Mupala'a 2:3 - Ata New Testament

³ La ngata­vulenu tu'umaxusou ualasilo xo tamitema ito'omengexu ia ngatulu pumu­ngenge mo kalakalangenge uasi.

Mupala'a 2:3 ပူးပေါင်းရင်းမြစ်များ

Maki 15:21

Ane'i mino'u milaixu xe mixalisou itema vile ualasou lexe Saimoni. Anu so tuala ne Sailini mo anu a unene'e so u'una no tuala ne Ielusalemo ne. Anu Alekisana ilou Luvusi mami'a. Ane'i mixa­lisou laso ta'ami mipalupa­lusou so utavu­lenu ovu valautusou Iesua.

Luku 14:27

Xe itema ane oponu u'osa uasi so utavulenu ovu valautu noxou so usoli no anu la umomomo so uxali tisaipelixeli uasi.

Luku 18:1

Ioxe mune'e la Iesua mu'oxonu latilovo so upela'a lexe anu laixe so ivikala noxou Mosinge utotomu, itotosa no anu uasi.

Luku 21:19

Laso ngatulu pumungenge mo so ngaxolu ngapamauli ane.”

Luku 5:5

La Saimoni muvikalanu lexe, “Tatilao, olovoxo loloni nexi tekaine'i tasinana ia ativoku vitanisi, taxalisou vile uasisi. Ia loxo nini nalemolu la alomuxenesi so asu'anu uvenila.”

Luku 8:15

Ia tamitema se'i ne opone'i ulapu mo laixe laso uloxu vaikalaou mo ikasou lexe manina. Anu loxo uiti ngiaxu ane mulapau no anu lialia laixe. Ikasou lexe manina laso ane'i ixolu pumuxa'a no anu lopala noxi'a mo uxalixu nene'axu.”

Tioni 15:21

Ia ane'i la ilavusou anu ane mupalusilo ene'e 'o uasi, laso maixene i'oxonu mimi masua noxinge axone xo ngingi ane so ngatatavulenu ualasilo.

Lomu 12:12

Ngaxolu opongengi ulu'e mo ngalopalanu voxo so osa'ila ili'i. Xe loxo tu'umaxu uxali la ngatulu pakia'ingesi. Mo opongengi ututu­lusi so ngavikala noxou Mosinge.

Lomu 16:12

Mo aso noxilo noxi'a Tilivina olie Tilivosa, ane'i tasema so xaixai noxou Tatananenge. Xe noxie Pelisisi ane talelixe misevile. Ane xavineou xaixai noxou Tatana­nenge kalumo.

Lomu 2:7

La tamitema se'i ne, opone'i ututuluou ilixo laixe. Xo ane'i opone'i utatamasou vote'i so xoluxolu laixe no tualasou Mosinge. Xe imasaxau lexe anu uvikalasi'a laixe mo uvikala lexe isolila uasi. Laso tamitema axone la anu ulosi'a mauli kaluxu uasi.

Lomu 8:25

Ia nenge talavu lexe mimi ane taxalisou uao ne, la nenge taxalisou ane. Talavu axone mo ta'osasou laso taxolu se'isisi so taxomaiousi.

1 Kolini 13:7

Mo loxo tu'umaxu uxali la anu uvau oponu tu'umaxu avile uasi. Anu uxolu mo ulopalasi lexe, “Uasi, mi vile uasi. Ili'i la Mosinge uxalixu nene'axu laixe no anu mi ano'o.” Mo so axone la anu utulu pumuxu no anu tu'umaxu anene.

1 Kolini 16:16

Ngalavusou ilixo noxi'a axone laso ngalu'engengi no laxa'a. Xe tamitema ta'ei so xaixai noxou Tatananenge axone la ngalomuxa'asi.

2 Kolini 10:15

Laso nexi ta'alasou lamaki noxixe so ta'itinexi no anu xaixai noxi'a leviani uasi. No anu masaxa noxixe la taxolu u'isalili no anu xaixai e Mosinge mulosixe mo so lopala noxinge uleme. Xe loxo uleme la anu mi nesi upala'anixu temanu xaixai noxixe lexe anu utitilasi.

