Mupala'a 2:14 - Ata New Testament

¹⁴ Ia mimi se'i a'osasingexu uasi aloxo 'o. No taingengi ne tami­tema se'i imulinu ili'ilixou Valamu. Xo tatei la anu mupa­muxanu Valaki so mu'unanu tanu noxi'a Ta'isilaeli la mi'ou misoposi ane tamitema milo­­sou mosi'a kalavoi mo milailai noxi'a tasema vitanisi.

Mupala'a 2:14 ပူးပေါင်းရင်းမြစ်များ

Matiu 18:7

Anu masua manina noxi'a laili so lialia 'o xo ane'i ixalixu mimi ane so u'oxone'i tamenexi'a itulaki ka ilapau no anu susu. Laso noxinge, la anu manina lexe mimi uxali so ngatulatulaki no anu. Ia masua noxou itema aneva uxalixu tulaki mo upalusi'a tamenexu no anu susu axone.

Ta'aposeli 15:29

Vile lexe laixe so nga'ou misoposi ane tamitema milaixu no anu mosi'a kalavoi uasi. Xe vile lexe nga'ou sialuxa'a tamisoposi uasi. Xe vile lexe nga'ou misoposi ane mikapilaxa'a uasi. Xe ngalailai noxi'a tasema vitanisi uasi. Aso noxinge. Vaikala noxixe se anesi mo mukalu.”

Ta'aposeli 21:25

Xe loxo tamitema noale'ale ane milopala noxou Iesua, la nexi tekalanu lapasi mulai noxi'a mukalu. No anu lapasi ne tepelototosi'a mimi aloxo 'o. Vile lexe ane'i i'ou misoposi ane tamitema milaixu no anu momosi'a kalavoi uasi. Xe vile lexe i'ou misoposi ane sialuxu uxolusio uasi. Xe vile lexe i'ou misoposi ane mikapilaxu uasi. Xe kaluxusou lexe ilailai noxi'a tasema vitanisi uasi.”

Lomu 11:9

Xe Teviti mu'oxonu latilovo so ululusou mi ne kalumo aloxo 'o, “Ane'i opone'i ututulu no anu la'ilali tatila. I'oxonu laso ikalavoi lexe xoluxoluxa'a laixesi. Ia uasi, mi anenesi ne uoixa'a ane. Ane'i itulaki mo ilapau no taele la ixalisou nene'axu ilixo noxi'a.

Lomu 14:13

Laso avikala lamana aloxo 'o. Nenge tapilixinu ilixo so tatilo­vosinge ngato'o. Nenge tamulinu xavutala ane vile aloxo 'o. Nenge ta'oxonu mi vile so tavivinge itulaki no anu uasi. Latilovo ne laxu aloxo 'o. Loxo ane'i i'oxo lexe mi vile masua, la nenge ta'oxonu no ie'i uasi. Xo nenge masi tasoune'i so i'una no anu mi e ilemolu lexe masua ne.

Lomu 14:21

Loxo nga'ou misoposi o ngaie uaini xe loxo u'oxone'i tavivinge itulaki, la laixe loxo nga'oxonu uasi.

Lomu 9:32

Mipune'isi xo aloxo 'o. Ane'i ilai no anu vote'i so lopala uasi, mixolusi xo loxo mitulaki no lavo'o vile. Lavo'o ne anu latilovosou Iesua. Ane'i ilopala noxou uasi laso mixolu xo mi'oso no anu xaixai noxi'asi.

1 Kolini 1:23

Ia nexi talanu vaikala so Kalaisiti musoli no ovu valautusi. Vaikala anene mi so Taiuta loxo itulaki no anu xe Takiliki i'oxo lexe vaikala xovulaulau ane.

1 Kolini 7:2

Ia ilixo nuni'u u'oki ne, laso laixe loxo tamitema itautaula'i. Laso axone la tamulu i'a tasema vilevilesi xe tasema i'a tamulu vilevilesi.

Ipilu 13:4

Xe no anu ngiou no anu taula'i la ngataxanu laixe mo ngailanu mi nuni'u no anu uasisi. Xo tamitema so ilixo nuni'u mo ane'i ane so ixola'u taula'i la Mosinge utilo­vosi'a mo ukoline'i.

1 Pita 2:8

Xe muvikalasou aloxo 'ola, “Anu loxo lavo'o e mitulatulaki no anu mole opone'i tu'umaxuou manina.” Ani, ane'i itulatulaki noxou xo ilomuxu vaikalaou to uasi. Laso maixene ixalisou mamulo e Mosinge mule­molu si'axu lumamo.

2 Pita 2:15

Xo ane'i mipolopepenu vote'i manina mo mipolo va'axu mole misusususi. Ane'i mimulinu vote'i noxou Vala­mu e Veoli olu xo anu mu'oxonu ilixo masua so uxalisou lapesou no anu lamoli e oponu mututuluou.

Iuti 1:11

Anu uxali masua manina noxi'a. Xo mipolo no anu vote'i e noxou Kaini. Xe xavutali'a no anu lapesi laso mivaxasi mipita no anu susu noxou Valamu. Xe mi'oxo pai noxou Mosinge aloxo Kola mu'oxonu laso ixalisou mamulo­sou iou vilesisi loxo anusi.

Mupala'a 2:20

Ia mi vile a'osasingexu uasi aloxo 'o. Sema e Ieseveli ixolu no taingengi mo ikalavoi lexe ane sema so pela'a. Ane i'unanu tane noxi'a tamitema so xaixai noxilo mo ilapune'i no anu susu so ilailai noxi'a tasema vitanisi mo i'ou misoposi ane tamitema milosi'a momosi'a kalavoi. I'oxo axone ia iengi si'isou ilixo noxie mo nga'apixe no anu to uasi.

Mupala'a 2:4

Ia mi vile a'osasingexu uasi aloxo 'o. Tei loxo ngelopala la ngesexelaxo misevile, ia vaimomo 'o malaxo uasi.

Mupala'a 21:8

Ia noxi'a ane'i ane i'umolu vaikala manina mo ilopala uasi xe noxi'a ane'i ane i'oxonu mimi ane masua no iou Mosinge xe ive'ave'a tamitema isoisoli xe ilai no anu ilixo nuni'u olele xe i'oxonu ta'uluxu masua xe i'itinu momosi'a kalavoi xe i'oxo loloxa'a tamitema, ane'i mukalusi ilai no anu tualasi'a mulovosi. Xo ane'i ne ixalisou soli tameisou no anu taxa toxoxu e navu ilou lavo'o axexaxu u'ani'ani no anu.”

Mupala'a 22:15

Ia noxi'a ane'i ane ilixone'i loxo ta'a'a xe ane'i so ta'uluxu masua xe ane'i so ilixo nuni'u olele xe ane'i ane ive'a tamitema isoisoli xe ane'i ane i'itinu momosi'a kalavoi xe ane'i ane utotomu ikalakalavoisi, tamitema axone imomomo so i'unalai no taoni uasi manina, ixolu noalesi.