Mupala'a 20:13 - Ata New Testament

¹³ La luaki mu'italone'i tamitema misoisoli no anu so mimauli. Xe soli ilou tanixu soli kalumo mi'italone'i tamitema ane mikasi'a no anu soli. Mi'italone'i xe mitulu mimauli laso ane'i mukalusi mikoti so ixalisou nene'axu ilixo noxi'a.

Mupala'a 20:13 ပူးပေါင်းရင်းမြစ်များ

Matiu 11:23

Xe ngingi Takape­niamu, ngingi nga'oxo lexe nga'itingengi so ngaxali no tuala­sou Mosinge, ne? Uasisi ane, ngingi ngasu'a ulu'e no tanixu solisi ane! Xo loxo sosovo so xavi uxali tatei ne Sotomu a loxo anene muxali noxinge 'o la anu tuala ne masi a uxoxolusio.

Matiu 16:27

Xo Itema ane molu noxou Mosinge une'e ili'i no anu iaxu Momu. Une'e la oli'a ta'angelou so ukoline'i tamitema u'isalili no anu ilixo noxi'a.

1 Kolini 15:26

Umamulone'i tauluaou axone la ukalusou soli kalumo xo nenge tasolila uasi.

Mupala'a 1:18

Eni ane axoxolu amauli 'o. Eni esoli ia namaisou, eni axoxolu kaluxu uasi a. Xavi no anu soli mo tanixu soli a uxoxolu noxilo mo atetelisou lakisou.

Mupala'a 2:23

Mo kalumo noxi'a ta'ilie la ave'ave'a isoisoli. Mo so axone la tatemanu pitapita mukalusi ilavu lexe eni atilovosou xavutala mo opone'i tamitema mukalusi. Atilo­vosou ukalu la alosi'a nene'axu umomomo no anu ilixo noxi'a vilevilesi.

Mupala'a 20:12

Mukalu la emaisi'a tamitema ane misoisoli mukalusi a mitulu no laxunu sia kingi. Ane'i tamitema tatiatila xe tamitema vitavitanisi a mitulu ne. La ane'i ta'angelo mixavulalanu lavulavuku ane ili'ilixone'i tami­tema muxolu mukaukavu no anu. Xe mixavulalanu lavuku so mauli kalumo. Mukalu la anu ane muta­lupexa no anu sia kingi muititi no anu lavulavuku ne so utilovosi'a tamitema no anu ili'ilixo mi ma'ia mi'oxonu.

Mupala'a 20:14

Mutilovosi'a tamitema xo xe mukalu laso ane, musu'anu soli ilou tanixu soli mulu'elai no taxa so navu. Taxa so navu ne, anu tanixu soli tameisou ane.

Mupala'a 21:4

Anu uxolu noxi'a laso ie'i lexaxu so mi vilela uasi. Mo soli uxalila uasi. Mo tamitema opone'i tu'umaxusou mi vile xe itama xe ixamulinu navunavula uasi. Mi anene so tateimo, umomomo so uxalila uasi.”

Mupala'a 6:8

Xe emalei loxo 'o sila emaisou osi vasimolu loxo lia mixovulo 'o. La anu ane muta­lupexa no anu ualasou lexe Soli xe emaisou tanixa'a tamitema misoi­soli a mumulinu. La milosi'a ilou xavi so ivelunu tamitema laili tami'a mo so no anu laili vile la i'oxonu aloxo 'o. Noxi'a se'i la ive'ave'a no anu laviso so oto. Xe noxi'a se'i la ive'ave'a no anu vitolo. Xe noxi'a se'i la ive'ave'a no anu pipiena. Xe noxi'a se'i la ipalupalusi'a tamisoposi tavova so ive'ave'a.