Mupala'a 2:2 - Ata New Testament

² No anu mi ma'ia nga'oxonu la elavusou mukalu. Elavu lexe nga'oxonu xaixai ialuxu mo ngatulu pakia'inge. Mo opongengi u'oasi'a tamitema tamasua uasi. Xe ane'i mose'i ane mi'oxo lexe ane'i ta'aposeli kalumo la ngetilovosi'a lexe ane'i mikalavoisi ane.

Mupala'a 2:2 ပူးပေါင်းရင်းမြစ်များ

Matiu 7:23

Ia no voxo anenesi eni avikalane'i lamana lexe, 'Eni alavusinge sevile uasisi. Ngingi tamitema so ilixo ane muxolaxola'u losi. Ngalai va'axu noxilo.'”

Tioni 6:6

Anu mutali'isou axone so lexe Pilipi ukolinu axova. Xo anu Iesua mulavusou lumamo lexe u'oxonu mi ma'i.

Xalesia 1:7

Xo se'i no taingengi itovonu so ixovulaulaunixinge mo ixiuxiunu vaikala laixe so Kalaisiti. Ia vaikala laixe uxiuxiu uasi, anu uxolu axonesi.

Epesusi 4:14

Xo tamolomolo ilavu­sou ilomuxa'a tamitema vitanisi. Ia nenge ta'oxo axone uasi, tatilovo laixe. Xo tamitema se'i masi ilalaxinu xavutalai'a so ixilisinenge mo i'oxo lolonenge. Laso loxo talomuxa'a vitanisi, la taxali loxo uaxa ane xasi ilou sivo upamupamuxanu vuluvulusi.

1 Tesalonaika 1:3

Tavivi­kala noxou Mosinge anu Maminge la talemolu osa xo talavusou xoluxolu noxinge aloxo 'o. Ngelopalanu Mosinge laso muxa­lixu ili'ilixo laixe, xe ngasexelangenge ngato'o laso sasaienge no anu xaixai so su'uli xe ngalopalanu ngaxomaiou lailivu noxou Tatananenge Iesua Kalaisiti laso ngaxolu pumu­ngenge.

1 Tesalonaika 5:21

Ia mimi mukalusi la ngatilo­vosou mo ngakamakulunu aneva laixesi.

2 Timoti 2:19

Ia Mosinge mutulusou tava'u pita noxou mo anu a ututulu pumuxusi. No anu tava'u ne mukaukavunu vaikala aloxo 'o, “Tatananenge mulavu lexe tami­tema ta'ei ane tanoxou mu'isa­lilisi.” Mo aloxo 'ola, “Tamitema ta'ei mukalusi itavulenu ualasou Tatananenge la ikalipalane'i no anu ilixo masumasua.”

Ipilu 6:10

Xo loxo Mosinge utilovosinge la ukilikalu uasi. Xaixai noxinge mo sexela noxinge nge'oxonu no anu ualasou ne anu tanuvulusiou uasi. Sexela anene a mupala'a no anu su'uli loxo nge'oxonu noxi'a tamitemaou u'isalili. Mo mi ne a nga'oxonusio.

1 Tioni 4:1

Tamaula, tamitema masi ine'e mo ivikala lexe, “Eni eno'u vaikala ano'o noxou Ulenu a.” Ia ngalopala noxi'a avile uasi, ngatilovosou vaikalai'a lexe molu noxou Ulenu Mosinge o uasi. Xo tamitema so pela'a kalavoi to a ixixaoxao no xale tuatuala mukalusi.

Mupala'a 2:5

Xo ngaxa­vutalanu vote'i laixe ngemulinu tei a ngapolo no anula uasi. Laso ngaxiunu opongengi mo nga'isa­lilinoxu no anu ilixo laixe noxinge tei. Ia loxo nga'oxonu axone uasi la eni ane'e noxinge so axexenu lalamo noxinge no anu tanixu ne.

Mupala'a 2:6

Ia mi ane noxinge a'osasingexu ane ngamatapianu ili'ilixo noxi'a Tanikolasi. Xo eni kalumo amatapianu ilixo noxi'a.

Mupala'a 2:9

Eni elavu no anu tu'utu'umaxu ngatata­vulenu mo ngingi nga'oloxola no anu mimi so vasimenge. Ia ngepa­lava no anu mimi so ulengengi. Mo elavusou vaikalai'a tamitema ane ipupuienge. Ane'i ikalavoi lexe ane'i Taiuta, ia uasi, ane'i tatemanu pita noxou Uluaou ane.

Mupala'a 3:1

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Salitisi. Eni ane Mosinge Ulenu noxou 7 a uxolu noxilo mo atete­lisou tataoto 7. Akalanu vaikala ano'o ulai noxinge. Eni elavu no anu ili'ilixo ngalavusou nga'oxonu. Tamitema ilavusou ivikalasinge lexe pita noxinge ne Salitisi ne mauli no anu. Ia uasi, elavusinge lexe soli mukasingesi.

Mupala'a 3:15

Eni elavusou ili'ilixo noxinge. Ngingi ngaxili­liou vaikalaxeli avile uasi ia opongengi u'osasou uasi kalumo. Eni amasaxau ngaxolu nonixi axone uasi.

Mupala'a 3:8

Eni alavu no anu ili'ilixo ngalavusou nga'oxonu. Ngamaisou, eni ekisinu aitenga no laxungengi mukalu mo evile umomomo so utatusou uasi ane. Eni alavu lexe xavi sevile a uxoxolu noxingesio laso maixene ngemulinu vaikala­xeli mo ngaxiunu tumalingeou ualasilo uasi.