Mupala'a 19:12 - Ata New Testament

¹² La iou kaxu a loxo navu 'o. Xe no kisou la ati'ati tavu'alo a loxo ati noxi'a takingi. Xe no vasimolu la uala a muxolu no anu. Uala ne anu anusisi mulavusou, evilela uasi.

Mupala'a 19:12 ပူးပေါင်းရင်းမြစ်များ

Matiu 11:27

La Iesua muvikala aloxo 'ola, “Mamilo mupilixinu mimi mukalusi no avolo 'o. La itema vile ulavusou Olu uasi, Momusi ulavusou. Xe itema molu ulavusou Momu uasi, Olusi xe ane'i ta'ei upela'axu Momu no anu masaxa noxou, la ilavu­sousi.

Matiu 21:5

“Ngavikalane'i tatemanu tuala Saioni lexe, 'Ngamalei kingimengi a une'e 'oe. Anu ulu'enu xo une'e no anu tonikisi. Utalupexa no anu toniki maulu sika une'esi.'”

Matiu 28:18

Xe Iesua mune'e alai noxi'a la muvikalane'i lexe, “Mosinge mulosilo xavi so a'uli laxunu mimi mukalusi no lialia xe no tualasou.

Luku 10:22

La Iesua muvikala aloxo 'ola, “Mamilo mupilixinu mimi muka­lusi no avolo 'o. La itema vile ulavusou Olu uasi, Momusi ulavusou. Xe itema molu ulavusou Momu uasi, Olusi xe ane'i ta'ei upela'axu Momu la ilavusousi.”

Tioni 17:11

Eni a so ane'e noxine mo axolu no lialia 'ola uasi. Io ane'i tamitemaxeli 'o la ixolu no lialiasio. Laso Papa, nini ane xoluxoluxene mukalipala xo malemalengamo, nalaxa'ine'i no anu xavinu ualasinesi. Anu uala e nepilixinu lexe ualasilo 'o. Nalaxa'ine'i mo so ane'i ixolu vilesisi aloxo nenge nengei vilesisi.

Tioni 17:12

Xo loxo exolu noxi'a 'o la elaxa'ine'i no anu xavinu ualasine e nepilixinu lexe ualasilo 'o. Eni e'oxo latolosi'a la vile noxi'a umamulo uasi, ia vilesisi e so mamulosi xo no anu ane la vaikala e uxolu no lavukumeni uxalixu nene'axu.

Epesusi 1:21

Laso Kalaisiti a uxoxolu u'uli'uli noxi'a ta'angelo xe tami so xavi iouiou xe tamitema tatiatila xe ane'i ane ualaualasi'a tatila. Ia mi ne so vaimomo 'osi uasi, Kalaisiti u'uli'uli avile ili'i kalumo.

Ipilu 2:9

Ia mi vile uasi, xo nenge tasaxi noxou Iesuasi. Xo anu mulu'enu so muxolu no laxa'a ta'angelo, ia voxo ataxusi. Mulu'enu ne so utavulenu navunavu mumomomo avile no anu soli. La anene vote'isou iaiama noxou Mosinge xo Iesua muno'u tanixa'a tamitema mukalusi so u'unalai no anu soli axone. Laso maixene Mosinge mu'itinu mo mulosou uala tatila mo tanixu e mu'uli'uli avile.

Mupala'a 1:14

La laxusou muvalukeasi a loxo sipisipi laxusou mo loxo saumaxu tavaukela. Xe iou kaxu a loxo navu 'o.

Mupala'a 12:3

Ioxe, mi vile iou vilemo manina mupa no loxotolola. Mi ne, a loxo sineke toxoxu lauoinu. La kisou seveni xe komonu 10. La ati loxo noxi'a takingi mumomoxu kisokisou 7 ne.

Mupala'a 13:1

Ioxe, emalei la emaisou mi vova vile mupa no luaki. Anu kisou 7 xe komonu 10. La ati aini loxo noxi'a takingi 10 mumomoxu komokonu. Xe no kisokisou la ualauala. Ualauala ne so anu ulu'enu Mosinge ualasou mo uxililiou no anu.

Mupala'a 19:16

La no lavulutiou veveni xe no poxo'u la ualasou muxolu lexe, Kingi manina noxi'a takingi xe Tila manina noxi'a tatiatila.

Mupala'a 3:12

Noxi'a tamitema ane iua'uli la atulusi'a pumuxa'a a loxo posipo­sixu tasou Mosinge. Mo ixolu se'isisi no anu avile, ixexela uasi. Xe kalumo la akaukavunu ualasou Mosinge noxi'a. Mo akaukavunu ualasou taoni noxou Mosinge. Taoni ne Ielusalemo alavua molu noxou Mosinge no tualasou teitexi ulu'e. Mo akaukavunu ualasilo alavua noxi'a kalumo.

Mupala'a 6:2

Xe emalei loxo 'o sila emaisou osi kea vile la evile mutalupexa no anu. Mutalupexa la mutetelisou pasiko mo milosou ati iou vile ane so umaxa'u lexe anu mosou oto. La anu mulutu so uua'uli no anu oto'oto.