Mupala'a 18:2 - Ata New Testament

² La mu'ava tatila lexe, “Taoni tatila ne Vaviloni mumamulo e mumamulosi. Mo a muxali tasi'a ta'angelo e tauluaou, a tanixa'a ta'ulenu tamasua e. Ane'i tangiala tamasua e ani'anixa'a nuni'usi tatatananu tatani ne.

Mupala'a 18:2 ပူးပေါင်းရင်းမြစ်များ

Mupala'a 1:15

Xe tava'u loxo valasi ane mi'elaxu mo so axexaxu. Xe xolinu loxo lexalexa loxu.

Mupala'a 10:3

Mutulusou mukalu la mu'ava tatila a loxo laioni xolinu tatila so la'iaxu. Mu'ava mukalu xe lele'e mupau alaxu 7 la vaivaikala muxali no anu.

Mupala'a 11:8

La vasime'a uta'olu vitanisi no loxomala no anu taoni tatila. Taoni ne tatotokalasou no anu uala vile lexe Sotomu xe vile lexe Isipi. Anu taoni e tatei mililixu Tatanane'i no ovu valautu so musoli.

Mupala'a 14:15

Xe angelo vilela molu no tasou Mosinge mula. Mula la mu'ava tatila noxou anu ane mutalupexa no sauma aloxo 'o, “Nano'u lavisomeni mo na'elesou nene'axu xai 'o xo la'ilali no lialia voxosou a muxali mo momoxo mukalu.”

Mupala'a 14:8

Mukalu la angelo vilela mumu­linu ane tei. La angelo tameisou 'o muvikala aloxo 'o, “Taoni tatila ne Vaviloni a umamulo 'oe. Anu mumasua xo anu muolexa'a tamitema so xale tuatuala muka­lusi mimulinu ili'ilixo nuni'u so taoni ne. Anu loxo miiexu uaini pakia'u so taoni ne mo misipaki no anu.”

Mupala'a 16:13

Xe no anaxa'a mi loxo sineke tatila xe mi vova xe polopeti kalavoi la emaisi'a ta'ulenu tamasua a loxo talokoloko milala.

Mupala'a 16:19

La taoni tatila ne Vaviloni mumamulo xe muvala muxali pa'usou tatalu mo taotaoni no anu xale tuatuala mumamulo kalumo. Xo Mosinge muxavutalanu ili'ilixo masua noxi'a tatemanu taoni ne Vaviloni la mukolinu. Mukolinu la mixa­mulinu la'ia noxou Mosinge toxoxu a loxo itema uxamulinu uaini no anaxu loxo uiexu.

Mupala'a 17:18

Xe noxie sema e nemaisie la isosovosou taoni toxoxu e u'uli laxune'i takingi so lialia mukalusi.”

Mupala'a 17:5

Xe no alaiei la uala vile latilovo mo laxu uasi'asi muxolu. Kaukavu so uala ne aloxo 'o, “Taoni toxoxu ne Vaviloni. Neni'a tasema so vote'i mukalusi. Mosou ili'ilixo tuma'u masumasua no lialia.”

Mupala'a 18:10

Ane'i imaisi'a tate­manu taoni ne itavu­lenu tu'umaxu misevile la i'ume mo itulu nopaxa so isu'anu ie'iousi. La itama lexe, 'Iauo, iauo mala­menge Vavilonio. Taoni toxoxu mo xavinuo. Axovae, no anu aso iou vilesisi la nexalisou mamulosou ilixo noxinesi.'

Mupala'a 18:21

Ioxe, vaikala axone mukalu la angelo vile xavinu mu'itinu lavo'o alelaxu tatila. Lavo'o ne so imamulonu uiti ngiaxu no anu. Mu'itinu ka musu'anu mulu'elai no luaki. La muvikala aloxo 'o, “Ngamaisou e'okinu lavo'o 'o musu'asi. La no anu taoni toxoxu Vaviloni ne usu'a mo tasiauxu axonesi.

Mupala'a 5:2

La emaisou angelo vile xavinu mu'ava xoli tatila lexe, “Ena'ei laixe umomomo so ulokenu sosovo e uteinoxu lavuku 'o so uvula?”