Mupala'a 22:12 - Ata New Testament

¹² La Iesua vaikalaou aloxo 'o, “Ngalomu, eni so apalea ane'e noxinge 'o. Ane'e la ano'u lakolisou ili'ilixo noxi'a tamitema vilevilesi so apilixinu noxi'a.

Mupala'a 22:12 ပူးပေါင်းရင်းမြစ်များ

Matiu 16:27

Xo Itema ane molu noxou Mosinge une'e ili'i no anu iaxu Momu. Une'e la oli'a ta'angelou so ukoline'i tamitema u'isalili no anu ilixo noxi'a.

Lomu 14:12

Mo no voxo anene nenge mukalusi tatulu no laxunu Mosinge. La nenge tavikala lamana noxou no anu mi ma'ia te'oxonu o telemolu o texavutalanu.

1 Kolini 3:14

Xe loxo itema vile utulusou tani no tava'u olele xe xaixai u'ela uasi, la Tatananenge ulosou lakolisou laixe.

1 Kolini 3:8

Ioxe, no anu xaixai noxou anu ane so utapu'u xe anu ane so unixi'u lexasou la anu iou vilesisi. Vile noxi'a utila noxou vile uasi. Ia Mosinge molu ulosi'a lakolisou umomomo no anu xaixai noxi'a vilevilesi.

Mupala'a 11:18

Tami­tema so isivoxo no tuatuala la'iaxa'a ia vaimomo 'o la'ia noxine u'oki mo upala'asi. Xo tamitema loxo misoi­soli la voxosi'a so natilo­vosi'a no anu lakoti a muxali 'oe. Ia loxo tamitema so xaixai noxine e tapolopeti xe tamite­mameni u'isalili xe ane'i ta'ei imama'u mo ilu'ene'i noxine, loxo tamitema vitanisi o tatiatila, la voxo so nalosi'a lakolisou lailaixe a muxali kalumo. Ia noxi'a tami­tema so mamulo la nini namamu­lone'isi.”

Mupala'a 2:23

Mo kalumo noxi'a ta'ilie la ave'ave'a isoisoli. Mo so axone la tatemanu pitapita mukalusi ilavu lexe eni atilovosou xavutala mo opone'i tamitema mukalusi. Atilo­vosou ukalu la alosi'a nene'axu umomomo no anu ilixo noxi'a vilevilesi.

Mupala'a 20:12

Mukalu la emaisi'a tamitema ane misoisoli mukalusi a mitulu no laxunu sia kingi. Ane'i tamitema tatiatila xe tamitema vitavitanisi a mitulu ne. La ane'i ta'angelo mixavulalanu lavulavuku ane ili'ilixone'i tami­tema muxolu mukaukavu no anu. Xe mixavulalanu lavuku so mauli kalumo. Mukalu la anu ane muta­lupexa no anu sia kingi muititi no anu lavulavuku ne so utilovosi'a tamitema no anu ili'ilixo mi ma'ia mi'oxonu.

Mupala'a 22:20

La anu ane mupala'anixu mimi mukalusi 'o a uvikala aloxo 'o, “Ani, eni so apalea ane'e noxinge ane.” Uo manina misevile, Tatana­nenge Iesua nane'esi.

Mupala'a 22:7

Laso ngalomu. Iesua muvikala aloxo 'o, 'Eni a so apalea ane'e noxinge 'o.' Xe itema ane ulomuxu vaikala so pela'a no lavuku 'o la uxalisou osa'ilasi.

Mupala'a 3:11

Xo maxuveni uasi la eni ane'e noxinge. Laso mi ane ngexalisou no anu vaikalaxeli la ngatulu pakia'inge no anu. Xo uasi, la masi evile ulapungengi mo ngaxalisou palaisi na'a ngingila uae.