Mupala'a 19:10 - Ata New Testament

¹⁰ Muvikalaleli mukalu sila eni elalusi no tava'u so atangatuluou. Ia anu muvikala lexe, “Ai, na'oxo axone mamu. Eni kalumo amitema so xaixai aloxo ngingi ngoli'a tavivine ane ngekamakulunu vaikala laixe so Iesua. Na'itileli uasi, na'itinu Mosingesi. Xo loxo telavu, vaikala laixe so Iesua ne anu u'avutinoxu ulene'i tamitema so ilanu vaikala so pela'a.”

Mupala'a 19:10 ပူးပေါင်းရင်းမြစ်များ

Matiu 4:10

La Iesua mukolinu lexe, “Uluaou, Nalai! Xo Mosinge vaikalaou lexe, 'Naitinu Mosinge anu Tatananeni ualasousi, mo nalomuxu anusisi.'”

Maki 5:22

La tatila vile so tasou lavuloto no tuala ne ualasou lexe Tiailusi mune'e. Mune'e xe mumaisou Iesua la mulalusi no tava'u.

Maki 7:25

La sema vile milomu lexe anu a uxolu ne. Sema ne angelo masua vile mukasie ilie. Laso milomu lexe Iesua a uxolu ne la alaxu vilesisi milai mixali noxou mo milalusi no tava'u.

Luku 1:19

La angelo mukolinu lexe, “Eni Xevilieli a. Eni ane alavusou atulu no laxunu Mosinge. Anu molu mupalusilo ene'e epala'anixu vaikala laixe ano'o noxine a.

Luku 24:44

Mukalu la anu muvikalane'i lexe, “Mala'o loxo nenge'a texolusio la epela'inge lexe vaikalasilo e mukaukavu muai no anu lavuku so lo noxou Mosisi xe tapolopeti xe no anu Lexelexe la uxalixu nene'axu ane.”

Tioni 5:39

Ngingi ngalavusou ngaititi so ngakakamuli nonano no anu lavukuou Mosinge xo nge'oxo lexe anene so ngaxalisou mauli kaluxu uasi no anu. La lavukuou nesi so upala'anixilo 'o,

Ta'aposeli 10:43

Xe tapolopeti mukalusi ipela'ingexu lexe ta'ei ane ilopala noxou la Mosinge ukalusou tina'uxa'a so susu no anu ualasou nesi.”

Ta'aposeli 13:27

Xo Taielusalemo oli'a tatiatilasi'a, ane'i ilamana uasi noxou Iesua lexe anu itema e tapolopeti milemolu. Ia no voxo loxo mivau la ane'i me'a mixalixu nene'axu vaikalai'a tapolopeti e ane'i utotomu i'itisou no anu Voxovoxo so Ma'ila.

2 Kolini 8:7

No anu mimi mukalusi nga'oxonu la nene'axu mulolutusi. Aloxo 'o. Lopala noxinge mo vaikala laixe noxinge mo lavulavumengi mo masaxa noxinge noxou Tatananenge mo sexela noxinge e te'avutinoxu ne, anene mukalusi mulolutusi. Laso no anu xaixai so iaiama ano'o la ngalolutuxusi kalumo.

Epesusi 5:15

Ioxe, laso ngalaxa'inu xoluxo­lungenge laixe. Ngaxolu loxo tamitema ane ixovulaulau uasi. Ngaxolu loxo tamitema ane lavulavui'a.

Epesusi 5:33

Laso telexu no anu vaikalaxeli aloxo 'o. Ngingi vilevilesi ne ngasexelaxa'a tasema­mengi a loxo ngasexelangenge ne. Xe ngingi tasema la ngataxane'i tamulumengi.

Pilipai 3:3

Ia uasi, sosovo manina noxou uxolu noxinge nenge'a ta'ei ane Ulenu upamuxanenge so ta'itinu Mosinge ualasou. Mo nenge ane tatoxu Kalaisiti Iesua xe talopalanu mi vile no anu vasimenge so usu'ulinenge uasisi.

1 Tesalonaika 5:15

Mo loxo vile noxinge ususu­nixine la nini nasusunoxu so nakolinu uasi. Xavingengiou ilixo laixe no taingengi xe noxi'a tamitema mukalusi.

