Mupala'a 2:12 - Ata New Testament

¹² La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Pelexamumi. Eni ane laviso anaxu xalevile tamei ula no anaxo 'o. Akalanu vaikala ano'o ulai noxinge.

Mupala'a 2:12 ပူးပေါင်းရင်းမြစ်များ

Ipilu 4:12

Ioxe, vaikalaou Mosinge anu umamauli xe anu xavinu musuku. La anaxu e anaxu misevile uua'u­lixu laviso so oto e anaxu tamei. Xe loxo uto'omenge la u'unalai avile no anu uxalixu kalipalasou tanenge xe ulenenge. Anu utilo­vosou xavutala mo masaxa no oponenge mukalusi, mi vile utalume uasisi. Anu loxo ukalika­lipalanu xinenge vo'uvo'uxu mo u'unalai no anu xinenge temanu avile.

Mupala'a 1:11

La muvika­laleli aloxo 'o, “Mimi ane so nasaxisou la nakaukavunu no lavuku vile ka nakalanu ulai no anu pita 7 no tuatuala ano'o. Ne Epesusi xe ne Semelena xe ne Pelexamumi xe ne Taiataila xe ne Salitisi xe ne Vilatelevia xe ne Laotisea.”

Mupala'a 1:16

La no avolu tema anu mutete­lisou tataoto 7. Xe laviso mula muxolu no anaxu. Laviso ne anaxu xalevile tatamei. La alaiou lama­naxu loxo aso uiei e u'oki manina.

Mupala'a 19:15

Xe noxou anu ane mu'uli laxune'i la laviso so oto anaxu misevile muxolu mula no anaxu. Laviso ne so uu'aulixa'a tatemanu tuatuala mukalusi no anu. Uua'ulixa'a ukalu la anu u'uli laxune'i mo a utetelisou aini so umaxa'u lexe evile umomomo so uxililioula uasi. Mo anu umalo­maloxo'a tauluaou a loxo tamitema imalomaloxo'u uaini ngiaxu no anu tanixu. Ia loxo anu, la umalo­maloxo'a no anu la'ia toxoxu noxou Mosinge e U'uli'uli.

Mupala'a 19:21

Xe ane'i ta'amii'a loxo mixolusio la anu ane mutalupexa no anu osi muve'ave'a no anu laviso so oto ane muxolu mula no anaxu. Muve'ave'a misoisoli la tangiangiala mine'e mikalusou masaxa na'a no anu vasime'a ne.

Mupala'a 2:1

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Epesusi. Eni ane atetelisou tataoto 7 no avolo tema, mo axixao no tainu lalamo koli 7. Akalanu vaikala ano'o ulai noxinge.

Mupala'a 2:16

Laso ngingi ngaxiunu opo­ngengi mo nga'isalilinoxu no anu vaika­laxeli. Xo loxo uasi la eni ane'e a'oto noxinge no anu laviso no anaxo 'o.