Mupala'a 20:2 - Ata New Testament

² La musavunoxu mi loxo sineke tatila e sineke ane muxolu tateimo. Anu mosou tovotovo e Uluaou to! Musavunoxu ka muloi­lokisou no anu seni so uxolu axone umomomo no anu tau ie 1000.

Mupala'a 20:2 ပူးပေါင်းရင်းမြစ်များ

Matiu 19:29

Xe noxi'a ta'ei ane mipilixinu tasi'a xe tavimovimo'a tamulu xe tasema xe tamami'a xe taneni'a xe ta'ili'a xe xaixa'a xo no anu ualasilo la ixalisou lakolisou upita no latanu e lapilai uasisi. Mo ane'i ixalisou mauli kaluxu uasi kalumo.

Matiu 8:29

La ilou mi'ava tatila lexe, “Nini Mosinge Olu, nene'e so na'oxo mi ma'ia noxixe 'o? E voxo a uao, ia nene'e kolo­kolo aloxo 'o so namasuanexi, ne?”

Maki 4:15

Xe tami­tema se'i la opone'i loxo lialia pakia'u no vote'isou xai ane uiti ngiaxu se'i mulapau no anu. Xo loxo ilomusou votovoto la vaikala uleme uasi xo Uluaou upalea utokinu.

Maki 5:7

Mutangatuluou la anu muvikala tatila noxou lexe, “Iesua, Mosinge anu Mu'uli'uli Olu, nini nene'e so na'oxo ma'ia noxilo? Eni alinga pakia'u noxine no anu ualasou Mosinge lexe namasualeli mamu.”

Tioni 12:31

Anu voxo a muxali 'oe so Mosinge upilixinu vaikala so mamulusou susu noxi'a tatemanu lialia. Mo kalumo anu a voxo so anu ukusaou ane ane mu'uli laxunu lialia 'oe.

Tioni 16:11

Xe ulamananixa'a no anu vaikalasou mamulo so susu xo anu ane u'uli laxunu lialia la uxolu no laxu vaikalasou mamulo ne mu­kalu.

Lomu 16:20

Xo anu voxo alaimanasi so Mosinge ukalusou xavinu Uluaou. Ukalasou mo anu Uluaou uxolu no langenge ane. Laixe, xo Mosinge u'oxonu xoluxolu noxinge lalavulusi mo iaiama noxou Tatananenge Iesua uxoxolu noxinge.

Ipilu 2:14

Ioxe, ta'olu ne ane'i tamitemasi ane, vasime'a vitanisi. Laso Iesua muxali a loxo ane'isi mo so ulai no anu soli. Mulai no anu soli mo so xavi noxou Uluaou so upalusi'a tamitema no anu soli, la Iesua mukalusou avile.

1 Pita 5:8

Ngingi ngaxolu xavutalamengi lamanasi mo ngalo laixe. Xo Uluaou Mosinge anu uluamengi kalumo, la anu loxo misoposi vova e laioni. Talaioni ixixao i'unga'unga so ikakamuline'i tami ma'ia so ii'a, la Uluaou anu axonesi xo uxixao ukakamuline'i tamitema so uma­mulone'i.

2 Pita 2:4

Aloxo ngelavusou, tatei loxo ta'angelo mose'i misusu la Mosinge iou uvaxaou susu noxi'asi uasi. Anu mukusai'a musu'ane'i no anu navu so mamulo mo so ixolu ikalavusu no isivoxo la ixomaiou voxo so ixalisou lakolisou susu noxi'a.

Iuti 1:6

Xe loxo ta'angelo leviani la miua'ulixu lamakisou xavi noxi'a xe ixolu se'isisi no anu tanixa'a u'isalili uasi, mia'alasou. Laso Tatananenge muloilokisi'a no anu seni ane uxolu kaluxu uasi so ixolu ikalavusu no anu isivoxo xo mo voxo tatila so tilovo olele uxali.

Mupala'a 12:13

Ioxe, mi loxo sineke tatila ne musaxi loxo 'o la mulavu lexe mikusaou so uxolu avile no lialia. Laso anu mu'avuti xe sema ane mivo'onu ilie mulu la mulele­muline so ulosie tu'umaxu.

Mupala'a 12:15

La sineke anu loxo mu'exinu lexa toxoxu so usiali mo umuline sema so upuatinixie imamulo avile.

Mupala'a 12:17

Mukalu la sineke la'iaxuie sema laso mulai so u'otoxa'a ta'ilie se'ila. Ane'i ane ilavusou ilomuxu lo noxou Mosinge xe ikasou vaikalasou Iesua lexe maninasou.

Mupala'a 12:3

Ioxe, mi vile iou vilemo manina mupa no loxotolola. Mi ne, a loxo sineke toxoxu lauoinu. La kisou seveni xe komonu 10. La ati loxo noxi'a takingi mumomoxu kisokisou 7 ne.

Mupala'a 12:4

Xe mumua'inu xela'u la musilapanu tataoto tavu'alo e tavu'alo mipei no lialia mukalusi. La loxo takalipalane'i tataoto pa'usi'a tatalu la pa'usou vile ane mipei milu'e. La mi loxo sineke toxoxu ne mutulu no laxune sema mo so loxo ilie ulapau la uloxu so u'ou.

Mupala'a 12:9

Laso mikusaou mi loxo sineke tatila ne. Anu ane talemolu lexe Uluaou. Anu muxolu tatei mune'e avile vaimomo 'o xe anu mosou so u'oxo loloxa'a tatemanu lialia mukalusi. Miku­saou no tualasou Mosinge la oli'a ta'angelou.

Mupala'a 13:2

Mi vova emaisou ne musaxi loxo salimile toxoxu ane ilemolu lexe lepati. Xe tava'u aloxo misoposi vea mo anaxu a loxo laioni 'o. La mi loxo sineke tatila muvulanu xaviou mulai noxou mo so mi vova ne uxali kingi mo xavinu loxo anu.

Mupala'a 13:4

Mimulinu xo milavu lexe mi loxo sineke tatila muvu­lanu xaviou mulai noxou ane. Laso ane'i mi'itinu ualasou mi loxo sineke tatila ilou mi vova ne. Mo mivikala lexe, “Ena'ei xavinu loxo mi vova 'o? Ena'ei so uua'ulixu no anu oto? Uasi to!”

Mupala'a 20:10

Ioxe, Uluaou u'oxo loloxa'a tamitema axone laso Mosinge usu'anu no anu taxa toxoxu ane navu ilou lavo'o axexaxu u'ani'ani no anu. Taxa e mi vova ilou polopeti kalavoi a ixolu no anu kalumo. La ane'i tatalu ne itavulenu navunavu no aso xe olovoxo ulai ulai xo mole kalu­xusou uasisi.

Mupala'a 20:7

Ioxe, loxo tau ie 1000 ukalui la ikisinu taxa e Uluaou mukalavusu no anu so ula.

Mupala'a 9:11

La ane'i kingii'a so u'uli laxune'i ne anu angelo e tatananu taxa e mulu'elai avile. No anu vaikala Ipilu la imoxo'u lexe Avatoni. Xe loxo nenge la talemolu lexe Mosou Mamulo.