Ipilu 1:14

Xo ta'angelou ne ane'i ta'ulenu ane so i'oxonu xaixai noxousi. Anu upalupalusi'a ilailai so isu'uline'i ane'i ane so ixalisou pamauli.

Ipilu 12:25

Laso ngalaxa'i laixe mo mamu so ngaxiunu tumalingeou vaikalaou Mosinge ane a upilixinu noxinge. Xo ane'i tatei loxo milomusou xolinu no lialia xe milomuanu, la vote'i so i'umesou lakolisou uasi. Ioxe, loxo vaimomo 'o vaikalaou molu no tualasou ulu'e la vote'i uasi e uasi manina so ta'umesou lako­lisou loxo talomuanu.

1 Tioni 5:10

Laso itema ane ulopala noxou Mosinge Olu la vaikalaou Mosinge so muvalaxu Olu ne a uxolu nonano noxou. Ia itema ane ulopala noxou Mosinge uasi la anu loxo umoxo'u Mosinge lexe itema so kalavoi, xo vaikalaou e mulemolu so muvalaxu Olu, la itema ne ulopalanu to uasi.

1 Tioni 5:21

Ta'alixeli moso 'o, ngalaxa'i­ngengi mo ngakalipalangengi no anu momosi'a kalavoi.

Mupala'a 1:1

Ioxe, tatei vaikalasou mimi ane so uxali la mutalumesi. Ia Mosinge mupilixinu noxou Iesua Kalaisiti so upala'anixu lamana noxi'a tami­tema so xaixai noxou. Laso Kalaisiti mupalusou angelou so uvulunu noxilo. Xo eni Tioni 'o, eni amitema so xaixai noxou.

Mupala'a 1:9

Ioxe, eni avivinge Tioni a xo nenge nenge'a taxolu noxou Iesua. Taxolu noxou laso nenge so taxolu no voxo loxo Mosinge molu u'uli laxune'i tamitemaou. Laso maixene nenge tatavulenu tu'utu'umaxusou ia taxolu se'isisi so taxomaiou. Xo eni elanu vaikalaou Mosinge mo ea'aloxu Iesua laso ane'i mikusailo xe mipalusilo so axoxolu no anu ailani Patimosi 'o.

Mupala'a 12:11

Mukusukusu'a tavivinge axone ia loxo manina la ane'i miua'ulixu lumamo no anu xavinu sialuxu Sipisipi Ilie. Xe miua'ulixu kalumo no anu vaikala laixe milanu. Milanu laso maulixa'a ne ixavu­talanu uasi, mi'italone'i umomomo no anu solisi.

Mupala'a 12:17

Mukalu la sineke la'iaxuie sema laso mulai so u'otoxa'a ta'ilie se'ila. Ane'i ane ilavusou ilomuxu lo noxou Mosinge xe ikasou vaikalasou Iesua lexe maninasou.

Mupala'a 14:7

Ioxe, xolinu tatila so mulanu vaikalaou aloxo 'o, “Voxosou Mosinge utilovosi'a tamitema no lakoti a muxali 'oe. Laso ngamama'u noxou Mosinge mo nga'itinu ualasou. Xe ngavi­kalasou ili'ilixou laixe xo anu mukoinu loxotolo ilou lialia mo luaki mo lexa luxuluxu.”

Mupala'a 15:4

Tatananexi, nini ninisisi nelapusi. Laso vote'i so tamitema ixililiieni uasi. Ane'i mukalusi imama'u noxine mo ivikalasou ualasine laixe. Mo tamitema so tuatuala mukalusi ine'e no laxuneni so i'itineni xo mimi ane ne'oxonu malemalengasi a mupala'a.”

Mupala'a 19:9

La angelo muvikalaleli aloxo 'ola, “Nakaukavunu vaikala 'o. Tamitema ta'ei Mosinge muali'a so ine'e no anu lavilelu so taula'i noxou Sipisipi Ilie la ixalisou osa'ilasi.” Mo mu'oxo lexe anene vaikala manina noxou Mosingesi.

Mupala'a 4:10

Tamimi i'oxo axone laso tatiatila 24 itangatulu mo ixolasou tava'a no laxunu anu ane utalupexa no sia kingi ne. Mo i'itinu ualasou xo anu ane uxolu kaluxu uasi ane. Mo ati koli no kisi'a ne ino'u so ipilixinu no tava'u. La ivikala aloxo 'o,