingi ne. Mo emaisi'a tatiatila 24 a mitaluta­lupexa no anu. Ane'i mitalupexa la lavulutii'a kea veveni xe no kisi'a la ati koli a loxo takingi ilavusou itanu.

Mupala'a 7:13

Ioxe, laso vile noxi'a tatiatila ne mitali'isilo lexe, “Ane'i ane lavuluti kea no vasime'a 'o ne ane'i ta'ei? Ane'i so tuala ne'ei?”