Mupala'a 3:1 - Ata New Testament

¹ La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Salitisi. Eni ane Mosinge Ulenu noxou 7 a uxolu noxilo mo atete­lisou tataoto 7. Akalanu vaikala ano'o ulai noxinge. Eni elavu no anu ili'ilixo ngalavusou nga'oxonu. Tamitema ilavusou ivikalasinge lexe pita noxinge ne Salitisi ne mauli no anu. Ia uasi, elavusinge lexe soli mukasingesi.

Mupala'a 3:1 ပူးပေါင်းရင်းမြစ်များ

Luku 15:24

Xo alixeli 'o musoli mukalu ia anu a mumaulila. Anu mulusi ia a muxali noxinge 'oe.' Laso ane'i misoko'u so i'ani'ani mo i'osa'osasi.

Luku 15:32

Ia vaimomo 'o nenge ta'osa mo takekesi. Xo vivine soxu 'o musoli mukalu ia a mumaulila, mo anu mulusi ia a muxali noxinge 'oe.'”

Tioni 1:16

Anu mosou iaiama la no anu iaiama mulolutu noxou ne la upilipilixinu noxinge.

Tioni 1:33

Loxo eni melo la atongonu uasi. Ia anu ane mupa­lusilo ene'e so a'oxo ilixo so akelenixa'a tamitema no lexa, la anu molu muvikalaleli lexe, 'Loxo nini namaisou Ulenu Laixe ulu'e uai noxou itema aneva, la anu mosou e so ukelenixa'a tamitema noxou Ulenu Laixe ane.'

Tioni 20:22

Muvikala axone mukalu sila mutausou tauxu mulai noxi'a mo muvikalane'i lexe, “Ngingi opongengi u'osa so Ulenu Laixe u'una noxinge 'o.

Tioni 3:34

Xo anu ane Mosinge mupalusou mune'e ne la ulalanu vaikalaou Mosingesi. Ulalanu vaikalaousi axone xo Mosinge mupilixinu Ulenu noxou la utukalanu uasi, mu­lolutuxusi.

Ta'aposeli 2:33

Mosinge mutulusou no anu soli ka mulaixu mo mutalupexasou no avolu tema so u'itinu. Mo mulosou Ulenu Laixe la munixi'u noxixe vaimomo 'o aloxo ngingi ngasaxisou mo ngalomusou.

Epesusi 2:1

Ioxe, tatei la ngexolu nge'oxonu sususi mo ngepolo va'axu no anu masaxa noxou Mosinge. Laso ngexolu loxo ngesoli mukalu.

Epesusi 2:5

No voxo texolu no anu susu mo texolu loxo tesolisio la Mosinge mupitanenge noxou Kalaisiti so nenge'a tamauli. Mi ne no anu iaiama noxousi.

Kolosi 2:13

La tei ngexolu no anu solisi xo no anu susu ilou susu tava'u no vasimenge ane mupamu­xangengi nesio. Ia Mosinge mutulusinge ngemauli xo mupita­ngengi noxou Kalaisiti loxo mutulusou. Anu mukalusou tina'u­nenge so susu mukalusi.

1 Timoti 5:6

Ia tasema se'i tamului'a misoisoli axone la ixavutala noxou Mosinge axone uasi. Ane'i imulinu masaxa no anu vasime'asi laso no anu xoluxoluxa'a la loxo misoli mukalu.

Tiemisi 2:26

Laso ane, nenge telavu lexe itema vasimolu loxo ulenu uxolu no anu la uasi, la anu musoli ne. Mo anu axone kalumo no anu lopala, xo loxo lopala ane so uxalixu ilixosou laixe uasi, la mauli no anu uasisi.

1 Pita 1:11

Xo Ulenu Kalaisiti muxolu nonano noxi'a so mupala'anixu mimi e so uxalisou Kalaisiti ili'i. No anu anaxa'a la mulemolu tu'utu'umaxu ane Kalaisiti mutavulenu xe mupala'anixu lexe ili'i la utavu­lenu uala u'uli'uli. Tapolopeti milemolu vaikala anene kaio mitatali'i lexe “O, anu itema ena'ei ne, mo uxali no voxo aneva?”

Iuti 1:12

Ngingi ngapita nga'ani so ngamaxa'u sexelasinge ngato'o ia loxo tamitema ne i'una no anu la imama'u uasi, ane'i ixalixu loxo pati mole anu mi nuni'u moe. Ane'i opone'i ututulu so ixalisou mi ma'ia imasaxausi. Ane'i loxo sauma ane sivo utavulenu vitanisi, anu uxali ia ulosinge uali uasisi. Ane'i loxo ovu ane utavulenu nene'axu no anu voxosou uasi laso mauli no anu uasisi, anu loxo usolisi. Xe loxo tamitema imaisou unene'a uasi la iluvunu usu'asi, laso ane, soli tameisou uxalisou ne.

