Mupala'a 2:10 - Ata New Testament

¹⁰ Xe ngingi la maxuveni uasi la ngata­­vulenu navunavu ia opongengi kalaua uasi. Xo ngalomu, Uluaou upamuxane'i tamitema so ikalavu­sungengi ngingi mose'i. Utovo­ngengi mo ngatavulenu tu'umaxu ulai ulai umomomo no anu voxo 10. Ia ngatetelisou lopala noxinge pumuxu umomomo no anu soli, xo ili'i la eni alosinge mauli so palaisi na'a ngingi.

Mupala'a 2:10 ပူးပေါင်းရင်းမြစ်များ

Matiu 10:22

Xe loxo ngingi, la tamitema opone'i umatapiangengi xo ngingi tamitemaxeli. Ia ngingi ngaxolu pakia'inge xo mo uxali no anu voxo kaluxusou xo ngingi ngaxalisou pamauli ane.

Matiu 10:28

Tami­tema ane so ivau vasimenge usoli ia imomomo so imamulonu ulenge­ngi uasi ne, mamu so nga'u­me'a. Ia anu ane so ngamama'u noxou a anu ane xaviou so umamulonu ulengenge ilou vasimenge no navu so mamulo.

Matiu 24:13

Ia ane'i ane so ixolu pakia'a ulai uxali avile no anu kaluxusou voxo la ixalisou pamauli.

Maki 13:13

Xe loxo ngingi, la tamitema opone'i umatapiangengi xo ngingi tamitemaxeli. Ia ngingi ngaxolu pakia'inge xo mo uxali no anu voxo kaluxusou xo ngingi ngaxalisou pamauli ane.

Maki 8:35

Xo aloxo 'o. Loxo itema vile u'apisou maulixu lexe noxoumo, la maulixu usu'a vitanisi ane. Xe loxo itema vile upilixinu maulixu so ua'aloxo mo uxalixu ualasilo utila, la anu maulixu uxalixu nene'axu laixe.

Luku 21:12

Ia tei no anu mimi anene la i'oxongengi aloxo 'o. Ane'i iteteli­singe mo ilosinge tu'umaxu. Xe ikotingenge no anu tatasou lavu­loto ka ipilixingengi no lakalavusu. Mo tava'u xo ngingi ngatavulenu ualasilo laso itulusinge no laxune'i taxamani xe takingi.

Tioni 12:25

Loxo itema ena'ei u'osasou mauli noxou so utetelisousi, la maulixu ne usu'a vitanisi. Ia loxo itema ena'ei umatapianu mauli noxou so lialia 'o, la anu utetelisou ulai xo mole kaluxusou uasisi.

Tioni 13:2

No anu olovoxoe la Iesua oli'a tatisaipeli mixolu so i'ani. La no voxo ne Uluaou mu'unanu xavutalaou noxou Iutasi tanu mukalu so lexe upilixinu Iesua no avo'a tauluaou. Iutasi ne anu Saimoni Isikalioti olu.

Tioni 13:27

Ioxe, Iutasi muno'u pileti mato­vinu ne mukalui, sila Uluaou mu'unanu tanu noxou so upamu­xanu. Laso Iesua muvikalanu Iutasi lexe, “Mi ane so na'oxonu, la napaleanusi.”

Ta'aposeli 20:24

Ia eni opoleli lexe maulixo anu utiatila uasi, xo loxo tamitema ivelo la anu mi vitanisi. Eni a'oxonu latilovo aloxo 'o. Eni loxo alesisi, mo opoleli ututulu lexe axali avile no anu lamakisi. Lesisi ne, anu latilovosou xaixai noxou Mosinge. Mo eni opoleli ututulu lexe asivitanoxu xaixai ane Tatana­nenge mupilixinu noxilo e so alanu vaikala laixe so iaiama noxou Mosinge.

Ta'aposeli 21:13

Ia anu muvikala lexe, “Loxova so ngatatama mo nga'oxonu opoleli tu'umaxu aloxo 'o? Anu mi vile uasi loxo ane'i isakileli. Mo loxo asoli ne Ielusalemo xe soli noxilo u'itinu ualasou Iesua la anu mi vile uasi. Axone la eni a'osasi, opoleli mulalaxisi.”

1 Kolini 9:25

Xe noxi'a tamitema so isipoti la opone'i ututulu so iuinisi laso i'oxonu mi vile no anu vasime'a vuluvulusi uasi. No anu xoluxolu noxi'a la i'isalilinoxu masaxa mukalusi no anu mi vilesisi e so ino'u palaisi olele. Ia anu palaisi ne uai ka u'uisi. Ia loxo palaisi ane so nenge tano'u la u'ui uasi, uxolu avilesi.

