Mupala'a 21:2 - Ata New Testament

² Sila emaisou taoni noxou Mosinge u'isalili e Ielusalemo alavua. Anu molu noxou no tualasou mululu'e mo tokolomosou lailaixe manina aloxo sema ilalaxi mo itokolomo so itaula'ixu mulu'e.

Mupala'a 21:2 ပူးပေါင်းရင်းမြစ်များ

Tioni 3:29

Aloxo 'o. Loxo itema vile utaula'i la semau ne mulue a anu nesi. Xe loxo menexu la masi utulu va'axu sevile so ulomusou xolinu menexu e mutaula'i ne. Ulomusou xolinusi la u'osa'ilasou tatila. Laso maixene eni osa'ila noxilo mulolutu no anu vote'i anenesi.

2 Kolini 11:2

Mosinge u'oxo latolosi'a tamite­maou mo so mi vile ulapune'i ixexesou uasi. La anu axonesi noxilo xo eni esosovosinge lexe ngingi tanoxou Kalaisitisi. Eni loxo itema usaxane vuanga male­malenga ilai so itaula'ixu mulue.

Ipilu 11:10

Xo mi e Apala'amu tanu u'oxoxu a tuala ane tava'u pumuxusi. Tuala ne Mosinge molu so upilenimunu mo utulusou.

Ipilu 11:16

Ia uasi, xo opone'i mutatamasou xale lia ane lailaixe, xale lia e tualasou Mosinge. Xe tamitema anene loxo imoxo'u Mosinge lexe anu Mosi'a u'isalili la anu umaila no anu uasi xo a mulalaxinu taoni noxi'amo.

Ipilu 12:22

Ia loxo ngingi, la ngexali no anu la'olu Saioni mo no anu taoni noxou Mosinge e umamauli. Taoni e Ielusalemo so tualasou. Mo noxi'a ta'angelo i'osa'osa tautauseni e tautausenisi.

Ipilu 13:14

Xo nenge taoni vile no lialia so uxolu avile uasi. Nenge oponenge u'oxoxu taoni ane taxalisou ili'i.

Mupala'a 1:1

Ioxe, tatei vaikalasou mimi ane so uxali la mutalumesi. Ia Mosinge mupilixinu noxou Iesua Kalaisiti so upala'anixu lamana noxi'a tami­tema so xaixai noxou. Laso Kalaisiti mupalusou angelou so uvulunu noxilo. Xo eni Tioni 'o, eni amitema so xaixai noxou.

Mupala'a 1:4

Eni Tioni a. Vaikala ano'o ulai noxinge ngingi tatemanu pita 7 ne Esia polovinisi. Mosinge uiaiamangenge mo ulosinge xoluxolu lalavulusi xo anu muxolu tei tei manina mo a uxoxolu vaimomo 'o mo anu a une'e uxolu ili'i kalumo. Xe su'uli anene kalumo ngaxalisou noxou Ulenu ane noxou 7 e uxoxolu no laxunu sia kingi noxou Mosinge.

Mupala'a 1:9

Ioxe, eni avivinge Tioni a xo nenge nenge'a taxolu noxou Iesua. Taxolu noxou laso nenge so taxolu no voxo loxo Mosinge molu u'uli laxune'i tamitemaou. Laso maixene nenge tatavulenu tu'utu'umaxusou ia taxolu se'isisi so taxomaiou. Xo eni elanu vaikalaou Mosinge mo ea'aloxu Iesua laso ane'i mikusailo xe mipalusilo so axoxolu no anu ailani Patimosi 'o.

Mupala'a 11:2

Ia matamataunu noale no tasou Mosinge la naua'ulixusi, natilovosou uasi xo anene tanixa'a tamitema noale'alesi. Ane'i noale'ale ne ine'e ixixao isoasoa no taoni noxou Mosinge umomomo no anu so'io 42.

Mupala'a 21:10

La Ulenu Laixe mupamuxaleli xe angelo mulaixilo no anu la'olu vile teitexi manina. Laso anu mulo­soielixu taoni noxou Mosinge mu'isalili e Ielusalemo a molu no tualasou mululu'e.

Mupala'a 21:9

Ioxe, mukalu la angelo vile mune'e noxilo. Anu vile noxi'a ta'angelo 7 e mitetelisou lisi koli 7 ane muana'ana no anu kaluxusou tu'utu'umaxu e mumamulone'i tamitema. Mune'e noxilo la muvi­kalaleli lexe, “Nane'e 'o mo eni alosoienixe sema ane milalaxi so itaula'ixu Sipisipi Ilie.”

Mupala'a 22:17

La Ulenu olie Sipsipi Ilie semau mivikala aloxo 'o, “Nane'e 'o.” Xe ta'ei loxo ilomuxu vaikala ano'o la ane'i kalumo ivikala lexe, “Nane'e 'o.” Laso ena'ei usolixu lexa la une'esi. Une'e uie no anu lexa so mauli xo anu lapesou uasi.

Mupala'a 22:19

Xe loxo evile uxexenu vaikala sevile no anu lavuku so pela'a 'o la Mosinge u'apixu no anu mimi lailaixe e lavuku 'o ua'aloxu. U'apixu laso itema ne u'ani no anu ovu so mauli uasi mo u'unalai no anu taoni noxou Mosinge u'isalili uasi.

Mupala'a 3:12

Noxi'a tamitema ane iua'uli la atulusi'a pumuxa'a a loxo posipo­sixu tasou Mosinge. Mo ixolu se'isisi no anu avile, ixexela uasi. Xe kalumo la akaukavunu ualasou Mosinge noxi'a. Mo akaukavunu ualasou taoni noxou Mosinge. Taoni ne Ielusalemo alavua molu noxou Mosinge no tualasou teitexi ulu'e. Mo akaukavunu ualasilo alavua noxi'a kalumo.