Mupala'a 1:11

La muvika­laleli aloxo 'o, “Mimi ane so nasaxisou la nakaukavunu no lavuku vile ka nakalanu ulai no anu pita 7 no tuatuala ano'o. Ne Epesusi xe ne Semelena xe ne Pelexamumi xe ne Taiataila xe ne Salitisi xe ne Vilatelevia xe ne Laotisea.”

Mupala'a 1:16

La no avolu tema anu mutete­lisou tataoto 7. Xe laviso mula muxolu no anaxu. Laviso ne anaxu xalevile tatamei. La alaiou lama­naxu loxo aso uiei e u'oki manina.

Mupala'a 1:20

Xo nemaisou tataoto 7 no avolo tema xe lalamo koli 7 a ututulu. Anu so latilovo mo laxu mutalume ia apala'anixu noxine aloxo 'o. Tataoto 7 ne anu soso­vosi'a ta'angelo 7 no anu pita 7 vilevilesi. Xe lalamo 7 ne anu usosovosou pita 7 ne.

Mupala'a 1:4

Eni Tioni a. Vaikala ano'o ulai noxinge ngingi tatemanu pita 7 ne Esia polovinisi. Mosinge uiaiamangenge mo ulosinge xoluxolu lalavulusi xo anu muxolu tei tei manina mo a uxoxolu vaimomo 'o mo anu a une'e uxolu ili'i kalumo. Xe su'uli anene kalumo ngaxalisou noxou Ulenu ane noxou 7 e uxoxolu no laxunu sia kingi noxou Mosinge.

Mupala'a 2:13

Eni elavu no anu tuala ane ngaxoxolu no anu lexe xavi noxou Uluaxeli u'okisi. La mala'o se'o tamitema mivau Anitipasi xo mulanu vaikalaxeli mo mulopala­­lelisi. Anu vile noxinge ia ngingi ngapilixinu ualasilo uasi, ngeka­makulunusi. Mo ngaxiunu tuma­lingeou lopala noxinge uasi, ngexolu pumungenge no anu tuala ane Uluaxeli ukasou ne.

Mupala'a 2:19

Eni elavu­sou ili'ilixo noxinge lexe ngingi ngasexelaxa'a tamenexinge mo ngalopalalelisi. Mo xavingengiou xaixai so ngasu'ulingengi ngato'o mo loxo tu'umaxu muxalisinge la ngetulu pumungengesi. Mo elavusou ilixo laixe nge'oxonu a uleleme.

Mupala'a 2:2

No anu mi ma'ia nga'oxonu la elavusou mukalu. Elavu lexe nga'oxonu xaixai ialuxu mo ngatulu pakia'inge. Mo opongengi u'oasi'a tamitema tamasua uasi. Xe ane'i mose'i ane mi'oxo lexe ane'i ta'aposeli kalumo la ngetilovosi'a lexe ane'i mikalavoisi ane.

Mupala'a 2:9

Eni elavu no anu tu'utu'umaxu ngatata­vulenu mo ngingi nga'oloxola no anu mimi so vasimenge. Ia ngepa­lava no anu mimi so ulengengi. Mo elavusou vaikalai'a tamitema ane ipupuienge. Ane'i ikalavoi lexe ane'i Taiuta, ia uasi, ane'i tatemanu pita noxou Uluaou ane.

Mupala'a 3:15

Eni elavusou ili'ilixo noxinge. Ngingi ngaxili­liou vaikalaxeli avile uasi ia opongengi u'osasou uasi kalumo. Eni amasaxau ngaxolu nonixi axone uasi.

Mupala'a 3:2

Laso ngaai uasi, ngatulu mo so utu'utuxu no anu xoluxolu noxinge laixe tei la nga'oxonu pakia'usoula. Xo elavu lexe ilixomengi laixe aneva ngesoko'u la no iou Mosinge ngasivitanoxu uae.

Mupala'a 3:8

Eni alavu no anu ili'ilixo ngalavusou nga'oxonu. Ngamaisou, eni ekisinu aitenga no laxungengi mukalu mo evile umomomo so utatusou uasi ane. Eni alavu lexe xavi sevile a uxoxolu noxingesio laso maixene ngemulinu vaikala­xeli mo ngaxiunu tumalingeou ualasilo uasi.

Mupala'a 4:5

Xe no anu sia kingi la emaisou lele'e mulamilami mo elomusou mupaupau. Mo no laxunu sia ne la telu 7 a muka. Telu 7 ne so usosovosou Mosinge Ulenu ane noxou 7.

Mupala'a 5:6

Ioxe, emalei loxo 'o la Sipisipi Ilie vile a ututulu nonixi manina no anu sia kingi e muxolu no taine'i tamimi tami'a oli'a tatiatila. Ututulu la musaxi loxo sipisipi ilie ane tamitema mivau ka musoli. Anu komonu 7 xe iou lavo'onu 7 kalumo. Anene usosovosou Mosinge Ulenu ane noxou 7 e Mosinge mupalusou so uxolu no lialia mukalusi.