Mupala'a 20:14 - Ata New Testament

¹⁴ Mutilovosi'a tamitema xo xe mukalu laso ane, musu'anu soli ilou tanixu soli mulu'elai no taxa so navu. Taxa so navu ne, anu tanixu soli tameisou ane.

Mupala'a 20:14 ပူးပေါင်းရင်းမြစ်များ

1 Kolini 15:26

Umamulone'i tauluaou axone la ukalusou soli kalumo xo nenge tasolila uasi.

1 Kolini 15:53

Xo vasi­menge kaini so usoli mo u'ui 'o anu uxiu alavua uxali kaini so usoli uasi, uxolu avilesi.

Mupala'a 1:18

Eni ane axoxolu amauli 'o. Eni esoli ia namaisou, eni axoxolu kaluxu uasi a. Xavi no anu soli mo tanixu soli a uxoxolu noxilo mo atetelisou lakisou.

Mupala'a 14:10

Anu loxo iie no anu uaini iou vilemo. Anene, la'ia noxou Mosinge. Loxo iie no anu la'ia noxou Mosinge axone la u'oki e u'okisi. Xo ixolu no iou Sipisipi Ilie oli'a ta'angelo talaixe so navu ilou lavo'o axexaxu uto'ito'isi'a.

Mupala'a 19:20

Mixolu so i'otoxa'a ia anu oli'a ta'amiou mikasi'a mi vova ilou polopeti kalavoi. Polopeti kalavoi ne anu mosou e mu'oxonu sosovo so xavi no iou mi vova olele. Laso no anu vote'i anene la mu'oxo loloxa'a tamitema so mino'u sosovo noxou mi vova mo mi'itinu mi e musaxi loxo anu. Mikasi'a ilou xe imamaulisio ia misu'ane'i milu'elai no anu taxa e navu ilou lavo'o axexaxu u'ani'ani no anu.

Mupala'a 2:11

Anu ane, loxo itema sangalou la ulomuxu vaika­­laou Ulenu Laixe anu upilixinu noxinge no anu pitapita. Noxi'a tamitema ane so iua'uli, la ixalisou soli tameisou uasi.”

Mupala'a 20:10

Ioxe, Uluaou u'oxo loloxa'a tamitema axone laso Mosinge usu'anu no anu taxa toxoxu ane navu ilou lavo'o axexaxu u'ani'ani no anu. Taxa e mi vova ilou polopeti kalavoi a ixolu no anu kalumo. La ane'i tatalu ne itavulenu navunavu no aso xe olovoxo ulai ulai xo mole kalu­xusou uasisi.

Mupala'a 20:13

La luaki mu'italone'i tamitema misoisoli no anu so mimauli. Xe soli ilou tanixu soli kalumo mi'italone'i tamitema ane mikasi'a no anu soli. Mi'italone'i xe mitulu mimauli laso ane'i mukalusi mikoti so ixalisou nene'axu ilixo noxi'a.

Mupala'a 20:15

La tamitema ta'ei ane ualasi'a uxolu no anu lavuku so mauli uasi, la ane'i muka­lusi misu'a no taxa so navu kalumo.

Mupala'a 20:6

Ioxe, noxi'a tamitema ane mitulu tei olele ne ane'i ixalisou osa'ila. Ane'i tamalemalengasi mo soli tameisou xavinu so ulosi'a tu'umaxu uasi. La ane'i ne tapilisiti so i'oxonu xaixai noxou Mosinge xe noxou Kalaisiti. Mo ane'i ixolu iveisa'inu Kalaisiti no anu tanixu kingi umomomo no anu tau ie 1000.

Mupala'a 21:4

Anu uxolu noxi'a laso ie'i lexaxu so mi vilela uasi. Mo soli uxalila uasi. Mo tamitema opone'i tu'umaxusou mi vile xe itama xe ixamulinu navunavula uasi. Mi anene so tateimo, umomomo so uxalila uasi.”

Mupala'a 21:8

Ia noxi'a ane'i ane i'umolu vaikala manina mo ilopala uasi xe noxi'a ane'i ane i'oxonu mimi ane masua no iou Mosinge xe ive'ave'a tamitema isoisoli xe ilai no anu ilixo nuni'u olele xe i'oxonu ta'uluxu masua xe i'itinu momosi'a kalavoi xe i'oxo loloxa'a tamitema, ane'i mukalusi ilai no anu tualasi'a mulovosi. Xo ane'i ne ixalisou soli tameisou no anu taxa toxoxu e navu ilou lavo'o axexaxu u'ani'ani no anu.”

Mupala'a 6:8

Xe emalei loxo 'o sila emaisou osi vasimolu loxo lia mixovulo 'o. La anu ane muta­lupexa no anu ualasou lexe Soli xe emaisou tanixa'a tamitema misoi­soli a mumulinu. La milosi'a ilou xavi so ivelunu tamitema laili tami'a mo so no anu laili vile la i'oxonu aloxo 'o. Noxi'a se'i la ive'ave'a no anu laviso so oto. Xe noxi'a se'i la ive'ave'a no anu vitolo. Xe noxi'a se'i la ive'ave'a no anu pipiena. Xe noxi'a se'i la ipalupalusi'a tamisoposi tavova so ive'ave'a.