Mupala'a 2:26 - Ata New Testament

²⁶ Ioxe, noxi'a tamitema ane so iua'uli mo imulinu ili'ilixo noxilo ulai umomomo no anu kaluxusou lialia la a'oxo aloxo 'o. Eni alosi'a xavi so i'uli laxune'i tatemanu xale tuatuala mukalusi.

Mupala'a 2:26 ပူးပေါင်းရင်းမြစ်များ

Matiu 10:22

Xe loxo ngingi, la tamitema opone'i umatapiangengi xo ngingi tamitemaxeli. Ia ngingi ngaxolu pakia'inge xo mo uxali no anu voxo kaluxusou xo ngingi ngaxalisou pamauli ane.

Matiu 19:28

La Iesua muvikalane'i lexe, “Eni avikala­ngengi manina aloxo 'o. No voxo loxo mimi uxiu uxali alavuala la Itema ane molu noxou Mosinge utalupexa no anu sia kingi iaxu noxou. Ioxe, laso no voxo anene ngingi ane ngemulileli 'o, ngingi ngatalupexa no anu sia kingi 12 kalumo. Ngatalupexa ne so ngato­ngonu ilixo noxi'a laili 12 noxi'a Ta'isilaeli.

Matiu 24:13

Ia ane'i ane so ixolu pakia'a ulai uxali avile no anu kaluxusou voxo la ixalisou pamauli.

Tioni 6:29

La Iesua mukoline'i lexe, “Xaixai ane Mosinge u'osasou a so ngingi ngalopala noxou itema ane anu mupalusou.”

Lomu 2:7

La tamitema se'i ne, opone'i ututuluou ilixo laixe. Xo ane'i opone'i utatamasou vote'i so xoluxolu laixe no tualasou Mosinge. Xe imasaxau lexe anu uvikalasi'a laixe mo uvikala lexe isolila uasi. Laso tamitema axone la anu ulosi'a mauli kaluxu uasi.

Lomu 8:37

Ia mi vile uasi. Xo Kalaisiti ne anu tanunenge laso mi ma'ia uxali noxinge ne anu usu'ulinenge so taua'ulixusi.

1 Tesalonaika 3:5

Laso epalusou Timoti mune'e noxinge xo exolu exolu xo mole talelilili noxinge. Epalusou so ukiloloinge no anu lopala noxinge lexe axova. Xo e'oxe axova, masi tovotovoto noxou Uluaou mu'oki la xaixai noxixe no taingengi mulapau vitanisi.

Ipilu 3:6

Ia noxou Kalaisiti la anu Mosinge Olu mo loxo Mosinge mutulusou so u'uli laxunu tasou la anu mu'oxonu lailaixe manina. Tasou ma'ia ne? A nenge ta'ei loxo oponenge utulu pakia'u no anu mi e ananenge ulemolu lexe talopa­lanu. Xe mi ane ta'oxo lexe talo­palanu taxomaiou la oponenge pumuxu no anusi.

Tiemisi 2:20

Ia axova nini longulongu to ne, anu upalasi noxine uasi? Lopala kaini ane uxalixu ilixosou laixe uasi ne, anu mi temanu uasisi.

1 Tioni 2:19

Ane'i anene mixolu mipita noxinge kaio mixexesinge mila. Mipita noxinge tei ia ane'i tanoxinge manina uasi xo axone la ane'i ixolu noxinge avile. Ia mila axone so umaxa'u lexe ane'i mukalusi ne tanoxinge to uasi.

1 Tioni 3:23

Xo voto noxou aloxo 'o. Nenge talopala noxou Olu Iesua Kalaisiti mo tasexelanenge ngato'osi no anu vote'i e muvotonengexu.

1 Tioni 5:5

Ani, ena'eisi ane so uua'ulixu xavi no anu lialia? A itema e ulopala manina lexe Iesua anu Mosinge Olusi.

Mupala'a 2:11

Anu ane, loxo itema sangalou la ulomuxu vaika­­laou Ulenu Laixe anu upilixinu noxinge no anu pitapita. Noxi'a tamitema ane so iua'uli, la ixalisou soli tameisou uasi.”

Mupala'a 2:17

Anu ane, loxo itema sangalou la ulomuxu vaika­laou Ulenu Laixe anu upili­xinu noxinge no anu pitapita. Noxi'a tamitema ane so iua'uli la alosi'a la'ilali mana e uxolu utalume. Mo alosi'a lavo'o kea vilevilesi. No anu lavo'o vilevilesi ne akaukavunu ualaua­lasi'a mo ane'i tamosousi ilavusou, se'ila uasi.”

Mupala'a 2:7

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pitapita. Noxi'a tamitema ane so iua'uli, la apilixine'i so i'ani no anu ovu so mauli ane uxolu no xai noxou Mosinge no tualasou.”

Mupala'a 20:4

Xe emaleila la emaisou siasia tavu'alo a loxo sia kingi a muta'olu. La ane'i ane mitalupexa no anu la Mosinge mulosi'a xavi so itilo­vosi'a tamitema no lakoti. Xe tamitema ane taxilili mixotosou xolane'i xo no anu vaikala laixe so Iesua ilou Mosinge vaikalaou, la emaisou ule'ulene'i a uxolu ne. Mo tamitema ane i'itinu mi vova olele ilou mi ane musaxi loxo anu uasi mo ino'u sosovo noxou no alaie'i xe no avo'a uasi la mixolu ne kalumo. Ioxe, ane'i mukalusi ne, mixalisou mauli la mitulu mivei­sa'inu Kalaisiti no anu tanixu kingi mumomomo no anu tau ie 1000.

Mupala'a 21:7

Laso noxi'a tami­tema ane iua'uli la mimixeli mukalusi apilixinu noxi'a xo eni axolu a Mosi'a xe ane'i ixolu ta'alixeli ane.

Mupala'a 22:5

La olovoxola uasi. Mo tava'u so ilexexu lalamo xe tava'u so aso uiieila uasi xo Tatananenge anu Mosinge molu uxolu so ulosi'a lamanaxu. Ixolu axone no anu tanixu kingi ulai ulai xo mole kaluxu uasisi.

Mupala'a 3:12

Noxi'a tamitema ane iua'uli la atulusi'a pumuxa'a a loxo posipo­sixu tasou Mosinge. Mo ixolu se'isisi no anu avile, ixexela uasi. Xe kalumo la akaukavunu ualasou Mosinge noxi'a. Mo akaukavunu ualasou taoni noxou Mosinge. Taoni ne Ielusalemo alavua molu noxou Mosinge no tualasou teitexi ulu'e. Mo akaukavunu ualasilo alavua noxi'a kalumo.

Mupala'a 3:21

Noxi'a tamitema ane iua'uli la alaixi'a so noxi'a tatalupexa no sia kingi noxilo. Iou vilesisi aloxo eni eua'uli mo a noxou Mamilo tatalupexa no anu sia kingi noxou.

Mupala'a 3:5

Ane'i tamitema so iua'uli ne eni asu'asi'a no anu lavuluti kea ne. Mo umomomo uasi manina so axexenu ualasi'a no anu lavuku so mauli. Axexenu uasi, alemolu no laxunu Mamilo xe no laxune'i ta'angelou.