Mupala'a 22:1 - Ata New Testament

¹ Ioxe, emaisou mimi ne mukalu la angelo mulosoielixu lexa vile. Anu lexa so mauli ane. Anu lamana e lamana loxo laxalasi 'o. Lexa ne molu no anu sia kingi noxou Mosinge ilou Sipisipi Ilie.

Mupala'a 22:1 ပူးပေါင်းရင်းမြစ်များ

Tioni 13:32

Mo loxo Mosinge ualasou utila no anu mi ma'ia Itema ne u'oxonu, la anu u'itinu ualasou Itema ne kalumo no anu mi ma'ia Mosinge molu u'oxonu. La alala'e se'osi Mosinge a so u'itinu ualasou Itema ne.

Tioni 15:26

Mosou Su'uli e Ulenu so vai­kala manina, anu uxolu noxou Maminge kaio une'e. Eni apalusou molu noxou Maminge so une'e noxinge. Anu une'e mo ulanu vaikala so uvalavalaxo.

Tioni 4:14

Ia itema ena'ei uie no anu lexa ane eni aitixu la usolioula uasi. Xo lexa aitixu ne uxolu nonano noxou loxo lexa luxu mo u'opu'opu so ulosou mauli kaluxu uasi.”

Ta'aposeli 2:33

Mosinge mutulusou no anu soli ka mulaixu mo mutalupexasou no avolu tema so u'itinu. Mo mulosou Ulenu Laixe la munixi'u noxixe vaimomo 'o aloxo ngingi ngasaxisou mo ngalomusou.

Mupala'a 1:1

Ioxe, tatei vaikalasou mimi ane so uxali la mutalumesi. Ia Mosinge mupilixinu noxou Iesua Kalaisiti so upala'anixu lamana noxi'a tami­tema so xaixai noxou. Laso Kalaisiti mupalusou angelou so uvulunu noxilo. Xo eni Tioni 'o, eni amitema so xaixai noxou.

Mupala'a 21:11

Mululu'e la iaxu no anu ne, a iaxu Mosingesi. La lamanaxu a loxo lavo'o lailaixe ane lamolisou tatila e tatila manina. Anu loxo lamanaxu lavo'o iaspa ane lamana loxo laxalasi 'o.

Mupala'a 21:6

Xe muvikalaleli aloxo 'ola, “Anu ane, mukalu. Eni ane tei xe eni kaluxu uasi a. Eni tava'u mimi mukalusi xe mi ma'ia la asivitanoxu avilesi. Loxo itema vile usoliou lexa la eni a'itixu no anu lexa so mauli luxu. A'itixu mo uiesi, ulotonu uasisi.

Mupala'a 21:9

Ioxe, mukalu la angelo vile mune'e noxilo. Anu vile noxi'a ta'angelo 7 e mitetelisou lisi koli 7 ane muana'ana no anu kaluxusou tu'utu'umaxu e mumamulone'i tamitema. Mune'e noxilo la muvi­kalaleli lexe, “Nane'e 'o mo eni alosoienixe sema ane milalaxi so itaula'ixu Sipisipi Ilie.”

Mupala'a 22:17

La Ulenu olie Sipsipi Ilie semau mivikala aloxo 'o, “Nane'e 'o.” Xe ta'ei loxo ilomuxu vaikala ano'o la ane'i kalumo ivikala lexe, “Nane'e 'o.” Laso ena'ei usolixu lexa la une'esi. Une'e uie no anu lexa so mauli xo anu lapesou uasi.

Mupala'a 22:6

La angelo muvikalaleli aloxo 'ola, “Vaikala ano'o uxalixu nene'axu mo anu maninasi. Tatananenge anu Mosinge ulavusou u'avutinoxu ulene'i tapolopeti so ilanu vaika­laou. Anusi a mupalusou angelou so upela'a tamitema so xaixai noxou no anu mimi ane a so uxali.

Mupala'a 3:21

Noxi'a tamitema ane iua'uli la alaixi'a so noxi'a tatalupexa no sia kingi noxilo. Iou vilesisi aloxo eni eua'uli mo a noxou Mamilo tatalupexa no anu sia kingi noxou.

Mupala'a 5:13

Mo kalumo elomusi'a tamimi mukalusi ane Mosinge mukoinu mipitanu anaxa'a. Tamimi e no tualasou Mosinge xe no lialia xe no laxu lialia xe no luaki. Mipitanu anaxa'a la mivikala aloxo 'o, “Anu ane utalupexa no anu sia kingi ilou Sipisipi Ilie a. Ta'osa'ilasi'a misevile mo tavika­lasou ili'ilixo noxi'a laixe mo ta'itinu ualasi'a xo ane'i ixolu i'uli laxunenge ulai ulai kaluxu uasi.”

Mupala'a 5:6

Ioxe, emalei loxo 'o la Sipisipi Ilie vile a ututulu nonixi manina no anu sia kingi e muxolu no taine'i tamimi tami'a oli'a tatiatila. Ututulu la musaxi loxo sipisipi ilie ane tamitema mivau ka musoli. Anu komonu 7 xe iou lavo'onu 7 kalumo. Anene usosovosou Mosinge Ulenu ane noxou 7 e Mosinge mupalusou so uxolu no lialia mukalusi.

Mupala'a 7:17

Xo Sipisipi Ilie uxolu nonixi manina no anu sia kingi. La anu usaxila'a a loxo itema usaxila'a tasipsipi. Mo upamuxane'i so ilai iie no anu lexa so mauli no luxu. Xe ie'i lexaxu la Mosinge uiasou mo so itamala uasi.