Mupala'a 20:4 - Ata New Testament

⁴ Xe emaleila la emaisou siasia tavu'alo a loxo sia kingi a muta'olu. La ane'i ane mitalupexa no anu la Mosinge mulosi'a xavi so itilo­vosi'a tamitema no lakoti. Xe tamitema ane taxilili mixotosou xolane'i xo no anu vaikala laixe so Iesua ilou Mosinge vaikalaou, la emaisou ule'ulene'i a uxolu ne. Mo tamitema ane i'itinu mi vova olele ilou mi ane musaxi loxo anu uasi mo ino'u sosovo noxou no alaie'i xe no avo'a uasi la mixolu ne kalumo. Ioxe, ane'i mukalusi ne, mixalisou mauli la mitulu mivei­sa'inu Kalaisiti no anu tanixu kingi mumomomo no anu tau ie 1000.

Mupala'a 20:4 ပူးပေါင်းရင်းမြစ်များ

Matiu 19:28

La Iesua muvikalane'i lexe, “Eni avikala­ngengi manina aloxo 'o. No voxo loxo mimi uxiu uxali alavuala la Itema ane molu noxou Mosinge utalupexa no anu sia kingi iaxu noxou. Ioxe, laso no voxo anene ngingi ane ngemulileli 'o, ngingi ngatalupexa no anu sia kingi 12 kalumo. Ngatalupexa ne so ngato­ngonu ilixo noxi'a laili 12 noxi'a Ta'isilaeli.

Matiu 24:10

La no voxo anene ane'i tavu'alo ixiunu tumali'aou lopala. Laso ane'i imatapiane'i ngato'o sika ipili­xine'i tamenexi'a no avo'a tauluai'a.

Maki 6:16

Eloti mulomusi'a ivikala axone la anu mu'oxo lexe, “Uasi, anu Tioni ane. Exotonu limilaxu musoli mala'o ia mutulu mumaulila 'o.”

Maki 6:27

La alaxu vilesisi kingi mupalusou ami vile so ulai uno'u Tioni kisou une'e. Anu mulai no tasou lakalavusu sila muxotonu limilaxu Tioni so kisou muxexe avile.

Maki 9:11

La ane'i mitali'isou Iesua aloxo 'o, “Axova no anu vaikalai'a tamitema so lavuluavu no anu lavuloto? Xo i'oxo lexe Elaitia une'e tei kaio Itema ane molu noxou Mosinge uxali ili'i?”

Luku 1:17

Anu uno'u xavi mo umulinu ilixo loxo polopeti Elaitia xo anu uxiunu opone'i tamitema uxali vilesisi noxi'a ta'ili'a. Xe tamitema ane ilomuanu Mosinge vaikalaou la vaikalaou itema 'o uxiunu opone'i mo so ilavu a loxo tamalemalenga. La anu u'oxo axone mo so loxo Tatananenge une'e la ane'i ixolu ilalaxi laixe lumamo.”

Luku 14:14

Xo tamitema kaini aloxo 'o ane'i vote'i so ikolineni uasi. Laso anu uxali laixe noxine xo ili'i no voxo so Mosinge utulusi'a tamitema talapu no anu soli la molu ulosine lakolisou.”

Luku 22:30

Xo no voxo loxo eni a'uli laxune'i temitemaxeli la ngingi ngaxolu nonano so nga'ani mo ngaie no latevolo noxilo ne. Mo ngingi ngatalupexa no anu sia kingi so ngatilovosou ili'ilixone'i laili 12 noxi'a Ta'isilaeli.”

Tioni 14:19

Eni axolu 'o voxo ataxu sesi kaio tatemanu lialia isaxisilola uae. Ia ngingisi a so ngasaxisilo. Xo eni so amauli laso maixene ngingi a so ngamauli kalumo.

Lomu 11:15

Loxo ixalisou pamauli la laixe manina. Xo Mosinge mu'italone'i sevile io tamitema so xale tuatuala milivu noxou. Ia ili'i loxo u'osasi'ala, la anu iou vilesisi loxo itema ane musoli la umaulila.

Lomu 8:17

Ioxe vaimomo 'o nenge taxolu Mosinge ta'olu. Laso ili'i la nenge taxalisou mimi lailaixe. Xo mi ma'ia so anu ulosou Kalaisiti la anu ulosinge kalumo. Vaimomo 'o nenge tatavulenu tu'umaxu a loxo anu a utavulenu. Ia ili'i la nenge noxou taxolu no anu xoluxolu iaxusi.

2 Timoti 2:12

Mo loxo tatulu pakia'inge so tata­vulenu tu'utu'umaxusou, la nenge tapita noxou no anu kingi. Loxo taxiunu tumalinge noxou, la anu kalumo uxiunu tumalou noxinge.

Mupala'a 1:2

Mo so vaikalaou Mosinge aneva elomusou xe mi ma'ia emaisou Iesua Kalaisiti mu'oxonu o mulemolu la aa'aloxu u'isalili.

Mupala'a 1:9

Ioxe, eni avivinge Tioni a xo nenge nenge'a taxolu noxou Iesua. Taxolu noxou laso nenge so taxolu no voxo loxo Mosinge molu u'uli laxune'i tamitemaou. Laso maixene nenge tatavulenu tu'utu'umaxusou ia taxolu se'isisi so taxomaiou. Xo eni elanu vaikalaou Mosinge mo ea'aloxu Iesua laso ane'i mikusailo xe mipalusilo so axoxolu no anu ailani Patimosi 'o.

