Mupala'a 3:17 - Ata New Testament

¹⁷ Xo ngingi nga'oxo lexe ngingi ngaxolu no latanu lamoli xe lavuluti mo ngakamulinu mi vilela uasi. Ia uasi, ngingi ngalavu uasi ia loxo manina la xoluxolungenge masuasi. Ngingi loxo ta'oloxola so ngasolingenge xe ienge selevenu xe pangapanga'ingesi.

Mupala'a 3:17 ပူးပေါင်းရင်းမြစ်များ

Matiu 5:3

“Laixe noxi'a ane'i ane ilavu lexe no anu xoluxoluxu ulene'i la ane'i ta'olo­xolasi. Xo voxo so Mosinge molu u'uli laxune'i tamitemaou no tualasou la ane'i ixolu nonano ne.

Matiu 9:12

Xe Iesua mulomusou vaikalai'a ne la muvikalane'i lexe, “Tamitema ipipiena uasi la ilai noxou tokota uasi. Ane'i ane ipipienasi a ilai noxou tokota.

Luku 1:53

Tamitema ane misolixa'a la mu'itixa'a la'ilali xo la mikalusou masaxa avile. Ia ane'i ane mixolu no latanu mimii'a la mukusai'a milai mixaxasi.

Luku 6:24

Ia masua noxinge ngingi ane ngaxolu no anu mimi latanu xo osa noxinge se a ngexolu no anu mukalu 'oe.

Lomu 11:20

Ani manina, Mosinge muxe­xene'i, ia tava'u ma'ia? Xo ane'i ilopala uasi. Xe tava'u so ngingi ngaxolu no anu ovu vaimomo, xo ngelopalasi. Laso nga'itingengi uasi, ngamama'u.

Lomu 11:25

Ioxe tavivilo, eni amasaxau apala'anixu mi vile masi utalume­ngengi. Alemolu so ngingi nga'iti­ngengi no anu lavulavu noxinge uasi. Vaikala anene aloxo 'o. Vaimomo 'o Ta'isilaeli tata'eisi ilopala noxou Tatananenge. Ia tavu'alo noxi'a ne opone'i pakia'u mo ilopala noxou uasi. Ane'i ixolu axone xo ano'o voxosinge tami­tema noale'ale so ngalopala. Ulai ulai xe loxo navasinge umomo­moe, laso anu ane. No voxo anene ane'i Ta'isilaili tapiena ilivu mo ilopala noxou Tatananenge.

Lomu 12:3

Ioxe, Mosinge muiaiama noxilo mo musosovosilo so alanu vaika­laou. Laso apelototosinge ngingi mukalusi aloxo 'o. Ngingi vilevilesi nga'itingengi lexe ngingi talaixe noxi'a tamenexinge uasi. Ngingi menge ngatilovosinge laixe, xo lopala noxinge ne Mosinge molu mulosinge no anu masaxa noxousi.

Lomu 7:24

Auo, anavae? Tu'umaxu 'o uvila'isou xavutalaxeli. Ena'ei so u'umeleli no anu vasimelo so soli 'oe?

2 Pita 1:9

Ia loxo ili'ilixo ne uxolu noxou itema uasi la anu loxo iou isivoxo mole usaxisaxi uasisi. Xo itema ane xo ne anu tanuvulusi lexe susu ma'ia mu'oxonu la Mosinge mukalusou tina'uxu mo mu'uinu no anu mukalu.

Mupala'a 16:15

La Tatananenge vaikalaou aloxo 'o, “Ai ngalomu. Ane'e la tamitema ikulukemelo aloxo ikulukemolu itema so pakali. Laso ngingi la ngaai uasi, ngasakinu lavalava so ngaxolu ngalalaxi. Mo so axone la ngaxalisou osa. Xo loxo uasi la ngingi loxo itema ane ukuluke xe ula mo uxalisou maila no ie'i tamitema xo pangapanga'usi.”

Mupala'a 2:9

Eni elavu no anu tu'utu'umaxu ngatata­vulenu mo ngingi nga'oloxola no anu mimi so vasimenge. Ia ngepa­lava no anu mimi so ulengengi. Mo elavusou vaikalai'a tamitema ane ipupuienge. Ane'i ikalavoi lexe ane'i Taiuta, ia uasi, ane'i tatemanu pita noxou Uluaou ane.

Mupala'a 3:16

Ngingi loxo la'ilali ane xale'a avile o uxutu avile uasi, uieiieisousi. Axamulingengi axone laso eni alevengengi ngaxexe no anaxosi.