Mupala'a 19:20 - Ata New Testament

²⁰ Mixolu so i'otoxa'a ia anu oli'a ta'amiou mikasi'a mi vova ilou polopeti kalavoi. Polopeti kalavoi ne anu mosou e mu'oxonu sosovo so xavi no iou mi vova olele. Laso no anu vote'i anene la mu'oxo loloxa'a tamitema so mino'u sosovo noxou mi vova mo mi'itinu mi e musaxi loxo anu. Mikasi'a ilou xe imamaulisio ia misu'ane'i milu'elai no anu taxa e navu ilou lavo'o axexaxu u'ani'ani no anu.

Mupala'a 19:20 ပူးပေါင်းရင်းမြစ်များ

Matiu 7:15

La Iesua musolonu aloxo 'ola, “Ngingi ngalaxa'i laixe noxi'a tapolopeti kalavoi. Xo ane'i ilavusou ilemolu vaikala laixe so ixilisingengisi mo so ngakalavoi lexe ane'i tami talaixe loxo tasipisipi 'o. Ia uasi, a so i'oxo lolongengesi ane, xo loxo manina la imolo mamulosinge a loxo ta'a'a tavovasi.

Mupala'a 14:10

Anu loxo iie no anu uaini iou vilemo. Anene, la'ia noxou Mosinge. Loxo iie no anu la'ia noxou Mosinge axone la u'oki e u'okisi. Xo ixolu no iou Sipisipi Ilie oli'a ta'angelo talaixe so navu ilou lavo'o axexaxu uto'ito'isi'a.

Mupala'a 17:12

Xe no anu komonu 10 e nemaisou la usosovosi'a takingi 10. Ane'i 10 ne itulu uao ia ili'i ino'u xavi noxou mi vova ne so itulu takingi. Itulu takingi ia itulu maxuveni uasi, aso iou soxu vilesisi.

Mupala'a 19:19

Mukalu la emaisi'a tami vova olele xe takingi so lialia oli'a ta'amii'a a mixolu mipita so i'oto­xa'a anu ane mutalupexa no anu osi xe ta'amiou.

Mupala'a 20:10

Ioxe, Uluaou u'oxo loloxa'a tamitema axone laso Mosinge usu'anu no anu taxa toxoxu ane navu ilou lavo'o axexaxu u'ani'ani no anu. Taxa e mi vova ilou polopeti kalavoi a ixolu no anu kalumo. La ane'i tatalu ne itavulenu navunavu no aso xe olovoxo ulai ulai xo mole kalu­xusou uasisi.

Mupala'a 21:8

Ia noxi'a ane'i ane i'umolu vaikala manina mo ilopala uasi xe noxi'a ane'i ane i'oxonu mimi ane masua no iou Mosinge xe ive'ave'a tamitema isoisoli xe ilai no anu ilixo nuni'u olele xe i'oxonu ta'uluxu masua xe i'itinu momosi'a kalavoi xe i'oxo loloxa'a tamitema, ane'i mukalusi ilai no anu tualasi'a mulovosi. Xo ane'i ne ixalisou soli tameisou no anu taxa toxoxu e navu ilou lavo'o axexaxu u'ani'ani no anu.”

Mupala'a 22:15

Ia noxi'a ane'i ane ilixone'i loxo ta'a'a xe ane'i so ta'uluxu masua xe ane'i so ilixo nuni'u olele xe ane'i ane ive'a tamitema isoisoli xe ane'i ane i'itinu momosi'a kalavoi xe ane'i ane utotomu ikalakalavoisi, tamitema axone imomomo so i'unalai no taoni uasi manina, ixolu noalesi.

Mupala'a 9:17

Xe no anu aisaxi ne la emaisi'a ta'osi xe ane'i ane mitalupexa noxi'a aloxo 'o. Ane'i mivaxanu lasioti aini kalasou lauoinu xe ela'ela xe ponu. Xe kisi'a ta'osi a loxo kisi'a talaioni. Xe no anaxa'a navu xe umuxu xe lavo'o axexaxu mulala.