Mupala'a 11:11

Ioxe, ilou isoli xe iai voxo tatalu xe pa'usou ukalui, laso Mosinge utausou tauxu so mauli u'unalai noxi'a ilou. Sila ilou itulu mo imaulila. La ume toxoxu uxali noxi'a ane'i ane imaisi'a ilou.

Mupala'a 11:15

Ioxe, angelo 7-si'a mutaunu piuka noxou. La elomusou xolixoli no tualasou Mosinge muvikala aloxo 'o, “Tatananenge ilou Itema e musosovosou lexe Kalaisiti ne ane'isisi takingi, xo ilou mino'u tanixa'a takingi so lialia mukalusi. Ane'isi ixolu i'uli'uli avile kaluxu uasi.”

Mupala'a 11:3

Xe eni apalusi'a tamite­maxeli tamei so ilanu vaika­laxeli. La ilou isakinu lavalava so tama mo ixolu aso 1260 ne so ilanu vaikala so pela'asi.

Mupala'a 11:7

Ioxe, ilou ixolu ilanu vaikalaou Mosinge xo xe ukalui laso ane. Mi vova molu no taxa e ulu'elai avile olele utelo so u'otoxa'a. U'otoxa'a xola uua'ulixa'a mo uve'a ilou isoli.

Mupala'a 12:11

Mukusukusu'a tavivinge axone ia loxo manina la ane'i miua'ulixu lumamo no anu xavinu sialuxu Sipisipi Ilie. Xe miua'ulixu kalumo no anu vaikala laixe milanu. Milanu laso maulixa'a ne ixavu­talanu uasi, mi'italone'i umomomo no anu solisi.

Mupala'a 14:11

Ane'i ane i'itinu mi vova ilou mi e usaxi loxo anu xe mino'u sosovo so ualasou ne ixolu itavulenu navunavu axonesi. La navu ane ixolu no anu ne umuxu utelai utelai xo mole ukalu uasisi.”

Mupala'a 15:2

Mo kalumo emaisou mi vile loxo luaki ia titilosi. La navu mu'ani'ani no anu. Xe emaisi'a tamitema latala a itutulu no pa'umolu luaki titilo ne mo itetelisou mi loxo kitakita noxou Mosinge. Ane'i tamitema anene miua'ulixu mi vova ilou mi e tamitema mixalixu so usaxi loxo anu xe navasou ualasou kalumo.

Mupala'a 17:8

Aloxo 'o. Mi vova e nemaisou mukalu, tei anu muxolu ia vaimomo 'o uxolula uasi. Ia anu a so utelo ula no taxa e ulu'elai avile. Utelo ukalu la ulai uxalisou mamulosi. La tamitema no lialia mukalusi ikulukemolu mi vova xo imaisou muxolu tei xe uxolu vaimomo 'o uasi ia ili'i uxolula. Tamitema anene Mosinge ukauka­vunu ualasi'a uasi no anu lavuku so mauli mi ne ukoinu lialia uao.

Mupala'a 2:26

Ioxe, noxi'a tamitema ane so iua'uli mo imulinu ili'ilixo noxilo ulai umomomo no anu kaluxusou lialia la a'oxo aloxo 'o. Eni alosi'a xavi so i'uli laxune'i tatemanu xale tuatuala mukalusi.

Mupala'a 20:6

Ioxe, noxi'a tamitema ane mitulu tei olele ne ane'i ixalisou osa'ila. Ane'i tamalemalengasi mo soli tameisou xavinu so ulosi'a tu'umaxu uasi. La ane'i ne tapilisiti so i'oxonu xaixai noxou Mosinge xe noxou Kalaisiti. Mo ane'i ixolu iveisa'inu Kalaisiti no anu tanixu kingi umomomo no anu tau ie 1000.

Mupala'a 22:5

La olovoxola uasi. Mo tava'u so ilexexu lalamo xe tava'u so aso uiieila uasi xo Tatananenge anu Mosinge molu uxolu so ulosi'a lamanaxu. Ixolu axone no anu tanixu kingi ulai ulai xo mole kaluxu uasisi.

Mupala'a 3:21

Noxi'a tamitema ane iua'uli la alaixi'a so noxi'a tatalupexa no sia kingi noxilo. Iou vilesisi aloxo eni eua'uli mo a noxou Mamilo tatalupexa no anu sia kingi noxou.

Mupala'a 4:4

La sia 24 muxixaosou sia kingi ne. Mo emaisi'a tatiatila 24 a mitaluta­lupexa no anu. Ane'i mitalupexa la lavulutii'a kea veveni xe no kisi'a la ati koli a loxo takingi ilavusou itanu.

Mupala'a 6:9

Mukalu la Sipisipi Ilie mulokenu sosovo ta'uvesou e muteinoxu lavuku ne. Xe emalei loxo 'o sila no tava'u tanixu navu emaisou ulene'i ane'i ane tamitema mive'a­ve'axu vaikalaou Mosinge. Xo ane'i ne pakia'a so mitetelisou mo milanu vaikalou laso taxilili mive'axu.

Mupala'a 7:3

Mu'ava lexe, “Ngingi ngamamulonu lialia ilou luaki xe ovu ovu kolokolo uasi. Ngaxolu xo nexi tamulaxu sosovo noxou Mosinge no alaie'i tamitema so xaixaiou teio.”