Mupala'a 22:6 - Ata New Testament

⁶ La angelo muvikalaleli aloxo 'ola, “Vaikala ano'o uxalixu nene'axu mo anu maninasi. Tatananenge anu Mosinge ulavusou u'avutinoxu ulene'i tapolopeti so ilanu vaika­laou. Anusi a mupalusou angelou so upela'a tamitema so xaixai noxou no anu mimi ane a so uxali.

Mupala'a 22:6 ပူးပေါင်းရင်းမြစ်များ

Matiu 13:41

Xo Itema ane molu noxou Mosinge upalusi'a ta'angelou no taine'i tamitema ane so anu molu u'uli laxune'i ne. Upalusi'a so itaxusi'a ane'i ane iolexa'a tame­nexi'a no anu susu xe ane'i ane ilixone'i upolo va'axu. Itaxusi'a so ixexene'i ne avile.

Luku 1:70

Loxo tatei e anu molu mua'alo no anu anaxa'a tapo­lopetiou.

Luku 16:16

Vaikala so lo xe vaikalai'a tapolopeti tamitema milanu mune'e muxali noxou Tioni. Xe musoko'u noxou la votovoto no anu vaikala laixe so voxo loxo Mosinge molu u'uli laxune'i tamitemaou, a uxolu upalasi. La tamitema mukalusi xavine'iou so lexe i'unalai no anu.

Ta'aposeli 12:11

Ioxe, mu'umesou Pita la xavu­talaou Pita mupalea mulamana laso mukuluke mo muvikala lexe, “Ai, eni alavu mukalu. Alala'e se'o Mosinge mupalusou angelou ane mune'e so mu'umeleli no avolu Eloti. Mo aloxo 'o la masaxa noxi'a Taiuta so lexe i'oxonu mi ma'ia noxilo ne ulapau vitanisi.”

Ta'aposeli 3:18

Ia mi ane nge'oxonu ne, anene vote'i so Mosinge muxalixu nene'a­xu vaikala mulemolu no anaxa'a tapolopeti tatei. Vaikala milemolu lexe Kalaisiti utavulenu tu'umaxu.

Lomu 1:2

Vaikala ne tatei Mosinge muvavalimasou no anu anaxa'a tapolopetiou. Vava­lima ne mikaukavunu mo a uxoxolu no anu vaikalaou male­malenga.

1 Kolini 14:32

Laso ngingi tamitema so pela'a la ngingi menge ngala­xa'ingengi laixe no anu xaixai anene.

1 Kolini 7:29

Laso tavivilo, vaikalaxeli ne laxu aloxo 'o. Voxosinge no lialia 'o ataxusi. Laso voxo ataxu se a uao 'o la xoluxolu noxinge aloxo 'o. Loxo ngataula'i la mi ne ulapunu xavutalamengi mo u'uli laxungengi uasi. Opongengi ututulu no anu xaixai noxou Mosinge aloxo ngasixelisio.

2 Tesalonaika 1:7

Xe ngingi ane ngatavulenu navunavu vaimomo 'o la anu uxexenu so papaxesinge nenge'a. Mi anene uxali no voxo loxo Tatananenge Iesua oli'a ta'angelou xavine'i ilu'e no tualasou so ipala'a no anu navu lamixu.

Ipilu 12:9

Mo kalumo, loxo tama­minge la milovonixinge mo nenge tataxane'isi. Ioxe, loxo tataxane'i tamaminge so vasimenge axone la axova noxou Mami'a ta'ulenenge? Ai, nenge talu'enenge so talomuxu laixe manina mo so axone la tamaulisi.

2 Pita 1:21

Xo vaikala so pela'a vile tava'u no anu masaxa noxou itemamo uasisi. Vaikala ne muxali loxo Ulenu Laixe mu'avu­tinixi'a tami­tema so milanu vaikala ane molu noxou Mosingesi.

2 Pita 3:2

Eni emasaxau lexe tangengiou vaikala e tapolo­petiou Mosinge milemolu tatei so lexe mi ma'ia uxali. Xe so ngaxavutalanu votovoto malema­lenga noxou Tatananenge anu Itema so Pamauli e ngelomusou noxi'a ta'aposeli ane mine'e noxinge.

Mupala'a 1:1

Ioxe, tatei vaikalasou mimi ane so uxali la mutalumesi. Ia Mosinge mupilixinu noxou Iesua Kalaisiti so upala'anixu lamana noxi'a tami­tema so xaixai noxou. Laso Kalaisiti mupalusou angelou so uvulunu noxilo. Xo eni Tioni 'o, eni amitema so xaixai noxou.

Mupala'a 18:20

Ane'i tamitema mitamasou Vaviloni axone ia loxo ngingi no tualasou Mosinge xe tamitemaou u'isalili xe ta'aposeli xe tapolopeti, ngingi nga'osa'ilasi. Xo Mosinge mutilovosou mi ma'ia mi'oxonu noxinge la a mukolinu 'oe.”

Mupala'a 19:9

La angelo muvikalaleli aloxo 'ola, “Nakaukavunu vaikala 'o. Tamitema ta'ei Mosinge muali'a so ine'e no anu lavilelu so taula'i noxou Sipisipi Ilie la ixalisou osa'ilasi.” Mo mu'oxo lexe anene vaikala manina noxou Mosingesi.

Mupala'a 21:5

La anu ane mutalupexa no anu sia kingi muvikala aloxo 'o, “Ngama­lei, eni a axalixu mimi mukalusi alavuala.” La mu'oxo lexe, “Nakau­kavunu vaikala ano'o xo anu uxalixu nene'axu mo anu mani­nasi.”

Mupala'a 21:9

Ioxe, mukalu la angelo vile mune'e noxilo. Anu vile noxi'a ta'angelo 7 e mitetelisou lisi koli 7 ane muana'ana no anu kaluxusou tu'utu'umaxu e mumamulone'i tamitema. Mune'e noxilo la muvi­kalaleli lexe, “Nane'e 'o mo eni alosoienixe sema ane milalaxi so itaula'ixu Sipisipi Ilie.”

Mupala'a 22:1

Ioxe, emaisou mimi ne mukalu la angelo mulosoielixu lexa vile. Anu lexa so mauli ane. Anu lamana e lamana loxo laxalasi 'o. Lexa ne molu no anu sia kingi noxou Mosinge ilou Sipisipi Ilie.

Mupala'a 22:16

Eni Iesua a. Eni ane epalusou angeloxeli une'e noxinge. Mune'e la pelototosi'a tatemanu pitapita la muvulunu noxinge. Eni e vuvulu'u kingi Teviti mo eni a ilusunu a. Eni taoto ane uiei tatila no maxasesela.”

Mupala'a 22:7

Laso ngalomu. Iesua muvikala aloxo 'o, 'Eni a so apalea ane'e noxinge 'o.' Xe itema ane ulomuxu vaikala so pela'a no lavuku 'o la uxalisou osa'ilasi.

Mupala'a 4:1

Ioxe, mune'e xe esaxila, sila emaisou aitenga mukisi no loxo­tolo. La xoli utama loxo piuka e elomusou tei muvikalaleli mulu'e aloxo 'o. “Nini natelo 'o mo so apela'inexu mimi so uxali ili'i.”