Mupala'a 2:9 - Ata New Testament

⁹ Eni elavu no anu tu'utu'umaxu ngatata­vulenu mo ngingi nga'oloxola no anu mimi so vasimenge. Ia ngepa­lava no anu mimi so ulengengi. Mo elavusou vaikalai'a tamitema ane ipupuienge. Ane'i ikalavoi lexe ane'i Taiuta, ia uasi, ane'i tatemanu pita noxou Uluaou ane.

Mupala'a 2:9 ပူးပေါင်းရင်းမြစ်များ

Matiu 4:10

La Iesua mukolinu lexe, “Uluaou, Nalai! Xo Mosinge vaikalaou lexe, 'Naitinu Mosinge anu Tatananeni ualasousi, mo nalomuxu anusisi.'”

Luku 12:21

Xe Iesua muvikalala lexe, “Mi anene uxali noxi'a tamitema ane ilolutuxu mimi so vasime'a ia no anu mimi noxou Mosinge la ixolu loxo ta'oloxolamo.”

Luku 22:65

Mo ane'i mile­molu vaikala masu'aou no anu vote'i iouiou.

Luku 4:18

“Ulenu Tatananenge mune'e mo a uxoxolu noxilo 'o. Xo anu munixi'u ueli no kisilo so musosovosilo so ane'enu vaikalaou noxi'a ta'oloxola. Mo mupalusilo ene'e so apala'anixu vote'i noxi'a takalavusu so ila ixolu lalavulusi. Xe noxi'a tamitema ie'i selevenu la apela'a lexe isaxila axova. Xe noxi'a tamitema ane itavulenu tu'umaxu no avo'a se'i la alosi'a xoluxolu manamana'usi.

Luku 6:20

La Iesua iou muxiu mulaii'a tatisaipeliou la muvikala aloxo 'o, “Laixe noxinge ane xoluxolu­ngenge loxo ta'oloxola xo ili'i la ngingi ngaxolu nonano no voxo so Mosinge molu u'uli laxune'i tamitemaou.

Tioni 16:33

Eni elemolu vaivai­kala ano'o mo so noxilo la ngaxalisou xoluxolu lalavulusi. Xo no anu xoluxolungenge so lialia 'o la ngaxalisou tu'utu'umaxu, ia laixe so opongengi uxolu pumuxusi, xo xavi so lialia a eua'ulixu 'oe.”

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

Ta'aposeli 26:11

Mo alaxu tavu'alo eni e'una'unalai no anu tatasou lavuloto so ekamuline'i talopala. Ekamuline'i xe exalisi'a la epilixine'i noxi'a tatiatila so ixalisou tu'umaxu. Mo ekamulinu vote'i so tamitemaou Iesua ivikala masuasou ualasou. Mo eni opoleli sixulai'a axone la ekakamuline'i no tuatuala nopaxapaxa kalumo.”

Lomu 12:12

Ngaxolu opongengi ulu'e mo ngalopalanu voxo so osa'ila ili'i. Xe loxo tu'umaxu uxali la ngatulu pakia'ingesi. Mo opongengi ututu­lusi so ngavikala noxou Mosinge.

Lomu 2:17

Ioxe, ngingi Taiuta e ngalopala no anu lo mo nga'itingengi lexe Mosinge u'osasingexu.

Lomu 5:3

Ia ta'osasou voxo anenesi uasi, ta'osasou tu'utu'umaxu ane tatavulenu 'o. Ta'osasou xo ma'ia? Ta'osasou xo tu'utu'umaxu anene so u'oxonu pakia'inge.

Lomu 8:35

Ai manina misevile, ena'ei umomomo so ukalipalanenge no anu sexela noxou Kalaisiti? Loxo tu'umaxu uxali noxinge o tatavu­lenu navunavu o tamitema ixili­liienge o tasolinenge o lavuluti uasi o mi vile so uvila'isinge o oto uxali noxinge. Mimi anene umomomo so u'apixu sexela noxou Kalaisiti noxinge uasi.

Lomu 9:6

Ia axova? Mosinge muiloune'i Ta'isilaeli lexe ane'i tamitemaou, ia tapiena noxi'a ilopala noxou uasi. Laso axova, vaikalaou mulapau vitanisio? Uasi, vaikalaou mumauli. Xo se'i no anu laili Isilaeli ne ane'i tamitemaou Mosinge ia se'i ne uasi.

