Mupala'a 21:6 - Ata New Testament

⁶ Xe muvikalaleli aloxo 'ola, “Anu ane, mukalu. Eni ane tei xe eni kaluxu uasi a. Eni tava'u mimi mukalusi xe mi ma'ia la asivitanoxu avilesi. Loxo itema vile usoliou lexa la eni a'itixu no anu lexa so mauli luxu. A'itixu mo uiesi, ulotonu uasisi.

Mupala'a 21:6 ပူးပေါင်းရင်းမြစ်များ

Tioni 4:10

La Iesua muvikalane lexe, “Loxo nelavusou mi lailaixe ane Mosinge mipilixinu 'o, mo loxo nelavu lexe eni ena'ei a elingau lexa noxine ne, la nini masi nelinga noxilo kaio elosine lexa so mauli. La ua.”

Tioni 4:11

La sema ne mikolinu lexe, “Ia Tilao, nini lapaxete so natau no anu uasi mo taxa ano'o mulu'elai no liamo, laso lexa so mauli e nelemolu ne naxalisou a ne'eio?

Tioni 4:14

Ia itema ena'ei uie no anu lexa ane eni aitixu la usolioula uasi. Xo lexa aitixu ne uxolu nonano noxou loxo lexa luxu mo u'opu'opu so ulosou mauli kaluxu uasi.”

Lomu 3:24

Ia anu muiaiama noxinge so Kalaisiti Iesua anu molu mukalusou tina'unenge so susu. Anu iaiamasi, nenge taxaxai so talotonu uasi.

Lomu 8:32

Xo Mosinge u'apisou Olu soxu vilesisi ne uasi, anu mupilixinu so usolisinge nenge mukalusi. Loxo u'apisou Olu axone uasi, la ngaxavutala axova? Umomomo so u'apisou mi se'i lailaixe so xoluxolu noxinge? E uasi manina, anu ulosingesi ane.

1 Kolini 2:12

Xe loxo noxinge nenge'a la taxalisou xavuxavutala so lialia 'o uasi. Mosinge molu mupilixinu Ulenu so talavusou mimi ane mulosinge no anu iaiama noxou.

1 Kolini 3:12

Xe tamitema se'i loxo isolonu tani ne la masi ino'u mimi se'i aloxo 'o. Se'i ino'u lavo'o koli xe se'i siliva xe se'i lavolavo'o ane lailaixe manina. Ia se'i la ino'u mi loxo ovuovu xe se'i lele'i xe se'i mi loxo iu 'o. Ane'i ino'u no anu masaxa noxi'a axone laso itulusou no anu tava'u olele.

1 Kolini 3:21

Laso ane. Ngingi masi nga'i­talonu ilixo so nga'itinu ualasi'a tamitema. Mosinge mupilixinu mimi mukalusi noxinge so su'uli no anu xoluxolu noxinge.

1 Kolini 3:5

Xo ngaxavutala laixe. Apolosi ne ena'ei? Xe eni Polu ena'ei 'o? Nexi noxou tamitema so xaixai vitanisi. Xo voxo se'i loxo Tata­nanenge mulosilo vote'i la elanu vaikalaou noxinge. Xe voxo se'i la anu Apolosi axone kalumo. Noxou texaxai axone laso maixene ngingi ngelopala.

Mupala'a 1:11

La muvika­laleli aloxo 'o, “Mimi ane so nasaxisou la nakaukavunu no lavuku vile ka nakalanu ulai no anu pita 7 no tuatuala ano'o. Ne Epesusi xe ne Semelena xe ne Pelexamumi xe ne Taiataila xe ne Salitisi xe ne Vilatelevia xe ne Laotisea.”

Mupala'a 1:17

Ioxe, emaisou sila elapau no tava'u a loxo itema musoli. Ia anu mumulaxu avolu tema noxilo mo muvikala aloxo 'o, “Na'ume uasi. Eni ane tei xe eni kalaxu uasi a.

Mupala'a 1:8

La Tatananenge anu Mosinge uvikala aloxo 'o, “Eni ane tei a xe eni kaluxu uasi a. Evile uua'ulixo uasi, xo tatei eni exoxolu xe vaimomo axoxolu mo ulai ili'i la eni ane'e axolusi.”

Mupala'a 10:6

La anu muvi­kala aloxo 'o, “Eni avavalima no anu ualasou anu ane uxoxolu kaluxu uasi. Anu e mukoinu loxotolo xe lialia xe luaki oli'a tatemanu mukalusi. Avavalima lexe voxo voxo a mukalu 'oe. Mosinge ulosi'a tamitema voxola uasi.

Mupala'a 16:17

La angelo 7-si'a munixi'u lisi noxou mulu'elai no loxotolosi. Munixi'u sila xoli tatila nonano no tasou Mosinge molu no sia kingi muvikala lexe, “Anu ane, mukalu.”

Mupala'a 22:13

Eni ane tei xe eni kaluxu uasi a. Tei loxo mi vile uxali uao la eni exolu ane. Xe ulai ili'i mimi ukalu la eni axolu axonesi. Eni tava'u mimi mukalusi xe mi ma'ia la asivitanoxu avilesi.

Mupala'a 22:17

La Ulenu olie Sipsipi Ilie semau mivikala aloxo 'o, “Nane'e 'o.” Xe ta'ei loxo ilomuxu vaikala ano'o la ane'i kalumo ivikala lexe, “Nane'e 'o.” Laso ena'ei usolixu lexa la une'esi. Une'e uie no anu lexa so mauli xo anu lapesou uasi.

Mupala'a 3:14

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Laotisea. Eni amosou vaikala manina. Mi ma'ia Mosinge muxa­lixu la aa'aloxu u'isalilisi. Eni tava'u mimi mukalusi e Mosinge mukoinu a. Akalanu vaikala ano'o ulai noxinge.

Mupala'a 7:17

Xo Sipisipi Ilie uxolu nonixi manina no anu sia kingi. La anu usaxila'a a loxo itema usaxila'a tasipsipi. Mo upamuxane'i so ilai iie no anu lexa so mauli no luxu. Xe ie'i lexaxu la Mosinge uiasou mo so itamala uasi.