Epesusi 2:2

Mo no voxo anene la opongengi mututuluou ili'ilixo masumasua so lialia 'osi. La ngemulinu masaxa noxou tatila noxi'a tami so xavi masua ane ixixao teitexi no latanu lialia. Tatila noxi'a ne, anu angelo masua ane uxaxai no opone'i tamitema so xilili.

Epesusi 6:12

Xo oto ano'o no anu vasimenge so taoto noxi'a tamitema uasi. Nenge taoto noxi'a tatiatila noxi'a ta'angelo tamasua mo ane'i ane xavine'i musuku. Ane'i tami masua ne ixolu teitexi mo ipamuxane'i tamitema no anu xoluxolu so isi'isivoxo vaimomo 'o.

Tiemisi 1:12

Laso anu laixe noxou itema ane utulu pumuxu no anu tu'umaxu loxo utovonu lopala noxou. Xo uxolu uua'uli no anu xo xe ukalu la Mosinge ulosou palaisisou. Palaisi ne anu mi so mauli kaluxu uasi ane muvavalimasou noxi'a ane'i ane isexelaxu.

1 Pita 5:4

Loxo ngaxaxai axone la no voxo so Kisi'a tamitema so isaxila'a tasipisipi upala'a, la ngingi ngano'u palaisi ane lailaixe u'uli'uli mo umomomo so tasiauxu uasi.

1 Pita 5:8

Ngingi ngaxolu xavutalamengi lamanasi mo ngalo laixe. Xo Uluaou Mosinge anu uluamengi kalumo, la anu loxo misoposi vova e laioni. Talaioni ixixao i'unga'unga so ikakamuline'i tami ma'ia so ii'a, la Uluaou anu axonesi xo uxixao ukakamuline'i tamitema so uma­mulone'i.

Mupala'a 13:14

Mosinge mu'italonu so u'oxonu sosovo so xavi axone no iou mi vova ane tei. Mo so axone la anu u'oxonu loloxa'a tatemanu lialia la mupalupalusi'a aloxo 'o. Mupalu­si'a lexe ane'i i'oxonu mi vile ane usaxi loxo mi vova ane tei so i'itinu ualasou. Mi vova e mito'omolu no anu laviso so oto ia mumauli mo tanixu muvesasi.

Mupala'a 13:2

Mi vova emaisou ne musaxi loxo salimile toxoxu ane ilemolu lexe lepati. Xe tava'u aloxo misoposi vea mo anaxu a loxo laioni 'o. La mi loxo sineke tatila muvulanu xaviou mulai noxou mo so mi vova ne uxali kingi mo xavinu loxo anu.

Mupala'a 13:7

Xe Mosinge mu'italonu kalumo so u'otoxa'a tamitemaou Mosinge mu'isalili no lialia la muua'ulixa'a. La anu muno'u xavi so mu'uli laxune'i lailaili mukalusi xe vasime'a iouiou xe vaikalai'a vilevilesi xe tatemanu tuatuala mukalusi.

Mupala'a 17:14

La ane'i i'otoxu Sipisipi Ilie. I'otoxu ia anu oli'a tamitemaou ane mu'avali'a xe musosovosi'a xe milopalanu ne, iua'ulixa'a. Iua'ulixa'a tauluaou Sipisipi Ilie xo anu Tila manina noxi'a tatiatila xe anu Kingi manina noxi'a takingi.”

Mupala'a 2:13

Eni elavu no anu tuala ane ngaxoxolu no anu lexe xavi noxou Uluaxeli u'okisi. La mala'o se'o tamitema mivau Anitipasi xo mulanu vaikalaxeli mo mulopala­­lelisi. Anu vile noxinge ia ngingi ngapilixinu ualasilo uasi, ngeka­makulunusi. Mo ngaxiunu tuma­lingeou lopala noxinge uasi, ngexolu pumungenge no anu tuala ane Uluaxeli ukasou ne.

Mupala'a 2:9

Eni elavu no anu tu'utu'umaxu ngatata­vulenu mo ngingi nga'oloxola no anu mimi so vasimenge. Ia ngepa­lava no anu mimi so ulengengi. Mo elavusou vaikalai'a tamitema ane ipupuienge. Ane'i ikalavoi lexe ane'i Taiuta, ia uasi, ane'i tatemanu pita noxou Uluaou ane.