2 Kolini 6:10

La nexi taxolu no anu tamasi ia mi vile uasi xo taxoxolu no anu osa'ilasi. Xe nexi loxo ta'oloxola ia mi vile uasi xo tavu'alo mipalava no avoxe 'o. Xe no anu xoluxolu so vasimexe la anu loxo xalusousi ia mi vile uasi xo no anu ulenexi la muana'anasi.

2 Kolini 8:2

Xo ane'i mita­vulenu tu'utu'umaxu tatila mo mixolu avo'a muxaxasi. Ia Mosinge mu'avutinoxu osa noxi'a mo avo'a temanu mulolutu so mi'alaunasi'a tavimo'a talopala.

2 Kolini 8:9

Xo ngingi ngelavu mukalu no anu iaiama noxou Tatananenge Iesua Kalaisiti. Anu muxolu no latanu mimi avile ia anu muxali loxo oloxola vitanisi so usu'ulingengi. Mo so no anu vote'i so mu'oloxola axone la anu mumulangenge no anu latanu mimi avile.

1 Tesalonaika 3:4

A telemolu to! Texolu noxinge mala'o la telemolemolu lumamo lexe nenge tatavulenu tu'umaxu aloxo 'o. Laso maixene muxali, a loxo ngelavu.

1 Timoti 1:13

Xo manina, eni tatei la etovonu so amasuanu pita noxou mo exililiou vaikalaou mo epupuiou. E'oxo axone ia eni alavu uasi, alopala noxou uao. Laso anu tanuxo misevile mo ukolinu ilixo noxilo ne avile uasi.

1 Timoti 6:18

Mo napelototosi'a lexe i'oxonu ili'ilixo laixe so isu'uline'i tamenexi'a. Mo voxo­voxo utotomu ipilipilixinu avo'a noxi'a ane'i ane mimi uasi. Mo loxo ivelevelunui'a la itukala uasi, avo'a temanusi so ilosi'a.

Mupala'a 1:9

Ioxe, eni avivinge Tioni a xo nenge nenge'a taxolu noxou Iesua. Taxolu noxou laso nenge so taxolu no voxo loxo Mosinge molu u'uli laxune'i tamitemaou. Laso maixene nenge tatavulenu tu'utu'umaxusou ia taxolu se'isisi so taxomaiou. Xo eni elanu vaikalaou Mosinge mo ea'aloxu Iesua laso ane'i mikusailo xe mipalusilo so axoxolu no anu ailani Patimosi 'o.

Mupala'a 2:13

Eni elavu no anu tuala ane ngaxoxolu no anu lexe xavi noxou Uluaxeli u'okisi. La mala'o se'o tamitema mivau Anitipasi xo mulanu vaikalaxeli mo mulopala­­lelisi. Anu vile noxinge ia ngingi ngapilixinu ualasilo uasi, ngeka­makulunusi. Mo ngaxiunu tuma­lingeou lopala noxinge uasi, ngexolu pumungenge no anu tuala ane Uluaxeli ukasou ne.

Mupala'a 2:2

No anu mi ma'ia nga'oxonu la elavusou mukalu. Elavu lexe nga'oxonu xaixai ialuxu mo ngatulu pakia'inge. Mo opongengi u'oasi'a tamitema tamasua uasi. Xe ane'i mose'i ane mi'oxo lexe ane'i ta'aposeli kalumo la ngetilovosi'a lexe ane'i mikalavoisi ane.

Mupala'a 2:24

Ioxe, eni avikalangengi ngingi ta'ei so pita na Taiataila ane ngamulinu vaikalaie sema ne uasi. Mo ngaxolu va'axu no anu mi e ilemolu lexe, 'vaikala mu'asi'asi mo mutatalume noxou Uluaou'. Ngingi ne, eni vaikala vile tu'umaxu so apilixinu noxinge uasi.

Mupala'a 3:9

Ngalomu. Ane'i e tatemanu pita noxou Uluaou i'oxo lexe ane'i Taiuta. La uasi, ane'i ikalavoi ane. Laso ili'i eni ane'ene'i noxinge so itangatulu no tava'inge mo apela'a lexe eni asexelangenge misevile.

Mupala'a 7:14

La eni ekolinu lexe, “Tatila, nini nelavusi'a ane.” Sila anu muvikala aloxo 'o, “Ane'i tamitema ano'o me'a no anu voxo so ulua. Ane'i mi'uinu lavu­lutii'a no anu sialuxu Sipisipi Ilie laso muxali muvalukeasi.