Mupala'a 20:8 - Ata New Testament

⁸ Xe loxo ula la u'oxonu loloxa'a tatemanu xale tuatuala mukalusi. Tuatuala ne itotokalasou lexe Xoxu xe Maxoxu. La anu upitane'i so ilalaxisou i'oto no anu uo. Ane'i tavu'alo e tavu'alo aloxo io'iio'i no luaki 'o, tamomomo so ta'itisi'a uasisi.

Mupala'a 20:8 ပူးပေါင်းရင်းမြစ်များ

Ipilu 11:12

Mo noxou mulue kalumo anu loxo vasimolu musoli mukalu so upalala uasi. Ia noxou la ta'ilusunu mixali navasi'a tatila loxo tataoto no loxotolo. Ta'itisi'a uasi xo ane'i milolutu e milolutu a loxo io'iio'i no luaki 'o.

Mupala'a 12:9

Laso mikusaou mi loxo sineke tatila ne. Anu ane talemolu lexe Uluaou. Anu muxolu tatei mune'e avile vaimomo 'o xe anu mosou so u'oxo loloxa'a tatemanu lialia mukalusi. Miku­saou no tualasou Mosinge la oli'a ta'angelou.

Mupala'a 16:14

Ta'ulenu ne ane'i ta'angelo tamasua ane ilavusou i'oxonu sosovo so xavi iouiou. Ane'i milailai mipitane'i takingi so xale tuatuala mo so ilalaxi no anu uo. Uo anene so voxo tatila noxou Mosinge e u'uli'uli avile.

Mupala'a 20:10

Ioxe, Uluaou u'oxo loloxa'a tamitema axone laso Mosinge usu'anu no anu taxa toxoxu ane navu ilou lavo'o axexaxu u'ani'ani no anu. Taxa e mi vova ilou polopeti kalavoi a ixolu no anu kalumo. La ane'i tatalu ne itavulenu navunavu no aso xe olovoxo ulai ulai xo mole kalu­xusou uasisi.

Mupala'a 20:3

Muloilokisou mukalu ka musu'anu mulu'e no taxa e ulu'elai avile. Musu'anu mukalu la muto­munu taxa anaxu pakia'u e pakia'u mo so Uluaou ula u'oxonu loloxa'a tatemanu tuatuala uasi. Uxolu uxolu xo xe tau iexu 1000 ukalui laso ane, ipilixinu ula so uxixao se voxo ataxusi.

Mupala'a 7:1

Ioxe, mukalu la emaisi'a ta'angelo tami'a mitulu no anu lialia telete­lexu tami'a. Ane'i mitanutanuxu sivo molu no anu lialia teletelexu tami'a ne. Mitanuxu mo so sivo uilisou lialia xe luaki xe ovu ovu uasi.