Mupala'a 21:22 - Ata New Testament

²² Xe no taoni ne la amaisou tasou Mosinge vile uasi xo Tatananenge anu Mosinge U'uli'uli ilou Sipisipi Ilie ne ane'i me'a a ixolu no taine'i tatemanusi.

Mupala'a 21:22 ပူးပေါင်းရင်းမြစ်များ

Matiu 24:2

Ia anu mulemolu vaikala ano'o noxi'a, “Ngingi ngamaisou ngiongiou laixe ano'o ia avikalangengi manina lexe ili'i la lavo'o vile utoxo no anu menexu uasi, upaxele mukalusi. Tani ano'o ne umamulosi.

Tioni 10:30

La nexi noxou Maminge a vilesisi.”

Tioni 13:32

Mo loxo Mosinge ualasou utila no anu mi ma'ia Itema ne u'oxonu, la anu u'itinu ualasou Itema ne kalumo no anu mi ma'ia Mosinge molu u'oxonu. La alala'e se'osi Mosinge a so u'itinu ualasou Itema ne.

Tioni 4:21

La Iesua muvikalane lexe, “Sema, nano'u vaikalaxeli 'o. Voxo vile a unene'e la ngingi nga'itinu Maminge ualasou no la'olu 'o la uasi xe ne Ielusalemo la uasi kalumo.

Tioni 4:23

Ia voxo vile unene'e mo a muxali mukalu 'oe la tamitema ane so i'itinu ualasou Maminge manina la i'oxonu no anu vote'i noxou Ulenusi xe no anu maninasi. Xo tamitema ane Maminge oponu u'oxoxa'a so i'itinu ualasou, a ane'i axonesi.

Kolosi 1:19

Xo Momu mu'osa manina so temanu xoluxoluxu loloni uxolu uana'ana noxou Olu ne.

Kolosi 2:9

Ia loxo Kalaisiti, anu muxali itema aloxo nenge 'o, io temanu xoluxoluxu Mosinge loloni a uxolu noxou.

Mupala'a 1:8

La Tatananenge anu Mosinge uvikala aloxo 'o, “Eni ane tei a xe eni kaluxu uasi a. Evile uua'ulixo uasi, xo tatei eni exoxolu xe vaimomo axoxolu mo ulai ili'i la eni ane'e axolusi.”

Mupala'a 11:17

La mivi­kala aloxo 'o, “Tatananexi, nini Mosixe, nini ninisisi Na'uli'uli avile. Xo tei tei manina nini nexoxolu mo vaimomo 'o naxo­xolu. Xavineni tatila a mupala'a xo naxolu no anu tanixene so na'uli laxunu mimi mukalusi. Laso nexi tavikala laixe noxine.

Mupala'a 14:4

Ane'i ne ilai noxi'a tasema so i'oxonu ilixo nuni'u uasi, mi'apixa'a laixe no anu. Xe loxo Sipisipi Ilie ulai ne'ei la ane'i imulinusi. Ane'i laili tei ane Mosinge ilou Sipisipi Ilie milo­tone'i milivu noxi'a.

Mupala'a 15:3

Mitulu la milexenu lexe noxou itema so xaixai noxou Mosinge e Mosisi. Mo milexenu lexe noxou Sipisipi Ilie kalumo. Lexe ne aloxo 'o, “Tatananexi nini Mosixesi. Nini Na'ulu'ulisi. Mi ma'ia na'oxonu la xavinu mo lailaixesi. Ili'ilixo noxine malemalenga mo maninasi. Nini Kingi so tuatuala mukalusi.

Mupala'a 16:14

Ta'ulenu ne ane'i ta'angelo tamasua ane ilavusou i'oxonu sosovo so xavi iouiou. Ane'i milailai mipitane'i takingi so xale tuatuala mo so ilalaxi no anu uo. Uo anene so voxo tatila noxou Mosinge e u'uli'uli avile.

Mupala'a 16:7

La elomusou xoli molu no tanixu navu muvikala aloxo 'ola, “Ani, manina. Tatana­nexi nini Mosixe. Nini na'uli'uli avile, mo loxo nini natilovosou ili'ilixo so nakolinu la manina mo ulapusi.”

Mupala'a 19:15

Xe noxou anu ane mu'uli laxune'i la laviso so oto anaxu misevile muxolu mula no anaxu. Laviso ne so uu'aulixa'a tatemanu tuatuala mukalusi no anu. Uua'ulixa'a ukalu la anu u'uli laxune'i mo a utetelisou aini so umaxa'u lexe evile umomomo so uxililioula uasi. Mo anu umalo­maloxo'a tauluaou a loxo tamitema imalomaloxo'u uaini ngiaxu no anu tanixu. Ia loxo anu, la umalo­maloxo'a no anu la'ia toxoxu noxou Mosinge e U'uli'uli.

Mupala'a 4:8

La tamimi tami'a ne vivivisi'a 6 mukalusi. Ie'i ie'i musu'asou vasi­me'a mo muxolu no laxu vivisi'a kalumo. Mo kakau olovoxo ivikala lexe, “Tatananenge anu Mosinge anusisi U'uli'uli. Anu malema­lenga. Anu malemalenga. Anu malemalenga. Anu muxolu tei tei manina mo a uxoxolu vaimomo 'o mo anu une'e uxolu ili'i avile.” Ane'i ixolu ivikala axone mo italo uasi.

Mupala'a 5:6

Ioxe, emalei loxo 'o la Sipisipi Ilie vile a ututulu nonixi manina no anu sia kingi e muxolu no taine'i tamimi tami'a oli'a tatiatila. Ututulu la musaxi loxo sipisipi ilie ane tamitema mivau ka musoli. Anu komonu 7 xe iou lavo'onu 7 kalumo. Anene usosovosou Mosinge Ulenu ane noxou 7 e Mosinge mupalusou so uxolu no lialia mukalusi.

Mupala'a 7:15

Laso maixene ane'i itulu no laxunu sia kingi noxou Mosinge. La aso mo olovoxo ane'i ixolu i'oxonu xaixai noxou no anu tasou. Mo Mosinge uxolu no anu sia kingi noxou alai noxi'a axone so usaxila'a.

Mupala'a 7:17

Xo Sipisipi Ilie uxolu nonixi manina no anu sia kingi. La anu usaxila'a a loxo itema usaxila'a tasipsipi. Mo upamuxane'i so ilai iie no anu lexa so mauli no luxu. Xe ie'i lexaxu la Mosinge uiasou mo so itamala uasi.