Mupala'a 22:20 - Ata New Testament

²⁰ La anu ane mupala'anixu mimi mukalusi 'o a uvikala aloxo 'o, “Ani, eni so apalea ane'e noxinge ane.” Uo manina misevile, Tatana­nenge Iesua nane'esi.

Mupala'a 22:20 ပူးပေါင်းရင်းမြစ်များ

Tioni 21:25

La Iesua mu'oxonu mimi pienala, ia loxo takaukavunu mi kikitu no anu mukalusi la eni axavutala lexe lialia 'o umomomo no anu lavulavukusou uasi.

1 Kolini 16:22

Loxo itema aneva umatapianu Tatananenge la itema ne uma­mulosi. Ia nenge ane tasexelaxu la oponenge utatama lexe, “Tatana­nexi, nane'ela.”

2 Timoti 4:8

La palaisi na'a xeli so itema uuini no anu lesisi a mulalaxi muai mukalu xo Mosinge mumoxo'ilo lexe eni alapu no iou. Xe Tatananenge e mosou tilovo mulapusi, la ulosilo palaisi ne no anu voxo olele. Ia enisi uasi, anu ulosi'a ane'i mukalusi ane opone'i u'oxoxu voxo so pala'axu kalumo.

Ipilu 10:37

Xo loxo mulemolu, “Maxuveni uasi la anu ane so une'e la uxali, uvovoxo uasi.

Ipilu 9:28

Ioxe, noxou Kalaisiti la anu axone kalumo xo mupilixinu mauli noxou alaxu vilesisi so utavulenu susu noxi'a tamitema latala. Xe ili'i la anu upala'a alaxu tameisoula, ia so uxexenu susula uasi. Une'e so uno'a ane'i ane opone'i ututuluou lailivuxu.

Mupala'a 1:18

Eni ane axoxolu amauli 'o. Eni esoli ia namaisou, eni axoxolu kaluxu uasi a. Xavi no anu soli mo tanixu soli a uxoxolu noxilo mo atetelisou lakisou.

Mupala'a 1:2

Mo so vaikalaou Mosinge aneva elomusou xe mi ma'ia emaisou Iesua Kalaisiti mu'oxonu o mulemolu la aa'aloxu u'isalili.

Mupala'a 2:16

Laso ngingi ngaxiunu opo­ngengi mo nga'isalilinoxu no anu vaika­laxeli. Xo loxo uasi la eni ane'e a'oto noxinge no anu laviso no anaxo 'o.

Mupala'a 22:10

La muvikalaleli aloxo ola, “Vaikala so pela'a ano'o mamu so na'apisou xo voxosou nene'axu uxali a mune'e alai mukalu 'oe.

Mupala'a 22:12

La Iesua vaikalaou aloxo 'o, “Ngalomu, eni so apalea ane'e noxinge 'o. Ane'e la ano'u lakolisou ili'ilixo noxi'a tamitema vilevilesi so apilixinu noxi'a.

Mupala'a 22:18

Noxi'a tamitema ta'ei ilomu­sou vaikala so pela'a no lavuku 'o la avikala manina aloxo 'o. Loxo evile umulaxu no latanu la tu'utu'umaxu ane ulemolu no lavuku 'o, Mosinge upilixinu noxou ane.

Mupala'a 22:7

Laso ngalomu. Iesua muvikala aloxo 'o, 'Eni a so apalea ane'e noxinge 'o.' Xe itema ane ulomuxu vaikala so pela'a no lavuku 'o la uxalisou osa'ilasi.