Mupala'a 22:14 - Ata New Testament

¹⁴ Ioxe, ane'i ane mi'uinu lavu­lutii'a la i'osa'ilasi xo ane'i imomomo so i'ani no anu ovu so mauli. Mo ane'i imomomo so i'unalai no anu aitengaxu taoni, evile u'apixa'a uasi.

Mupala'a 22:14 ပူးပေါင်းရင်းမြစ်များ

Tioni 10:7

Ioxe, Iesua muvikalane'i aloxo 'ola, “Eni avikalangengi manina e maninasi. Aitengasi'a tasipisipi a eni 'osi.

Tioni 10:9

Eni enisisi a aitenga. Loxo itema ena'ei upolo noxilo so u'una la uxalisou pamauli. Laso axone la u'una xe ula mo uxalisou ani'ani lailaixe.

Tioni 14:15

La Iesua musolonu aloxo 'ola, “Loxo ngingi ngasexelaxo la ngingi ngamulinu voto noxilo mukalusi.

Tioni 14:6

La Iesua mukolinu lexe, “Eni enisisi vote'i mo tava'u vaikala manina mo tava'u mauli. Eni enisisi vote'i so tamitema ilai noxou Mosinge anu Maminge. Vote'i vilela so ipolo no anu uasi.

Tioni 4:12

Anu lexa taxasou ano'o e nexi tatau no anu vaimomo 'o, la texalisou noxou ilusunenge Iakovo e mu'asou tatei. Anu molu muie no anu xe ta'olu xe tamisoposiou, ia nini la masi natiatila noxou, ne?”

1 Kolini 7:19

Xo loxo sosovo uxolu no anu vasimenge o loxo uxolu uasi la anu mi vitanisi. Ia ilixo so tamulinu masaxa noxou Mosinge anene mi mutitatila ane.

1 Kolini 8:9

Anene manina, ngingi ngalavu lexe mi vile loxo ani'ani usaki­ngengi uasi. Ia ngalaxa'i laixe xo masi nga'oxonu tavivinge e mamalaxa'asio itulaki i'una no anu susu.

1 Kolini 9:5

Xe vile aloxo 'o. Loxo nexi tamitema so taxaxai no anu Mosinge vaikalaou tatau­la'ixa'a Mosinge ta'olu tasema. Tatau­la'ixa'a xe loxo noxi'a taxixao no anu pitapita ne'ei la anu laixe so tatemanu i'itixa'a la'ilali kalumo. Xo ta'aposeli se'i xe Tatananenge tavimovimou oli'a Pita ilavusou i'oxo axone.

Xalesia 5:6

Xo loxo itema uxolu noxou Kalaisiti xe sosovo uxolu no anu vasimolu o uxolu uasi, la anene mi vitanisi to. Ia mi ane mutiatila a so lopala noxou itema ne u'avutinoxu sexela no oponusi.

1 Tioni 3:3

La tamitema mukalusi ta'ei ilopalanu ixomaiou Kalaisiti la ikalipalane'i no anu susu xo imasaxau xoluxolu malemalenga aloxo anusi.

1 Tioni 5:3

Xo vote'i so tasexelaxu Mosinge maninasou a so talomuxu voto noxou. Ia voto noxou ne anu uvenge tu'umaxu loxo tatavulenu uasi.

Mupala'a 2:7

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pitapita. Noxi'a tamitema ane so iua'uli, la apilixine'i so i'ani no anu ovu so mauli ane uxolu no xai noxou Mosinge no tualasou.”

Mupala'a 21:12

Mo kalumo la taoni ne vimelusou mulai teitexi e teitexi manina. Xe no pa'upa'umolu la aitengaxu 12. La ta'angelo 12 a mitutulu milo no anu aitenga vilevilesi ne. Xe no anu aiaitenga la ualaualasi'a laili noxi'a Ta'isilaeli 12 a mukaukavu no anu.

Mupala'a 21:27

Ia mi ane malemalenga uasi xe tamitema ane i'oxonu ili'ilixo ane loxo tuma'u masua noxou Mosinge xe vaikala kalavoi la umomomo uasi manina so u'unalai ne. Ane'isi ane ualasi'a uai no anu lavuku so mauli noxou Sipisipi Ilie la ixolu no taoni ne, evilela uasi.

Mupala'a 22:2

Molu no anu sia kingi la mupolo no anu tainu vote'i tatila so taoni ne. No anu pa'umolu lexa, xalevile xe xalevile la ovu so mauli a mutulu. Anu unene'a umulinu so'ioso'io vilevilesi. Laso axone la uxalixu ngiangiaxu iou 12 u'isalili no anu so'ioso'io ne. Xe volovoloxu la anu loxo lamalasini so upaipoune'i tatemanu xale tuatuala.

Mupala'a 22:7

Laso ngalomu. Iesua muvikala aloxo 'o, 'Eni a so apalea ane'e noxinge 'o.' Xe itema ane ulomuxu vaikala so pela'a no lavuku 'o la uxalisou osa'ilasi.

Mupala'a 7:14

La eni ekolinu lexe, “Tatila, nini nelavusi'a ane.” Sila anu muvikala aloxo 'o, “Ane'i tamitema ano'o me'a no anu voxo so ulua. Ane'i mi'uinu lavu­lutii'a no anu sialuxu Sipisipi Ilie laso muxali muvalukeasi.