Mupala'a 3:14 - Ata New Testament

¹⁴ La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Laotisea. Eni amosou vaikala manina. Mi ma'ia Mosinge muxa­lixu la aa'aloxu u'isalilisi. Eni tava'u mimi mukalusi e Mosinge mukoinu a. Akalanu vaikala ano'o ulai noxinge.

Mupala'a 3:14 ပူးပေါင်းရင်းမြစ်များ

Tioni 1:3

No anu vote'i e noxou Vaikalasi la mimi mukalusi muxali. Mi vile uxali no anu vote'i vilemo to uasi, mimi mukalusi muxali a noxousi.

Tioni 8:14

La Iesua mukoline'i lexe, “Ani manina, eni melo apala'anixilo ia vaikala alalanu so avalaxo ne a maninasi. Xo eni elavu lexe melo ne'ei ene'e 'o xe elavu lexe u'uli se 'osi la alai ne'ei. Ia ngingi la ngalavu lexe melo ne'ei uasi o so alai ne'ei uasi.

2 Kolini 1:20

Xo vavalima noxou Mosinge tavu'alo a uxolu laso noxou Kalaisiti la uvikala lexe, “Ani, eni axalixu nene'axu.” Laso maixene loxo talomusou vaikalaou Mosinge la ta'oxo lexe, “Ani, manina”, mo ta'itinu Mosinge ualasouxu.

Kolosi 1:15

Ioxe, nenge tamomomo so tamaisou Mosinge uasi, ia Olu ne anu iou vilesisi loxo Mosinge laso anu vote'i so talavusou. Anu laposalaxu u'uli'uli no anu mimi mukalusi e Mosinge mukoinu 'o.

Kolosi 1:18

Anu kisou pita noxou xe pita anu vasimolu. Anusisi tava'u maulixu pita. Anu laposalaxu ane mutulu mumauli no anu soli la mu'uli noxi'a leviani ane so itulutulu. Mo so axone la anu upalasi lexe anu u'uli'uli no anu mimi mukalusi.

Kolosi 2:1

Ioxe, eni amasaxau ngalavu lexe eni sasaieli manina no anu su'ulisinge ngoli'a tamitemaou Mosinge no taoni Laotisea, xe ane'i mukalusi ane ngoli'a ngalavusou ieli uasi.

Kolosi 4:16

Loxo nga'itisou lapasi ano'o ukalu la ngakalanu ulai no anu pita ne Laotisea so ane'i i'itisou kalumo. Xe lapasi ane ekalanu mulai noxi'a la ngingi kalumo nga'itisou.

Mupala'a 1:11

La muvika­laleli aloxo 'o, “Mimi ane so nasaxisou la nakaukavunu no lavuku vile ka nakalanu ulai no anu pita 7 no tuatuala ano'o. Ne Epesusi xe ne Semelena xe ne Pelexamumi xe ne Taiataila xe ne Salitisi xe ne Vilatelevia xe ne Laotisea.”

Mupala'a 1:5

Xe noxou Iesua Kalaisiti kalumo. Anu ua'aloxu vaikalaou Mosinge maninasi mo anu u'uli'uli noxi'a tamitema so itulu no anu soli mo anu tilasi'a takingi no lialia mukalusi. Mo kalumo anu musexelanenge mise­vile laso mulotonenge no anu sialuxu so mu'umenenge no anu susu noxinge.

Mupala'a 19:11

Ioxe, mukalu la emaisou loxo­tolo mukisi sila osi kea vile. La anu ane mutalupexa no anu osi la ilemolu ualasou vile lexe Vaika­laou Uxalixu Nene'axu, xe no anu vile lexe Vaikalaou Maninasi. Mo loxo anu utilovosou ili'ilixo so ukolinu xe loxo ulai no anu oto la mi ma'ia u'oxonu ne ulapusi.

Mupala'a 2:1

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Epesusi. Eni ane atetelisou tataoto 7 no avolo tema, mo axixao no tainu lalamo koli 7. Akalanu vaikala ano'o ulai noxinge.

Mupala'a 21:6

Xe muvikalaleli aloxo 'ola, “Anu ane, mukalu. Eni ane tei xe eni kaluxu uasi a. Eni tava'u mimi mukalusi xe mi ma'ia la asivitanoxu avilesi. Loxo itema vile usoliou lexa la eni a'itixu no anu lexa so mauli luxu. A'itixu mo uiesi, ulotonu uasisi.

Mupala'a 22:13

Eni ane tei xe eni kaluxu uasi a. Tei loxo mi vile uxali uao la eni exolu ane. Xe ulai ili'i mimi ukalu la eni axolu axonesi. Eni tava'u mimi mukalusi xe mi ma'ia la asivitanoxu avilesi.

Mupala'a 22:6

La angelo muvikalaleli aloxo 'ola, “Vaikala ano'o uxalixu nene'axu mo anu maninasi. Tatananenge anu Mosinge ulavusou u'avutinoxu ulene'i tapolopeti so ilanu vaika­laou. Anusi a mupalusou angelou so upela'a tamitema so xaixai noxou no anu mimi ane a so uxali.

Mupala'a 3:7

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Vilatelevia. Eni ane a malemale­ngasi mo eni tava'u vaikala maninasi. Eni a atetelisou laki noxou Teviti laso aitenga ane akisinu la evile umomomo so utatusou uasi. Xe aitenga ane atatu­sou la evile umomomo so ukisinu uasi. Akalanu vaikala ano'o ulai noxinge.