Mupala'a 22:4 - Ata New Testament

⁴ Ixolu i'itinu ualasou la ane'i imaisou iou mo no anu alaiie'i la ualasou uxolu no anu.

Mupala'a 22:4 ပူးပေါင်းရင်းမြစ်များ

Matiu 5:8

Laixe noxi'a ane'i ane opone'i malemalenga xo ane'i imaisou Mosinge ane.

Tioni 12:26

Loxo itema ena'ei so u'oxonu xaixai noxilo la anu masi umulilelisi, mo so loxo eni axolu ne'ei la itema so xaixai noxilo ne uxolu kalumo. Mo loxo itema so u'oxonu xaixai noxilo la Maminge u'itinu itema ne ualasouxu.”

Tioni 17:24

Papa, amasaxau lexe ane'i ane nepilixine'i lexe tanoxilo la ixolu kalumo no apu e so alai no anu. Xo amasaxau lexe ane'i isaxisilo mi ne axolu no anu tanixo iaxu mu'uli'uli e nepilixinu noxilo ne. Nepilixinu noxilo xo nasexelaxomo mi ne lialia uxali uao.

1 Kolini 13:12

Ioxe, nenge Mosinge ta'olu vaimomo 'o taxolu mo anu loxo tasaxi no anu titilo ia tamaisou loxo xalexa­lexusi. Ia ili'ii laso ane. Nenge tano'u lavulavusou Mosinge manina aloxo tasixisou itema iou u'isalili. No voxo ne talavu manina a loxo anu ulavusinge vaimomo 'o.

Ipilu 12:14

Xavingengi so opongengi vile­sisi noxi'a tamitema mukalusi. Mo xavingengi so xoluxolu noxinge u'isalili no anu masaxa noxou Tatananenge xo tamitema ane mukalipalane'i lexe tanoxousi la isaxisou.

Mupala'a 14:1

Ioxe, emaleila la emaisou Sipisipi Ilie a mututulu no anu la'olu Saioni. La oli'a tamitemaou 144,000. La noxi'a tamitemaou ne ualasou Sipisipi Ilie xe ualasou Momu a muxolu no alaie'i.

Mupala'a 3:12

Noxi'a tamitema ane iua'uli la atulusi'a pumuxa'a a loxo posipo­sixu tasou Mosinge. Mo ixolu se'isisi no anu avile, ixexela uasi. Xe kalumo la akaukavunu ualasou Mosinge noxi'a. Mo akaukavunu ualasou taoni noxou Mosinge. Taoni ne Ielusalemo alavua molu noxou Mosinge no tualasou teitexi ulu'e. Mo akaukavunu ualasilo alavua noxi'a kalumo.

Mupala'a 7:3

Mu'ava lexe, “Ngingi ngamamulonu lialia ilou luaki xe ovu ovu kolokolo uasi. Ngaxolu xo nexi tamulaxu sosovo noxou Mosinge no alaie'i tamitema so xaixaiou teio.”