2 Kolini 11:23

Xe i'oxo lexe ane'i tamitema so xaixai noxou Kalaisiti, ne? O eni so avikala loxo alongulongu avile toe. No anu xaixai noxou Kalaisiti la aua'ulixa'a avile. Xo no anu sasaieli xe no anu lalaxu so ekalavusu la aua'ulixa'a ane'i ne avile. Ane'i taxilili mi'otu'otuleli alaxu mulolutusi mo voxo tavu'alo elai alai no anu soli.

2 Kolini 4:1

Ioxe, Mosinge mu'alaunanexi la mupilixinu xaixai ano'o noxixe laso nexi talavusou tatatosa no anu uasi.

2 Kolini 4:16

Laso maixene nexi tatatosa uasi. Xo no anu xoluxoluxu vasimexe la mupelepelesi ia no anu xoluxoluxu tanexi la uxalixali alavua voxovoxo utotomu.

2 Kolini 5:9

Ia mi vile uasi, xo loxo taxolu no nunisinge olele o taxolu va'axu aloxo 'o la oponenge u'oxoxu masaxa noxou Tatananenge so tamulinusi.

2 Kolini 6:5

Xe ane'i taxilili ilavusou i'otu'otunexi mo ikalavusunexi mo ixalilinexe so iieiesixe. La nexi sasaiexi manina mo tano'u ai uasi mo taxolu tasolinexesi xo no anu xaixai noxixe 'osi.

Xalesia 6:2

Ngingi ngava'isu­ngenge ngato'o no anu tu'utu'u­maxu mo so no anu vote'i anene la ngamomoxu lo noxou Kalaisiti.

Xalesia 6:9

Laso oponenge utotosa so ta'oxonu alauna uasi. Xo loxo kalakalanenge no anu ilixo laixe uasi la nenge taxalisou nene'axu laixe no anu voxosou u'isalili.

Pilipai 2:16

Xe ngatolosou vaikala so mauli noxi'a. Mo so no anu voxo noxou Kalaisiti olele la tava'u osa noxilo a ngingi nesi. Xo upala'a lexe eni esoa mo sasaieli no taingengi, la epuleli uasi.

Pilipai 4:3

La nini ane vaitamixeli manina no anu xaixai, eni alinga noxine so nasu'uline'i tasema tamei no anu tu'umaxu noxi'a ne. Xo ane'i ilou miva'isuleli no anu xaixai so alanu vaikala laixe. Xe Kilemeni oli'a tavaitamixeli mose'i mipita no anu xaixai kalumo. Ane'i ne ualasi'a uxolu ukaukavunu no anu lavuku so mauli.

Kolosi 1:11

Mo talinga kalumo lexe no anu xavi noxou lailaixe muto­xoxa'a la u'oxonu pakia'inge so loxo mi ma'ia uxali la ngatulu pumungenge mo opongengi uai se'isisi no anu. Xe nga'osa'osa so ngavikala laixe noxou Maminge. Xo anu molu muxalixinge laixe umomomo so ngaxalisou lavile­lusou mimiou. Mimiou ne musovosou lexe noxinge tamite­maou mu'isalili ane so taxolu no anu lamanaxusi.

1 Tesalonaika 1:3

Tavivi­kala noxou Mosinge anu Maminge la talemolu osa xo talavusou xoluxolu noxinge aloxo 'o. Ngelopalanu Mosinge laso muxa­lixu ili'ilixo laixe, xe ngasexelangenge ngato'o laso sasaienge no anu xaixai so su'uli xe ngalopalanu ngaxomaiou lailivu noxou Tatananenge Iesua Kalaisiti laso ngaxolu pumu­ngenge.

1 Tesalonaika 2:9

Mo tavivixe, nexi texolu no taingengi so talanu vaikala laixe noxou Mosinge ne la sasaiexi mo ialuxu manina noxixe. Xo texaxai no aso xe olovoxo kalumo mo so talosinge tu'umaxu so ngasaxila'ixe no anu mimi so vasimexe uasi.

1 Tesalonaika 5:12

Laso tavivixe, nexi talinga noxinge lexe opongengi u'osasi'a tamitema ane ixaxai no taingengi ne. Tamitema anene Tatananenge molu musosovosi'a so i'uli laxu­ngengi mo ipelototosinge.

