Mupala'a 21:3 - Ata New Testament

³ Mukalu la elomusou xoli molu no sia kingi muvikala tatila aloxo 'o, “Ngamalei, tasou Mosinge a uxoxolu noxi'a tamitema mo so anu utalupexa no taine'i. Laso ane'i ixolu tamitemaou mo anu Mosinge molu a uxolu noxi'a.

Mupala'a 21:3 ပူးပေါင်းရင်းမြစ်များ

Tioni 1:14

Anu Vaikala ne muxolu itema no anu vasimolu, mo mune'e muxolu no tainexi. La temaisou xoluxolu noxou lailaixe mo xaviou misevile la mupala'a lexe anu Olu e vilesisi anu molu noxou Mami­nge. Anu mosou iaiama ilou vaikala anu temanu manina.

Tioni 14:23

La Iesua mulivuxu lexe, “Loxo itema ane so usexelaxo manina la anu ulomuxu vaikalaxeli ane. Mo axone la Mamilo usexelaxu xe nexi noxou Mamilo tane'e noxou mo anu tasixe so tatalupexa no anu avile.

2 Kolini 6:16

Mo axovala, nenge ta'unanu momosi'a kalavoi no anu tasou Mosinge? Uasi to! Xo nenge a tasou Mosinge e umamauli. Mi ne Mosinge mulemolu tatei aloxo 'o, “Eni axolu nonano noxi'a mo amuamua'i no taine'i. La eni axolu a Mosi'a xe ane'i ixolu tami­temaxeli.”

2 Kolini 6:18

Xe eni axolu a maminge mo ngingi ngaxolu ta'alixeli.” Vaikalaou Tatananenge U'uli'uli axone.

1 Tesalonaika 3:11

Nexi oponexi lexe Mosinge anu Maminge ilou Iesua anu Tatananenge i'oxonu vote'isixe so tane'e noxinge.

Ipilu 11:16

Ia uasi, xo opone'i mutatamasou xale lia ane lailaixe, xale lia e tualasou Mosinge. Xe tamitema anene loxo imoxo'u Mosinge lexe anu Mosi'a u'isalili la anu umaila no anu uasi xo a mulalaxinu taoni noxi'amo.

Ipilu 8:10

Ia no anu konitalaki alavua eni a'oxonu noxi'a laili Ta'isilaeli ili'i la aloxo 'o. Eni amulaxu lo noxilo no anu alaie'i mo akaukavunu no anu opone'i. La eni axolu a Mosi'a xe ane'i ixolu tamitemaxeli.

Ipilu 8:2

Mo anu a uxaxai so upilisiti no ngiou noxou Mosinge mu'isalili no tasou ne. Tasou ne utulu no avo'a tamitema uasi, Tatananenge molu mutulusou.

Mupala'a 10:4

Ioxe, lele'e mupau alaxu 7 axone mo eni a so akaukavunu vaivaikala ne. Sila elomusou xoli molu no tualasou Mosinge muvi­kalaleli lexe, “Mamu. Vaikala ane nelomusou no anu lele'e mupau alaxu 7 ne natalumeu no oponenisi, nakaukavunu uasi.”

Mupala'a 10:8

Ioxe, angelo muvikala axone mukalu la xoli molu no tualasou Mosinge muvikalaleli aloxo 'ola, “Nini nalai noxou angelo e utulu no luaki xe no lialia mo nano'u lavuku se muxavulala no avolu.”

Mupala'a 12:10

Xe no tualasou Mosinge la elomusou xoli tatila muvikala aloxo 'o, “Vaimomo 'o pamauli mo xavi noxou Mosinge mupala'a avile. Xo ano'o voxo so Mosinge molu u'uli laxune'i tamitemaou. Xe Itema e musosovosou lexe Kalaisiti, xavi noxou mupala'a kalumo. Xo anu e kakau olovoxo mukusukusu'a tavivinge no anu lopala no iou Mosinge ne miua'ulixu mo mikusaou avile.

Mupala'a 21:7

Laso noxi'a tami­tema ane iua'uli la mimixeli mukalusi apilixinu noxi'a xo eni axolu a Mosi'a xe ane'i ixolu ta'alixeli ane.

Mupala'a 22:3

La tu'utu'umaxu ane mukasi'a tami­tema no lialia tatei ne uxolula uasi. Xe sia kingi noxou Mosinge ilou Sipisipi Ilie uxolu ne. Mo ane'i tamitema so xaixai noxou ixolu i'itinu ualasou.

Mupala'a 7:15

Laso maixene ane'i itulu no laxunu sia kingi noxou Mosinge. La aso mo olovoxo ane'i ixolu i'oxonu xaixai noxou no anu tasou. Mo Mosinge uxolu no anu sia kingi noxou alai noxi'a axone so usaxila'a.