Mupala'a 22:19 - Ata New Testament

¹⁹ Xe loxo evile uxexenu vaikala sevile no anu lavuku so pela'a 'o la Mosinge u'apixu no anu mimi lailaixe e lavuku 'o ua'aloxu. U'apixu laso itema ne u'ani no anu ovu so mauli uasi mo u'unalai no anu taoni noxou Mosinge u'isalili uasi.

Mupala'a 22:19 ပူးပေါင်းရင်းမြစ်များ

Luku 11:52

Masua noxinge ngingi tamitema so lavulavu no anu lavuloto xo aloxo 'ola. Ngingi nge'umenu laki so tanixu lavulavu u'asi'asi. Ngingi menge nga'una uasi ia nga'apixa'a ane'i ane imasaxa so i'unalai ne.”

Mupala'a 1:3

Laso ena'ei u'itisou o ulomusou vaikala so pela'a 'o mo ulomuxu, la uxalisou osa no anu xoluxoluxu xo voxosou nene'axu a so uxali.

Mupala'a 11:2

Ia matamataunu noale no tasou Mosinge la naua'ulixusi, natilovosou uasi xo anene tanixa'a tamitema noale'alesi. Ane'i noale'ale ne ine'e ixixao isoasoa no taoni noxou Mosinge umomomo no anu so'io 42.

Mupala'a 13:8

La tatemanu lialia i'itinu ualasou mi vova ne. Ane'i e i'itinu ne, ane'i ualasi'a uxolu no anu lavuku so mauli noxou Sipisipi Ilie uasi. Anu ane mivau mo musoli tatei. Ualauala e no anu lavuku so mauli ne Mosinge mukaukavunu mi ne ukoinu lialia uao.

Mupala'a 14:13

La elomusou xoli molu no tualasou Mosinge muvikala aloxo 'o, “Nini nakaukavunu vaikala ano'o. Usoko'u vaimomo 'o xe ulai ili'i la ane'i ta'ei loxo ilopala noxou Tatananenge ka isoisoli, ane'i ixalisou osa'ila tatila.” Mukalu la Ulenu muvikala lexe, “Manina. Ane'i i'osa'ilasi xo tei la sasaie'i no anu xaixai noxi'a ia ane'i a ima'ilasi. Mo xaixai loxo mi'oxonu la nene'axu laixe a uxolusi.”

Mupala'a 2:11

Anu ane, loxo itema sangalou la ulomuxu vaika­­laou Ulenu Laixe anu upilixinu noxinge no anu pitapita. Noxi'a tamitema ane so iua'uli, la ixalisou soli tameisou uasi.”

Mupala'a 2:26

Ioxe, noxi'a tamitema ane so iua'uli mo imulinu ili'ilixo noxilo ulai umomomo no anu kaluxusou lialia la a'oxo aloxo 'o. Eni alosi'a xavi so i'uli laxune'i tatemanu xale tuatuala mukalusi.

Mupala'a 2:7

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pitapita. Noxi'a tamitema ane so iua'uli, la apilixine'i so i'ani no anu ovu so mauli ane uxolu no xai noxou Mosinge no tualasou.”

Mupala'a 21:2

Sila emaisou taoni noxou Mosinge u'isalili e Ielusalemo alavua. Anu molu noxou no tualasou mululu'e mo tokolomosou lailaixe manina aloxo sema ilalaxi mo itokolomo so itaula'ixu mulu'e.

Mupala'a 21:5

La anu ane mutalupexa no anu sia kingi muvikala aloxo 'o, “Ngama­lei, eni a axalixu mimi mukalusi alavuala.” La mu'oxo lexe, “Nakau­kavunu vaikala ano'o xo anu uxalixu nene'axu mo anu mani­nasi.”

Mupala'a 22:12

La Iesua vaikalaou aloxo 'o, “Ngalomu, eni so apalea ane'e noxinge 'o. Ane'e la ano'u lakolisou ili'ilixo noxi'a tamitema vilevilesi so apilixinu noxi'a.

Mupala'a 22:2

Molu no anu sia kingi la mupolo no anu tainu vote'i tatila so taoni ne. No anu pa'umolu lexa, xalevile xe xalevile la ovu so mauli a mutulu. Anu unene'a umulinu so'ioso'io vilevilesi. Laso axone la uxalixu ngiangiaxu iou 12 u'isalili no anu so'ioso'io ne. Xe volovoloxu la anu loxo lamalasini so upaipoune'i tatemanu xale tuatuala.

Mupala'a 22:7

Laso ngalomu. Iesua muvikala aloxo 'o, 'Eni a so apalea ane'e noxinge 'o.' Xe itema ane ulomuxu vaikala so pela'a no lavuku 'o la uxalisou osa'ilasi.

Mupala'a 3:12

Noxi'a tamitema ane iua'uli la atulusi'a pumuxa'a a loxo posipo­sixu tasou Mosinge. Mo ixolu se'isisi no anu avile, ixexela uasi. Xe kalumo la akaukavunu ualasou Mosinge noxi'a. Mo akaukavunu ualasou taoni noxou Mosinge. Taoni ne Ielusalemo alavua molu noxou Mosinge no tualasou teitexi ulu'e. Mo akaukavunu ualasilo alavua noxi'a kalumo.

Mupala'a 3:21

Noxi'a tamitema ane iua'uli la alaixi'a so noxi'a tatalupexa no sia kingi noxilo. Iou vilesisi aloxo eni eua'uli mo a noxou Mamilo tatalupexa no anu sia kingi noxou.