2 Tesalonaika 3:13

Mo tavivixe, mamu so kalaka­langenge no anu ili'ilixo laixe.

2 Tesalonaika 3:5

No anu masaxa noxixe lexe Tatananenge upamuxanu opo­ngengi mo so ngalavu laixe no anu sexela noxou Mosinge mo so ngatulu pumungenge so ngatavu­lenu tu'utu'umaxu a loxo Kalaisiti.

2 Tesalonaika 3:8

Xo texolu no taingengi la taloxu la'ilali no avonge uasi, mi ma'ia teno'u la telotonusi. Laso teta­vulenu tu'umaxu mo sasaiexi so texaxai aso olovoxo. Te'oxo axone mo so navungenge so ngavu'u­linexi uasi.

1 Timoti 4:10

Mosinge anu a uma­mauli xe anu mosou pamauli noxi'a tamitema latala. Ia tamitema ane upamauline'i ne, ane'i ane ilopalanusi. Mo loxo nenge, la tetulusou lopala noxinge noxousi. Tetulusou lopala noxinge noxou laso maixene xavinenge mo sasaie­ngeou xaixai noxou.

1 Timoti 5:17

Mo pelototo vile aloxo 'o. Laixe so tatemanu pita itaxane'i tamitema so saxila'u. Mo ane'i ane ixolu u'isalili no anu xaixai so votovoto mo pelototosi, la isu'uline'i no anu mimi so vasime'a.

Ipilu 10:36

Ngatulu pakia'inge axone mo ngaxolu ngamulinu masaxa noxou Mosinge xo mo ngaxalisou mimi ane muvava­limasou.

Ipilu 12:1

Ioxe, laso ane'i tavu'alo musuku ane mi'uli noxinge ne ixolu la ixixaosinge aloxo sauma utaluta­lupexa no laxalaxa'ilu. Anu loxo nenge talesisi mo ane'i a isu'anu ie'iinge lexe taiave axova. Laso mimi ane u'au'ausinge la tapili­xinusi xe susu ane utotomu uuauoinenge la tamaxalexu. Tata­tosa uasi, taiave xavinu no anu lesisi ane uxolu no talanenge 'o.

Ipilu 13:13

Laso ane, nenge masi loxo talai noale no anu kemu kalumo so tapita no anu maila e mutavulenu ne.

Ipilu 6:10

Xo loxo Mosinge utilovosinge la ukilikalu uasi. Xaixai noxinge mo sexela noxinge nge'oxonu no anu ualasou ne anu tanuvulusiou uasi. Sexela anene a mupala'a no anu su'uli loxo nge'oxonu noxi'a tamitemaou u'isalili. Mo mi ne a nga'oxonusio.

Ipilu 6:12

La ngatotosa uasi. Ngauanexa'a talopala ta'ei ane mixolu pumuxa'a mo mixalisou nene'axu vavalima noxou Mosinge.

Ipilu 6:15

Laso Apala'amu muxolu se'isisi maxuveni xo laso muxalisou nene'axu vavalima ne.

2 Pita 1:6

Xe no anu anene la ngapitapitanu no anu ano'o kalumo. Ngautululunu vasi­menge no anu masamasaxa masua mo ngatavulenu tu'umaxu aneva uxalisinge mo muamua'ingenge aloxo Mosingesi.

Mupala'a 1:9

Ioxe, eni avivinge Tioni a xo nenge nenge'a taxolu noxou Iesua. Taxolu noxou laso nenge so taxolu no voxo loxo Mosinge molu u'uli laxune'i tamitemaou. Laso maixene nenge tatavulenu tu'utu'umaxusou ia taxolu se'isisi so taxomaiou. Xo eni elanu vaikalaou Mosinge mo ea'aloxu Iesua laso ane'i mikusailo xe mipalusilo so axoxolu no anu ailani Patimosi 'o.

Mupala'a 3:10

Ia loxo ngingi la vaikalaxeli muxolu no alaiengi laso tu'utu'u­maxu muxalisinge ia pakia'ingesi. Laso eni a'oxonu latolosinge no anu voxo so tovotovo ane so uxali. Eni apilixinu tu'umaxu no lialia muka­lusi so atovone'i tatemanu, ia ngingi la uxalisinge uasi.