Mupala'a 22:11 - Ata New Testament

¹¹ Laso ane. Ta'ei ane isususu la isususi. Xe ta'ei ane i'oxonu ilixo nuni'u la i'oxonusi. Ia ta'ei ane i'oxonu mimi ulapusi la i'oxonusi. Xe ta'ei ane Mosinge musosovosi'a lexe tanoxou mu'isa­lili la ikalipalane'i lexe ane'i tanoxousi ane.”

Mupala'a 22:11 ပူးပေါင်းရင်းမြစ်များ

Matiu 15:14

Laso ngaxavutalane'i uasi. Xo ane'i loxo tamitema ane ie'i selevenu itila'a tamenexi'a ie'i selevenula. Mo axone la oli'a ilapau ipatolo no taxasi.”

Matiu 21:19

Musolixu la mumaisou ovu viki vile muxolu no vote'i pa'umolu. Laso anu mulai alai no anu ia uxalisou temanu vile no anu uasi, mumaisou lexe anu volovoloxusi. La anu muvikalanu ovu ne lexe, “Nini nene'axene la uasi manina.” Sila alaxu vilesisi ovu viki ne muxalosi.

Matiu 25:10

Laso ane'i milutu milai so ilotonu ueli mo ilivu ine'e uao ia itema mutaula'i alavua olele a muxali. Laso oli'a tavuanga ane mixolu milo laixe mi'unalai no tasou lavilelu so taula'i, ka tamitema mitatusou aitenga.

Matiu 5:45

Xo ngingi ne ngaxolu ta'olu Maminge e uxolu no tualasou lailaixe. Anu ulavusou u'oxonu aso noxou uieisi'a tamitema tamasua xe tamitema talaixe. Mo anu ulavusou u'oxonu la'iua usilisi'a tamitema talapusi xe tamitema so ili'ilixo ukilikalu.

Matiu 5:6

Laixe noxi'a ane'i ane opone'i ututuluou ilixo mulapusi aloxo itema usolixu la'ilali ilou lexa. Xo opone'i ututuluou ilixo malemalenga axone la uxali u'isalili no anu masaxa noxi'a ne.

Tioni 8:21

La Iesua muvikalane'i tamotu ne aloxo 'ola, “U'uli se 'osi xe alai la ngakamulileli io ngaxalisilo uasisi. Ngingi ngaxoxolu no anu susu noxinge nesi xo mole uxali avile no anu soli noxinge ne. Apu e so alai no anu la vote'i so ngaxali ne uasisi.”

Epesusi 5:27

Mu'uinenge no anu vaikalaou axone xo mulalaxinu iou pita ne lexe iaxusi. Umasaxau lexe nuni'u o susu vile no anu so evile uvikalasou masua uasisi. Muma­saxau lexe pita noxou ne malemalengasi.

Kolosi 1:22

Ia vaimomo 'o no anu soli no anu vasimolu Olu la Mosinge mukalusou kalipala mo mulivunixinge so ngaxolu opo­ngengi vilesisi noxou. Mo so loxo utulusinge no iou la usaxisou xoluxolungenge lexe ulapu mo malemalenga mo lamanasi.

2 Timoti 3:13

Ia tami­tema tamasua xe ane'i ane so ikalavoi kaio itulu no anu tani­tanixa'a toxonesi, la isusu xo mole utila avilesi. Ane'i ikakalavoine'i leviani xe ane'i kalumo imalukusou kalakalavoi.

Iuti 1:24

Ioxe, Mosingesi umomomo so ulaxa'ingengi mo so ngatulaki ngalapau uasi. Mo anusi umo­momo so uxalixinge no anu tanixu iaxu no tualasou. Xe loxo ngatulu no iou ne la no anu osa'ilasi xo susu vile noxinge so usaxisou uasisi.

Mupala'a 16:21

Mo kalumo uali loxo aisi mulapalapau mulu'e. La aisi vilevilesi ne tu'umaxu e tu'umaxu, mumomomo no anu 50 kilo. Aisi mulapalapau no loxotolo mulu'e xe mutuvusi'a tamitema la mitavulenu navuna­vusou mu'oki e mu'oki avile. Laso ane'i mivikala masuaou ualasou Mosinge so mupalusou tu'umaxu ne.

Mupala'a 22:3

La tu'utu'umaxu ane mukasi'a tami­tema no lialia tatei ne uxolula uasi. Xe sia kingi noxou Mosinge ilou Sipisipi Ilie uxolu ne. Mo ane'i tamitema so xaixai noxou ixolu i'itinu ualasou.